figueira Ficus carica higuera common figuier commun figueira

figueira (Ficus carica) higuera common figuier commun figueira

CLASE Anxiospermas ORDE Urticales FAMILIA Moráceas

Arbusto ou pequena árbore de copa ampla e irregular que pode acadar os 5 m de altura. É orixinaria da cunca Mediterránea e do sudoeste de Asia. Vive en lugares soleados. Atópase por toda Galiza cultivada e naturalizada.

TALO: Toro curto, frecuentemente retorcido e moi ramificado, coas ponlas despregadas e caídas. A tona é lisa de cor gris con manchas máis escuras.

FOLLAS Caedizas, simples, alternas, palmeadas, con 3 ou 5 lóbulos ovais de diferentes tamaños, bastante ríxidas e ásperas e cos nervos moi marcados. Poden medir ata 30 cm de lonxitude.

FLORES Unisexuais, moi pequenas e están situadas no interior dun receptáculo carnoso especial, o figo, de cor verde e forma cónica, aberta pola centro da base. As flores femininas están formadas por un ovario e as masculinas por dous estames. Florece en primavera. femininas masculinas

FROITOS Son secos e duros (aquenios), de cor castaña crara e forma oval, de 2 -3 mm de lonxitude. Están situados no interior do figo, o “envoltorio” dos froitos que almacena substancias azucradas para axudar á dispersión das sementes. Maduran no outono do segundo ano.

CICLO ANUAL-FIGUEIRA Folla Flor Froito xaneiro febreiro marzo abril maio xuño xullo agosto setembr o outubro novemb ro decemb ro

Figueira no Pazo de Fefiñáns. Cambados

USOS: Os figos aprovéitanse para comer, facer dóces e confituras. . . Ten moitos usos mediciñais: a savia para curar as espullas e a carie dental, os figos como laxantes ou para calmar a tos, as follas para tapar feridas. . .

ESCOLMA LITERARIA Miña terra, miña terra, terra onde me eu criei, hortiña quero tanto, figueiriñas que plantei. Rosalía de Castro Figueira. Casa Museo Rosalía Castro. (Padrón-A Coruña). Mide 6 m de altura e 1, 50 de perímetro. É unha das figueiras máis coñecidas pola súa relación coa poetisa Rosalía de Castro.

LENDA A FIGUEIRA DO MECO A figueira do meco atópase nunha pedra da Siradella (O Grove) Conta a lenda que o Meco era un cacique do Grove que cometía moitos abusos. Unha noite tivo unha discusión nunha taberna e partíronlle unha xerra na cabeza. Os veciños levárono ao monte da Siradella e colgáronno dunha figueira. Cando a xustiza preguntou Quen matou ao Meco? o pobo respondeu Matámolo todos!

REFRÁNS -Primeiro a ameixa, despois a cereixa, despois o figo e o carrapichote, meu amigo. -No tempo dos figos non hai amigos. ADIVIÑAS CANTIGAS Adiviña adiviñador, que frutal carga sen a súa flor, (A figueira) Fun á casa de Carmiña e biqueina na lareira, deume unha pucha de figos que foi pañar á figueira. Cen e cen fillos ten e a todos con leite mantén. (A figueira)

MONTAXE: Adela Leiro, Mon Daporta Xullo 2015