TALUMPATI Isang masining na pagpapahayag ng isang kaisipan

TALUMPATI

Isang masining na pagpapahayag ng isang kaisipan tungkol sa isang mahalaga at napapanahong paksa sa paraang pasalita o sa harap ng mga tagapakinig.

Mga uri ng talumpati

1. Talumpati na nagpapaliwanag Nagbibigay kaalaman, naglalarawan, tumatalakay para maintindihan ng tagapakinig ang paksa, gumagamit ng paghahambing upang higit na maunawaan at may katibayan ng katotohanan na nagpapaliiwanag sa paksa.

2. Talumpati na nanghihikayat Layuning makaimpluwensiya sa pag-iisip at kilos ng nakikinig at para makumbinsi ang nakikinig.

3. Talumpati sa pagkakaloob ng gantimpala Ang pagkakaloob ng karangalan sa isang indibidwal dahil sa isang gawaing matagumpayna nagampanan.

4. Talumpati ng pagsalubong Nagpapaliwanag sa kabuluhan ng okasyon, pagpapakita ng layunin ng organisasyon, pagpaparangal sa taong sinasalubong.

5. Talumpati ng pamamaalam Kapag aalis na sa isang lugar o matatapos na sa ginampanang tungkulin.

6. Pagpasok ng pangalan o nominasyon Sa mga kombensyong pulitikal, sa nominasyon ng isang indibidwal, binibigyang diin ay ang mabubuting katangian, mga papuri, kakayahan na may kaugnayan sa tungkulin.

7. Talumpati ng eulohiya Binibigkas sa sandali ng pagyao o sa memoryal na serbisyo sa isang kilalang namayapa.

8. Inaugurasyon Binibigkas sa seremonya ng pagsisimula ng isang mahalagang tungkulin o gawain tulad ng talumpati ng pangulo sa pagtatalaga sa kanila sa tungkulin.

Salamat sa pakikinig ! Source: Mga Aralin Sa Lit 103 (Sanaysay At Talumpati Ni Mrs. Raquel Abyado)