Thov Vajtswv ua ntej koj npaj lus qhuab

Thov Vajtswv ua ntej koj npaj lus qhuab qhia

Kev sau lus qhuab qhia: Yuav tsum sau txog Txojcai (Law) & Txoj Hmoo Zoo (Gospel) uake los qhuab qhia I. Txoj Kevcai (LAW) yog qhia txog tej teeb meej hauv ntiajteb; kev ua zoo thiab kev ua phem yog Txoj Kevcai (Law). Txoj Kevcai pab tau tibneeg 3 yam xwb. 1. Txojcai ua daim iav qhia koj tias koj ua txhaum Vajtswv los tsis txhaum. 2. Txojcai ua ob daim ntswg yeej thaiv sab qab kev qaum kev rau koj kom koj txhob mus ua kev txhaum. Yog koj tsis mloog, koj hla ob daim ntswg yeej ces koj poob rau kev txhaum. 3. Txojcai tsis muaj kev cawm dim. Txojcai tsuas rau txim rau koj thaum koj ua txhaum thiab tua kom koj tuag xwb. Qhov koj qhia kom tibneeg ua zoo rau lwm tus/rau Vajtswv, lossis ua phem yog Txojcai xwb. Txojcai tsis muaj kev cawm dim ib zaug li. Txoj Hmoo Zoo thiaj li muaj kev cawm dim xwb. II. Txoj Hmoo Zoo (Gospel) yog qhia txog yam Vajtswv ua dejnum rau tibneeg. Qhov Vajtswv ua rau tibneeg yog: A. Vajtswv cawm neeg ntiajteb hauv Yexus, B. Vajtswv zam koj lub txim; C. Yexus tuag theej koj kev txhaum; D. Yexus muab nws txojkev ncaj ncees rau koj & hlub koj; E. Vajtswv pub koj ua Vajtswv cov menyuam; F. Vajtswv pub kev ntseeg rau koj, muab kev cia siab rau koj, muab txojsia ntev dhawv rau koj, koj tsis muaj txhaum lawm. Qhua Qhia txog Txoj Hmoo Zoo thiaj cawm tau tibneeg los tau txojsia hauv Yexus Khetos. 2/27/2021 2

Sau koj cov lus qhuab qhia li nram no Nyeem ib qho Vajluskub uas yuav muab los qhuab qhia rau pawg ntseeg 1. Txojcai (Law) hauv Vajluskub: (siv li 5 nasthis qhia)Qhia txog yam zoo thiab yam phem uas cov neeg nyob hauv Vajluskub tau ntsib. Lawv tej kev zoo siab, tej kev nyuaj siab, lawv cov teeb meem ua rau lawv pab tsis tau lawv tus kheej. 2. Txoj Hmoo Zoo (“Gospel) hauv Vajluskub: (siv li 5 nasthis qhia) Qhia txog qhov Vajtswv los pab thiab los cawm cov neeg nyob hauv Vajluskub nqi koj nyeem rau pawg ntseeg mloog. 3. Txojcai (Law) ntawm nej pawg ntseeg: (siv li 5 nasthis qhia) Qhia txog nej pawg ntseeg, nej lub zos, lub xeev, lub tebchaws, neeg ntiajteb tej teeb meem, kev nyuaj siab, kev zoo siab, kev rau ntxwnyoog tsim txom. Nej pab tsis tau nej tus kheej, Yuav raug rau txim thiab tuag xwb. Qhia kom muaj ntsis thooj li nqi Vajluskub uas koj nyeem rau pawg ntseeg. 4. Txoj Hmoo Zoo (Gospel): (Siv li 5 nasthis qhia) uas Vajtswv tau ua rau nej pawg ntseeg: Qhia txog Vajtswv txojkev hlub; kev zam txim rau pawg ntseeg; Yexus lub neej puv npo kev hlub uas nws tau tuag rau nej, sawv rov los; zam nej lub txim; cawm nej dim ntawm ntxwnyoog; muaj txojsia ibtxhis rau nej; huv nej tuaj pehawm, tsom kwm nej, ua rau nej dawbhuv. 5. Txhob qhuab qhia tshaj 30 nasthis. Koj qhuab qhia ntev tshaj neeg tsis mloog lawm. 2/27/2021 3

