MATERION HIL YN AMERICA 1929 1990 Hiliaeth arwahanu

MATERION HIL YN AMERICA 1929 – 1990 (Hiliaeth, arwahanu a’r KKK)

Dull o drin o Americanwyr Affricanaidd Cafodd caethwasiaeth ei ddileu yn 1863 ac o dan gyfansoddiad yr Unol Daleithiau roedd hyn yn rhoi cydraddoldeb i bobl dduon. Fe ddarganfu TALEITHIAU’R DE ffordd o sicrhau nad oedd y bobl dduon yn gyfartal. DEDDFAU JIM CROW (1870 -1950 au) • Roedd y ddeddf hon yn arwahanu (rhannu) pobl dduon a phobl wynion. • Mewn theori roedd yn rhaid i gyfleusterau fod ‘ar wahân ond yn gyfartal’. Mewn arfer nid oeddent. • Roedd ysgolion, bysiau, caffis, cyfleusterau hamdden, sinemâu a hyd yn oed toiledau yn cael eu harwahanu.

Allwch chi adnabod y mathau o leoedd yn cael eu harwahanu Pa un oedd mwyaf sarhaus i bobl dduon y De? ayn pham yn eich barn chi?

Y KKK (neu Ku Klux Klan) KU KLUX KLAN (1866 -) • Roeddent yn gweithredu’n bennaf yn y DE. • Roeddent eisiau GORUCHAFIAETH I’R GWYNION. (Pob hil arall, yn enwedig pobl dduon i fod yn wasaidd i bobl wynion) • Roedd ganddynt farnwyr, heddlu, cyngreswyr, a phobl bwysig eraill yn aelodau ac felly roedd yn amhosibl eu hatal. • Roeddent hefyd yn casáu Comiwnyddion, anarchwyr, Pabyddion, Iddewon a mewnfudwyr.

Astudiwch y delweddau uchod ac eglurwch pa beth sydd fwyaf brawychus amdanynt a pham?

Gan ddefnyddio’r ffynhonnell yma a’ch gwybodaeth eich hunan, eglurwch pam ei bod hi’n anodd atal y Klan.

Roedd ar bobl ofn y KKK oherwydd yn ogystal â bod yn bwerus ac yn gyfrinachgar, roeddent yn curo pobl dduon… eu tario a’u pluo… treisio… a’u crogi

Beth sydd bob amser fel petai’n bresennol mewn cyfarfodydd a gorymdeithiau'r Klan? Beth mae hyn yn ei ddangos am y Klan?

Y diwedd Cafwyd pob delwedd o Lyfrgell Genedlaethol y Gyngres (www. loc. gov) Hyd y gwêl yr awdur nid oes unrhyw gyfyngiad sy’n hysbys ar y cyhoeddiad.