Lnda Zhvillimi i Turizmit ARIANA HAXHIAJ Tiparet e

Lënda: Zhvillimi i Turizmit ARIANA HAXHIAJ

Tiparet e industries turistike Shpesh turizmi karakterizohet si një industri që na ofron të ardhura, punësim dhe mënyrë jetese modern. Industria turistike përfshin mallra dhe shërbime që vijnë nga sektorë apo degë të ndryshme të veprimtarisë ekonomike, me të cilat plotësohen nevojat e kërkesës turistike. Natyra e përbërë e industrisë turistike ka shkaktuar shumë pyetje: sa turizmi mund të konsiderohet si një industri e pavarur për shkak të karakteristikave të veçanta që e dallojnë atë në lidhje me industritë e tjera ose me transaksionet botërore.

Tiparet kryesore ekonomike të industrisë turistike janë Paqëndrueshmëria e kërkesës turistike: Paqëndrueshmëria e kërkesës turistike është tipar themelor i industrisë turistike. Paqëndrueshmëria shkaktohet, si nga faktorë të jashtëm të paparashikuar, ashtu dhe nga ngjarje natyrore, si: tërmete, katastrofa ekonomike, që s’kanë lidhje me turizmin, por ndikojnë tek ai.

Këta faktorë ndikojnë pozitivisht dhe negativisht në prodhimin e produktit turistik dhe në tërheqjen e turistit. Në këto situata prodhuesi turistik është i pamundur të kundërpërgjigjet, të parashikojë ose të planifikojë energji kompesuese.

Pasojat e paqëndrueshmërisë së turizmit konsiderohen të rëndësishme, pasi përqindja e të ardhurave kombëtare dhe e arkëtimeve valutore që vijnë nga turizmi, shtohen në shkallë kombëtare, sidomos për disa rajone të vendit ku roli i turizmit është shumë i madh në krahasim me rolin e tij në gjithë vendin.

Elasticiteti i kërkesës turistike është i lartë dhe preket vecanërisht nga niveli i të ardhurave të disponueshme të turistit dhe nga formimi i çmimit të produktit turistik. Studimet e O’Hagan and Harrison(1984) përcaktojnë elasticitetin e kërkesës për shërbimet e sektorit të turizmit dhe të udhëtimeve në nivelin (-2. 0). Studimi i Crouch G. I and Shaw, R. N. (1993) vlerëson elasticitetin e kërkesës mesatare për të gjitha destinacionet turistike të barabartë me (-0. 40), duke marrë në konsiderat shumëllojshmëri të madhe midis destinacioneve.

Në studimin e tij Mak, J. (2004) përllogarit elasticitetin e kërkesës të turizmit botëror në lidhje me të ardhurat sipas vendit të prejardhjes së turistit, për Evropën Veriore në (2. 06) dhe Evropën Jugore në (1. 67), që do të thotë se n. q. s të ardhurat e banorëve të Evropës Veriore dhe të Evropës Jugore rriten me 1 % atëherë kërkesa për turizëm nga banorët e Evropës Veriore do të rritet me 2. 06% dhe 1. 67% nga banorët e Evropës Jugore. Elasticitetin e kërkesës në lidhje me çmimin, Mak, J. e përllogarit për Evropën Veriore në (-0. 37) dhe për Evropën Jugore në (-0. 54), që do të thotë se n. q. s. ulet çmimi i produktit turistik me 1% atëherë kërkesa për turizëm nga banorët e Evropës Veriore do të rritet me

Natyra plotësuese e produktit turistik Produktet turistike duhet të kenë mundësinë të kombinohen midis tyre thjesht dhe të plotësojnë njëratjetrën. Kombinimi bëhet ose ndërmjet produkteve që prodhojnë prodhuesit turistikë, ose ndërmjet këtyre produkteve dhe produkteve të sektorëve të tjerë që ndikojnë mbi to. P. sh. prodhuesit e shërbimeve të transportit duhet të disponojnë shërbime mbështetëse, aerodrome, porte dhe destinacione për klientelën e tyre. Prodhuesit e shërbimeve të akomodimit duhet të mbulohen nga shërbime të restorantit, argëtimit, etj

Segmentimi i tregut turistik Produkti që ofron prodhuesi turistik, adresohet tek tregu turistik, ku parashikon se turisti konsumator do ta preferojë. Ndarja e tregut në segmente, nënkupton përcaktimin e karakteristikave ose të vecorive të një grupi klientësh, në mënyrë që të rezultojnë në një segment të përcaktuar nga tregu i përgjithshëm

Përshtatje e ngadaltë e mallrave turistike të ofruara Shumica nga mallrat turistike të ofruara tek turisti për konsum duan shumë kohë përgatitjeje për prodhimin e tyre. Objektet e infrastrukturës turistike në një destinacion nënkuptojnë kapitale të mëdha të investuara dhe eficencë afatgjatë në investimet e tyre. Veçanërisht, kur bëhet fjalë për mjetet e transportit masiv dhe sistemet që atyre u duhen që të funksionojnë(aerodromet, stacionet hekurudhore dhe rrjeti i tij, portet etj) kërkohen investime të mëdha, liçensa të veçanta etj

Vështirësia e përballjes së kërkesës të shtuar të produktit turistik dhe vonesa në kohë e ofrimit të disa produkteve turistike të reja ka ndikime afatgjata me zmbrapsjen e segmenteve të tregut turistik, që do të kanalizojnë kërkesën e tyre drejt prodhuesve turistik të tjerë

�Konkurrenca është një specifikim karakteristik në industrinë e turizmit. Dallojmë konkurrencë direkte dhe indirekte. Konkurenca direkte është pasojë e ndryshimit të zakoneve, ndryshimit në nivelin e jetesës të konsumatorit dhe e promovimit të produktit turistik

Konkurenca indirekte shkaktohet nga mundësia e zgjedhjes, për shpenzimin që i takon udhëtimit turistik, në ofertën e llojeve të reja të “udhëtimeve që u interesojnë”. Problemi i konkurrencës në veprimtarinë turistike është shumë i theksuar, pasi mënyra e investimeve të kapitalit të huaj në veprimtarinë turistike me formën e sistemeve hoteliere, “zinxhirë” turistik, fshatrave turistik, blerje hotelesh, gjithmonë e më shumë merr përmasa të rëndësishme. Varësia përqëndrimin e një force të madhe politike dhe ekonomike tek Tour Operators është një prirje botërore.

Pandashmëria e produktit turistik Produkti turistik është një shumë mallrash dhe shërbimesh, që konsumohen ose përdoren në shkallë të shumëllojshme nga turistët. Eshtë një produkt i kombinuar që përbëhet nga elementë natyrorë, të mira materiale, të mira të paprekshme dhe shërbime. Përbërja e shërbimeve turistike përmban: shplodhjen, kohën e lirë, argëtimin, kënaqësinë. (Smith, S. 1994: 587) Struktura e produktit turistik është komplekse dhe është përfundimi i një veprimtarie prodhuese komplekse, e cila është integral me produktin turistik

Si rrjedhim, segmentimi i produktit turistik ka dobësi objektive. Ky fakt përcjell tek produkti turistik një vecori e cila është e rëndësishme dhe e dallon nga produktet e tjera të sektorit të parë dhe të dytë, të cilët kanë një element homogjen. Produktit turistik i nevojitet një konkretizim më i madh në lidhje me origjinën prodhuese të produktit. Ajo ndihmon në planifikimin, zhvillimin e prodhimit, të tregtisë dhe të reklamimit të tij