Tamargueira tamargueira Tamarix gallica Taray french tamarisk tamaris

Tamargueira

tamargueira (Tamarix gallica) Taray french tamarisk tamaris commun tamarisco CLASE anxiospermas ORDE cariofilales FAMILIA tamaricáceas

Arbusto ou árbore caducifolia que pode acadar os 10 m de altura. É nativa da rexión Mediterránea, norte de África e Illas Canarias. En Galiza atópase naturalizada na costa das provincias de Pontevedra e A Coruña.

TALO: Toro lixeiramente tortuoso coa tona de cor parda e gretada. As ponlas son longas e flexibles e forman unha copa irregular.

FOLLAS Moi pequenas (de 1, 5 a 4 mm de lonxitude), simples, alternas, caedizas, a xeito de escamas, de forma ovado agudas e con abrazadeiras na base. Son de cor verde glauca.

FLORES Completas, formadas por un cálice pequeno con cinco sépalos, unha corola de cor rosada ou vermella con 5 pétalos, cinco estames e un ovario súpero de forma ovoide. Agrúpanse en acios cilíndricos de 3 a 6 cm de lonxitude, que nacen sobre as ramiñas do ano e que aparecen á vez que as follas.

FROITOS Cápsulas de forma oval-piramidal, con tres caras. Ábrense para soltar numerosas sementes cun penacho plumoso.

CICLO Folla Flor Froito xaneiro febreiro marzo abril maio xuño xullo agosto setembr o outubro novemb ro decemb ro

Tamargueira no paseo de Foz.

USOS Moi empregada como ornamental en en beiras de estradas, zonas litorais e xardíns. Tamén se planta para estabilizar zonas de dunas e cantís e como protección contra o vento.

MONTAXE: Adela Leiro IMAXES: Adela Leiro, Mon Daporta, Internet Agosto 2015