Isang Magandang Pasimula Unang araw ng pasukan Masiglang

Isang Magandang Pasimula

Unang araw ng pasukan. Masiglang naghanda sa pagpasok si Daniel.

Malinis ang suot kong uniporme, medyas, at sapatos. Kompleto na ang mga gamit sa aking bag. Narito na rin ang baon kong pagkain. Handa at sabik na akong pumasok.

Aba, maaasahan na talaga ang anak ko! Mag-isa ka nang naghanda sa pagpasok.

Nanay, greyd 3 na po ako. Dapat namang kaya ko nang maligo at magbihis ng uniporme nang mag-isa.

Ganoon din po ang pagaayos ng aking mga gamit sa iskul. Pero hindi pa po sa pagluluto ng pagkain.

Ha! Ha!, Kaya naman maaga akong naghanda ng pambaon mong pagkain. Pero talagang natutuwa ako at nakaasa ka na sa sarili mong kakayahan.

Kayo po ang matiyagang umakay sa akin kaya ko natutuhan ang mga iyon. Salamat po, Nanay. Papasok na po ako. Daraanan ko pa po si Kathy.

Magkaibigan at magkamag-aral sina Daniel at Kathy. Nadaraanan niya pagpasok sa paaralan ang bahay ng pamilya ni kathy. Kaya naman isinasabay na niya ang kaibigan sa pagpasok araw-araw.

Magandang umaga po, Aling Naty. Si Kathy po?

Magandang umaga naman, Daniel. Nasa loob. Teka, tatawagin ko.

Masayang nagkwentuhan sina Daniel at Kathy hanggang sumapit sila sa Mababang paaralan ng San Roque.

Tingnan mo. Masayangmasaya ang lahat sa pagbabalik sa paaralan. Aba, teka, alamin natin kung saang klase tayo.

Daniel, magklasmeyt tayo sa seksiyon A. Si Bb. Rose Delgado ang ating gurongtagapayo.

Halika na sa ating klasrum. Sabik narin akong makita ang iba pa nating klasmeyt. Pati ang titser ay nais ko na ring makilala

Magandang umaga po.

Magandang umaga naman.

Maupo na kayo.

Welcome sa 3 -A! Nalulugod akong maging inyong gurong-tagapayo. Nakikita kong lahat kayo ay handa na sa pagpasok.

Ito ay magandang pasimula. Inaasahan ko na ang bawat isa sa inyo ay magiging laging handa…

… sa pagsasagawa ng mga gawain ng mabuti at masikap na mag-aaral sa ikatlong baitang.

WAKAS

Ano ang natutunan mo sa kuwentong nabasa?