Ua Tsaug Tshoob kus Thaum Tam Meej Koob
Ua Tsaug Tshoob kus Thaum Tam Meej Koob Cov Uas Yuav Tau ua Tsaug Muaj Xws: Meej Koob Kaav Xwm (Yog Muaj) Phij Laaj Tub Tsws Nraa Nam Tais Ntsuab Tub Laub Caw (Yog Muaj) Tub Qav Tub Num (Yog Muaj) Kev Txwj Laug Neeg Kev Cai Hmoob Ntsuab
Ua Tsaug (Yuav Mus Xaus Tshoob) Ua tsaug koj TXIV TUAM MEEJ KOOB luag tas(has lub npe) nwg muaj tub muab nyaab nwg yuav tsaa nwg ncej nthaab, Nwg muaj tub muab sev nwg yuav tsaa nwg nceej tsev, nwg tub moog txob plaub txob ntug, nwg tub moog yuav puj yuav sev lug, luag tas tsi pum qaab yuav lub dlaag lub zug lub ncauj lu lug, luag tas yuav vaam koj lub dlaag lub zug lub ncauj lu lug moog xaus tshoob xaus kus, leej nam leej moog xeeb nam xeeb txwv xeeb neej xeeb tsaav, moog ntaiv hnub ntaiv hli. cuag le twb tsi muaj ib dlaig zoo ntxuag rua koj khaws, tsi muaj zoo pib dlej pib cawv rua koj tuav tsua yog ua koj ib lu lug tsaug qhuav xwb os. Nyob le tug rauj qws yuav raug rua mej los tug tsoj ntshaav ca raug rua ntawm peb cov ua nam ua txwv, lug sab lug qeg los mej tsua nqaa lug rua peb cov ua nam ua txwv xwb no lau. es thov koj ua lub sab ntuj ntev moog paab os mog thov koj es ua koj tsaug os.
(Thaum Mus Xaus Tshoob Rov Los Txog Tsev) Ua tsaug koj TXIV TUAM MEEJ KOOB luag tas(has lub npe) nwg muaj tub muab nyaab nwg yuav tsaa nwg ncej nthaab, Nwg muaj tub muab sev nwg yuav tsaa nwg nceej tsev luag tas tsi pum qaab yuav lub dlaag lub zug lub ncauj lu lug, luag tas yuav vaam koj lub dlaag lub zug lub ncauj lu lug moog xaus tshoob xaus kus moog xeeb namxeej txwv xeeb neej xeeb tsaav coj tub coj nyaab rov lug txug vaaj txug tsev lawm yog has tas peb txawj ua lub neej xws le luag neej ces yuav cev ib tug zoo ntxuag yuav cev zoo peb feeb moog quav txhuas, yuav cev ib tug zoo nqaj yuav cev zoo peb feeb moog zoo nyaj yuav muaj zoo phaaj txuag rua koj khaws muaj zoo pib dlej pib cawv rua koj tuav. Tab sis twb tsi txawj ua lub neej ces ntshe twb cev tsi zoo ib tug ntxuag twb cev tsi tau peb feeb moog zoo qhuav txhuas, twb cev tsi zoo ib tug nqaj, twb cev tsi tau peb feeb moog zoo nyaj, phaaj ntxuag tsi muaj zoo koj khaws, pib dlej pib cawv tsi muaj zoo koj tuav, tsua yog ua koj ib lu lug tsaug qhuav xwb lau. Luag tas hnub qaab ntsaag lub ntsws koj muaj zoo ntoo maaj ca koj vaaj, koj muaj zoo ntoo thuv ca koj tsev, koj ntoo maaj hlaav mog le nyoog tuaj ntsuab kaab, koj muaj tub muab nyaab koj tsi vaam txug peb cov kwv tij txwv tub los tseg, yog koj vaam txug peb cov kwv tij txwv tub los; yog tug thoob tswb to ntsog ces peb yuav tuaj nrug koj nyob lub moog kaum txuas, yuav has ib lus zoo rau suav dlawg yuav, tus tsi thoob tswb to ntsog ces yuav tuaj xab tsi tau ib tug ceg rooj los yuav tauj nrug koj saib ib hnub qhua. Hnub qaab ntsaag lub ntsws koj ntoo thuv hlaas mog le nyoog tuaj ntsuab kev koj muaj tub muab sev, koj vaam tsi txug peb cov kwv tij txwv tub los tseg, yog koj vaam txug peb cov kwv tij txwv tub los; yog tus thoob tswb to ntsog ces yuav tuaj nrug koj nyob ib lub kaum rooj has ib lu lug zoo rua sawv dlawg ncooj, hos tug tsi thoob tswb to ntsog ces yuav tuaj tshuam tsi tau ib tug phuag los yuav tuaj nrug koj tsuam ib tse nplooj os Es ua koj tsaug nawb
(Tam Meej Kobb Tog Ntxhais Hauv Tsev) Ua tsaug koj TXIV TUAM MEEJ KOOB luag tas(has lub npenwg tso ntseg nuv moog raws paag, ntseg naag moog raws ntshee. Nwg tso nam ntaab moog ntsawj thoob, nwg tso nam muv moog ntsawj cua, nam ntaab moog ntsauv paaj, nam muv moog ntsauv zwb, Nwg quav nwg ntxhais mus ua neej tsi pum qaab yuav vaam. Es txhaj le vaam koj tuaj paab nrug qua ntxhais moog ua neej. Yog txawj ua lub neej ces yuav cev ib tug zoo ntxuag, yuav cev zoo peb feeb moog quav txhuas, yogtxawj ua lub neej xws luag tej ces yunav cev ib tug zoo nqaj, yuav cev peb feeb moog zoo nyaj, yuav muab zoo phaaj ntxuag rua koj khaws, muab zoo pib dlej pib cawv rua koj tuav. Tab sws twb ua lub neej tsi xws neej, twb cev tsi zoo ib tug zoo ntxuag, twb cev tsi zoo peb feeb moog quav txhuas, ua neej tsi xws luag twb cev tsi tau ib tug zoo nqaj, twb cev tsi zoo peb feeb moog zoo nyaj, tsi zoo phaaj ntxuag rua koj khaws, tsi zoo pib dlej pib cawv rua koj tuav rua yog ua koj ib lu lug tsaug qhuav xwb mog. Luag tas hnub qaab ntsaag lub ntsws, luag tas koj muaj ntoo maaj ca zoo koj vaaj ntoo thuv ca zoo koj tsev, koj ntoo maaj hlaav moog le nyoog tuaj koj kaab koj muaj tub muab nyaaj koj vaam tsi txug peb cov kwv tij txwv tub los tseg yog koj vaam txug peb cov kuv tij txwv tub tug thoob tswb to ntsog los yuav tuaj nrug koj nyob ib lub moog kaus txuas yuav tuaj nrug koj saab laaj ib lu lug tsua suav dlawg qhuas tus tsi thoob tswb to ntsog ces yuav tuaj xab ts tau ib tug ceg rooj los yuav tuaj nrug koj saib ib hnub qhua, koj ntoo thuv hlaav moog le nyoog tuaj koj kev koj muaj tub muab sev koj tsi vaam txug peb cov kwv tij txwv tub los tseg yog vaam txug peb cov txwv tub los yog tug thoob tswb to ntsog ces yuav tuaj nrug koj nyob ib lub kaum rooj yuav has ib lus zoo tsua suav dlawg ncooj tug tsi thoob to ntsog ces yuav tuaj tshuav tsi tau tug npuag los yuav tuaj nrug koj tsuam ib tse nplooj nawb es ua koj ib lus tsaug os.
- Slides: 4