Hsnov adna smayll hr 1 nmrli tam orta

İ. Həsənov adına İsmayıllı şəhər 1 nömrəli tam orta məktəbində riyaziyyat fənninin tədrisi vəziyyəti və qarşıda duran vəzifələri.

2 may 2015 -ci il Ş. V. Bayramlı-məktəbin riyaziyyat-informatika fənn metodbirləşməsinin sədri. Pedoqoji şura qeyd edir ki, İ. Həsənov adına İsmayıllı şəhər 1 nömrəli tam orta məktəbində riyaziyyat fənnini aşagıdakı müəllimlər tədris edirlər. 1. Kazımov İzhar 7. Əliyeva Rəhilə 2. Şəfaqətova Gülsurə 8. Əsədov Zərqəm 3. Həsənova Ziba 9. Bayramlı Şəfəq 4. Bəşirova Qəlbiyə 10. Salehova Aynur 5. Bəşirova İradə 11. Əsədova Gül 6. Əliyeva Göyçək 12. Salehova Günel

• Fənni tədris edən müəllimlərin hamısı ali təhsillidir. Təkmilləşdirmə kurslarında olmuşlar: ”Elektron məktəb”, ”Kurikulum”, Azərbaycan Respublikası Təhsil Nazirliyi və” Mədəd humanitar təşkilatı ictimai birliyi” tərəfindən təşkil edilmiş İKT-nin təhsilə tətbiqi, ”İntel”, ”Promethean”. • Müəllimlərimizin sırasında əməkdar müəllim, çox yüksək təlim keyfiyyətlərinə malik müəllimlər var. • Müəllimlər öz dərslərində İKT-dan, ”Promethean” lövhələrdən, fəal təlim metodlarından istifadə edirlər. Müəllimlər şagirdlərə hörmət və etimadla yanaşır.

• Bütün dərs boyu şagirdlərin müstəqil fikir yürütməsini və sərbəstliyini təmin edirlər. Təlim fəaliyyətinin təşkili və qiymətləndirmə zamanı səmərəli vasitələrdən istifadə edirlər. • Müəllimlərin elmi-metodiki bacarıqlarını təkmilləşdirmək məqsədi ilə məktəbdaxili fənn metodbirləşməsi səmərəli fəaliyyət göstərir. Metodbirləşmə iclasları keçirilir. Tədrisin yoxlanılması üçün dərs dinləmələri, açıq dərslər keçirilir, müzakirə olunur və nəticələr çıxarılır. Bundan başqa proqram və dərslikdə olan yeniliklərlə fənn müəllimlərini tanış edir, mütəmadi olaraq elmi-metodiki yeniliklərlə, qabaqcıl təcrübə ilə müəllimləri tanış edir.

• Problem doğuran, tədrisdə çətinlik yaradan mövzularla əlaqədar fənn müəllimlərı arasında müzakirə aparır, həlli yollarını tapır. İstedadlı şagirdləri üzə çıxarır, fənn müəllimlərinin onlarla fərdi yanaşma yolu ilə işləməsini təmin edir. • XXI əsrdə dünya ölkələrinin əksəriyyətində təhsil sistemləri dəyişməkdə və yeniləşməkdə davam edir. • Təhsil sahəsində İslahat Proqramı (1999 -cu il) əsasında Azərbaycanda həyata keçirilən kurikulum islahatlarının məqsədi təhsilin məzmununu təlim strategiyalarını və şagird nailiyyətlərinin qiymətləndirilməsi məsələlərini əsaslı şəkildə yeniləşdirmək, inkişaf etmiş ölkələrin təhsil standartlarına uyğunlaşdırmaqdır. Ümumtəhsil sistemində islahatlar Azərbaycan Respublikası Nazirlər Kabineti tərəfindən qəbul edilmiş Azərbaycan respublikasında ümumi təhsilin Konsepsiyası(kurikulum 2006 -cı il), ümumi təhsil pilləsinin dövlət standartı və proqramları(kurikulumları 2010 -cu il) adlanan təhsil sənədləri ilə reallaşdırılır.

• Bildiyimiz kimi riyaziyyat fənni VII sinfə çatanda cəbr və həndəsəyə ayrılırdı. Kurikulumla gələn siniflərdə isə elə riyaziyyat olaraq qalır. Lakin bu standartlar arasında və eləcə də başqa fənlərin standartları arasında əlaqələr, inteqrasiya mövcuddur. • Bugünki təhsil təcrübəsi göstərir ki, təlim prosesində müxtəlif inteqrasiya metodlarından istifadə etmədən hər hansı bir fənnin, o cümlədən riyaziyyatın tədrisində uğur əldə etmək çox çətindir. Təlim prosesində motivasiyanın yaradılması, sinifdə fəallığın artırılması, məzmununun hərtərəfli aşılanması və şagirdlərdə dünya görüşünün formalaşdırılmasında inteqrasiyanın rolu danılmazdır. • Müasir dövrdə təhsil işçiləri inteqrasiyanı XXI əsrdə təhsilin keyfiyyətinin yüksəldilməsi istiqamətində daha düzgün yol hesab edirlər.

• Riyaziyyat fənninin tədrisinin yoxlanılması. • II yarımil üzrə İ. Həsənov adına İsmayıllı şəhər 1 nömrəli tam orta məktəbində riyaziyyat fənninin tədrisinin vəziyyəti yoxlanıldı. • Bu məqsədlə aşağıdakı işlər aparıldı: • IX siniflərdə test üsulu ilə monitorinq; • Dərsdinləmələr. • Əvvəlcə IX siniflərdə testin nəticələrinə baxaq.