Lus Qhuab Qhiab nyob Matthais 8: 1 -4 1. Txojcai hauv Vajluskub (Law): A. Muaj neeg coob leej lawv Yexus qab. Tus txiv neej mob ruas tsis dawbhuv. Nws kuv lawv Yexus qab thiab tiamsis nws nyob deb ntsia xwb vim cov neeg tsis pub nws txav tib lawv. B. Cov neeg saib tsis tau nws vim nws yog neeg mob ruas. Nws xav noj zoo hnav zoo los nws tsis tau vim nws tus mob. Nws tu siab rau nws tus kheej tias nws pab tsis tau nws, thiab ua licas ua neeg nyob yuav txomnyem ua luaj. Ib tug phoojywg zoo los nws twb tsis muaj. Nws ua neej nyob tsaus ntuj nti xwb. 2. Txoj Hmoo Zoo nyob Vajluskub (Gospel): A. Thaum tus txiv neej mob ruas tag kev cia siab lawm, Vajtswv los cuag nws. Nws txaj muag kawg rau Yexus vim nws mob ruas thiab tsis dawbhuv. Nws txhos caug ntuas thiab lees txim rau tus Tswv. Nws hais tias, “Tus Tswv, yog koj pom zoo, koj yeej ua tau kuv dawbhuv rov tuaj. ” Yexus yog Vajtswv. Yexus hlub tus mob ruas heev. Yexus teb nws hais tias, “Kuv pom zoo kho koj. Koj cia li dawbhuv tuaj. ” Lub sijhawm ntawd, tus txiv neej mob ruas cia li zoo hlo lawm. B. Yexus hais rau nws hais tias “Koj cia li mus cuag cov povthawj thiab muab ib qhov khoom fij rau tus Tswv li Mauxes tau hais tseg tias koj twb zoo lawm. ” Tus mob ruas zoo siab heev li vim Vajtswv hlub nws thiab zam nws lub txim lawm. 3. Txojcai hauv Pawg Ntseeg (Law): Peb raug ntxnyoog tsim txom peb. Ntxwnyoog ua rau peb muab mob muaj nkeeg thiab tsis ua rau peb lub neeg kho hlab tag. Vim peb tej kev txog kev txhaum, peb tsis dawbhuv rau Vajtswv ib qhov li. Peb zoo li tus txiv neej mob ruas. Leejtwg los tsis xav ti peb. Peb pab tsis tau peb tus kheej vim. Peb ua neeg nyob nyuaj siab ntsuav. 4. Txoj Hmoo Zoo ntawm Vajtswv los rau Pawg Ntseeg (Gospel): Hnub no Vajtswv los cuag peb ntawm nws Txojlus. Peb hnov Tswv Yexus hais rau peb tib yam li nws hais rau tus mob ruas tias, “Kuv zoo siab kho koj. Koj cia li dawbhuv. Kuv twb zam koj cov txhaum tag lawm thaum koj leej txim rau kuv. Kuv twb muab koj ntxuav los ntawm qhov kuv muab koj ua kevcai raus dej. Kuv twb zam koj lub txim thiab kuv twb muab kuv txojkev ncaj ncees rau koj hnav lawm. Hnub no kuv caw koj los ua nrog kuv noj kuv Roj Mov. Lub ncuav uas yog kuv lub cev thiab cov kuas txiv hmab uas yog kuv cov ntshav. Kuv cov ntshav twb ntsuav koj dawbhuv lawm. Koj cia li mus nrog pawg ntseeg koom thiab nqa koj cov khoom mus fij rau Vajtswv uas yog koj txojkev zoo siab, kev thov Vajtswv, thiab hu nkauj qhuas Vajtswv. Cia qhuas Vajtswv tus ua zoo kawg nkaus rau koj. Amen.

Koj xyaum npaj lus qhuab qhia li no, thiab koj mus nrhiav lwm cov nqi Vajluskub los txhawb koj cov ntsiab lus qhuab qhia. Nco ntsoov, npaj kom koj zaj lus qhuab qhia ntev li 20 -25 nasthiv xwb. Thov Vajntsujplig nyob nrog nraim koj. Ua Tsaug. Kxf. Txawj Tuam Lis / Rev. Joshua Lee