IX-a IX-b IX-c 5 alan 82% 10% 4% 4 alan 9% 45% 57% 3 alan 9% 40% 39% 2 alan - 5% -

İndi isə IX siniflərdə I yarımilin nəticələrinə baxaq və müqayisə edək. IX-a IX-b IX-c 5 alan 23% 32% 12% 4 alan 36% 23% 16% 3 alan 32% 45% 72% 2 alan 9% - -

• Dərsdinləmələr • 1. Həsənova Ziba müəllimənin V-c sinfində riyaziyyat dərsində olduq. Dərsdə 25 şagirddən 24 -ü iştirak edirdi. Əvvəlcə şagirdlər sualcavabda çox fəal iştirak etdilər. Şagirdlər birbirini də sual-cavab etdilər. • Yeni mövzu “məlumatlar, qrafik formalar”idi. Müəllim sinifdəki bütün şagirdlərin motivasiyada iştirak etmələrinə nail oldu. Sinfin ümumi səviyyəsi yüksəkdir. Bu I yarımilin və BSQ-nin nəticələrində də özünü göstərir.

V-c 5 alan 40% 4 alan 44% 3 alan 16% 2 alan -

• 2. Bəşirova İradə müəllimənin VI-a sinfində Riyaziyyat dərsində iştirak etdik. Dərsdə 22 şagirddən 21 -i iştirak edirdi. “Ədədi orta, moda, median” mövzusunun sorğusu keçirildi , ev tapşırıqları müzakirə olundu və ümumi təkrar aparıldı. Yeni mövzu”Proqnozun verilməsi” keçirildi. Sinfin səviyyəsi orta qiymətləndirildi. I yarımilin və BSQ-nin qiymətlərindən də göründüyü kimi.

VI-a 5 alan 14% 4 alan 32% 3 alan 54% 2 alan -

• 3. Bəşirova Qəlbiyə müəllimənin VIIIa sinfində Həndəsə dərsində iştirak etdik. Sinifdə 23 şagird var idi. Mövzu -“Vektorun ədədə vurulmasının xassələri”idi. Vektorlara aid sualcavab aparıldı, ev tapşırıqları yoxlanıldı. Şagirdlər dərs zamanı çox fəal idilər.

VIII-a 5 alan 36% 4 alan 23% 3 alan 41% 2 alan -

• 4. Salehova Aynur müəllimənin IX-b sinfində cəbr dərsində olduq. Sinifdə 22 şagirddən 20 si iştirak edirdi. Mövzu “Triqonometrik funksiyaların hasilinin cəmə çevrilməsi” idi. Triqonometriyanın düsturları təkrarlandı. Yeni mövzu izah edildi. Çalışma həllində və sual-cavabda şagirdlər fəal iştirak etdilər. Bayaqki cədvəldə göstərildiyi kimi IX-b sinfinin 55%-i əla və yaxşı, 45%-i aşağı səviyyədə oxuyan şagirdlərdən ibarətdir.

• 5. Əliyeva Rəhilə müəllimənin X-a sinfində Cəbr dərsində iştirak etdik. Dərsdə 21 şagirddən 20 -si iştirak edirdi. Mövzu “Kompleks ədədlər” idi. Müəllim mövzunu çox yuksək səviyyədə izah edərək şagirdlərə mənimsətməyə nail oldu. Şagirdlər də çalışma həllində çox fəal oldular.

X-a 5 alan 5% 4 alan 14% 3 alan 81% 2 alan -

• 6. Əsədova Gül müəllimənin X-c sinfində Cəbr dərsində iştirak etdik. Dərsdə 16 şagirddən 15 -i var idi. Mövzu “Loqarifmik tənliklər”idi. Əvvəlcə loqarifmaya aid sual-cavab keçirildi. Ev tapşırıqları yoxlanıldı. Yeni mövzu izah edildi. Şagirdlər sual-cavabda və çalışma həllində orta səviyyədə iştirak etdilər.

X-ç 5 alan 19% 4 alan 31% 3 alan 50% 2 alan -

• 7. Şəfaqətova Gülsurə müəllimənin XI-c sinfində Cəbr dərsində iştirak etdik. Dərsdə 22 şagirddən 21 -i iştirak edirdi. Mövzu-“Triqonometrik tənliklər və bərabərsizliklərin təkrarı”idi. Ümumi təkrar və sualcavab aparıldı və çalışma həll edildi.

XI-c 5 alan 9% 4 alan 27% 3 alan 64% 2 alan -

• Sonda ibtidailər haqqinda da danışmaq istəyirəm. Çünki həmin bu şagirdlərin təməli məhz ibtidai siniflərdə qoyuldugundan ibtidai sinif müəllimlərinin üzərinə böyük məsuliyyət düşür. Xüsusilə də riyazi biliklərin mənimsədilməsində.

• II yarımildə Manafova Qüdsiyyə müəllimənin I – c sinfində Riyaziyyatdan”ədədlərin müqayisəsi” mövzusunda elektron lövhədə hazırlanmış açıq dərsində iştirak etdik. Sevindirici haldır ki, I sinif olmalarına baxmayaraq, elektron lovhədən çox məharətlə istifadə edirdilər. Müəllimin çəkdiyi əziyyət göz qabağında idi. • Qədirova Ülviyyə müəllimənin IV-c sinfində riyaziyyat dərsində olduq. Sinfin bilik səviyyəsi yüksək qiymətləndirildi. • Sədirova Aytən müəllimənin II-ç sinfində riyaziyyat dərsində iştirak etdik. Mövzu“İl, ay, həftə, gün, saat”idi. Şagirdlərin səviyyəsi orta qiymətləndirildi.

Diqqətinizə görə Minnətdaram