Roso 1 Maganu mannu sirchira gato aano gede
- Slides: 8
Roso 1
Maganu mannu sirchira gato aano gede kakkayisiyoosihu maati? Maganu baayira hasatto mannu baalu gateenanna ayaanisiiniino soorrameenna la’ate. Manchu beetto baala baxaaawo. Baxillisi bikka diafiriiyo, shaqqilisi hegereho, maarosinno digoofaawote. Maganu oososi baala rake minira dagaawo gede hasiraawo baxaancho annaati. Maganu wolootaho gato uuyinammora dooriyoonke. Ninke konne assate kakkayisaawonkehu maati. Maayira farci’neemmo? Gato aate Magano hagiirsiissate. Lophphate Hajajamate Baxilluyi ka’iyoohunni
“Amma’nitusikkinni hiito asiste woshshitasira dandiitawo? Isi daafira maciishitukkinni hiito asiste ama’nitassira dandiitawo? Kulannohu noo’ikkiha hiito asiste maciishitaawo? ” (Roome 10: 14) Maganu umosi addi doogonni xawisiiyo: Qullaawu ayaani loosi widoonni (Soq L. 5: 32) Kalaqamu widooni (Faar. 19: 1) Addi woyi gatissate ledo amadantiiyo doogganni (1 Dud. 16: 12) Yesuusi heeshshonna soqqanshsho widoonni (Yoh. 1: 18) Hakkuri xaadooshshu dooga horonsira dandaayi heerenni, Maganu wolootaho gatote doogo kulate ninke dooriyoo. Gato afidhiyoori wolootu ledo beeqitara hasiranno. Wolootuno hegere heeshsho afirate kaayyo afidhaawo gede ninke adhinoomore beeqinamora hasiraawonkee, (Mat. 10: 8; Yai. 5: 20).
MAGANO HAGIIRSIISATE “Hattono kuleemo’nena, aagintaawe higaawo mittu cubaataaminni kainohunni gordoho Maganu sokaano noowa baayiru hagiirri ikkaawo. ” (Luq. 15: 10) Maganu cubbu te baatto abbiyoo xisso, shettonna yoote xe’nne daafira mayi maciishamaasiro hedde egenoo? (Erm. 13: 17). Maganu wodanansa fante gato adhitanna la’a halchanno daafo, gordu wo’mmanta yanna ninke danchcha duduwo wolootu ledo beeqinamora agaratenii wo’miyoo. Mittu wodani gatote fa’namaawo wote, sokkaano hagiiruuyi huuronsa gotti assitaawo, Maganuno hagiidhe faarsaawo (Luq. 15: 7; Sopho. 3: 17). Ate farcira tenne dadillu baato giddo Maganu wodanira hagiirre abitaawota afa sa’e tashshi yaanori maati?
LOPHPHATE “Qullaawu Maxaafi yaanonte gede, Anenii ammanino baali giddonii heeshsho aanno waayi bu’ichcho fultanno. ” (Yoh. 7: 38) Wayi mittowa calla kuussame ofolliro ma’ikaawo? Barru barrunkunni soorama hoogiro kofame noo wayi booraawaawo. Ninkeno heeshshote wayi ninke gidoonni du’nama hoogiro “boorambeemo”. Alba kaayinsummonte gede Maganu umosi xawisate duuchcha doogga noosi. Kaayinilla, ummosi albaani xawissani nafa manoota woloota manooti ledo xaaddano gede assano. Lawishshaho Sawuli woyi Qorneliwoosi roso la’e (Soq. 9: 3 -6; 10: 1 -6). Wongeela lalawa ninkera atooteho. Ayaanaame heeshshonkenii lophphineemoha ikkanna insano adhitanno wote Yesuusi ledo hagiidhineemo.
YESUUSI HAJAJO HAJAJAMATE “Xaate hadhine gosa baala Annu, Beettunna Qullaawu Ayyaani su’minni cuu’inanni rosaano’ya assensa. ”(Mat. 28: 19) Maganu “aayino ba’aikki gede kaayinilla aagintaawate widira daara” (2 Phex. 3: 9) hasiraawo. Konninii ka’iyoohunnii baalunku ledo wongeela beeqinammora hajajiyoonke. Hatte hajajonke wonshshinammora cincatennii agaraawoonke (Mat. 24: 14). Maganu labballonna meento dooriyoo (2 Phex. 2: 5; Kal. 12: 1 -3), dagano (Is. 49: 6) mannootano (Soq. 1: 8) gato anfaayi gede dhaggete mereero. Maganu mini / Beete kiristaane tenne Yesuusi hajajo ajishe la’a woy agura heerase mixo aana uwanna tenne baattora noose himanate woshshatto sorate.
BAXILLU DAAFIRA “Kiristoosi baxilli duure amadiiyoonke, mittu baalaho yee reeyinoro baalunku reeyitiiyo yine adhinoomona. Isi baalaho reeyinoro heedhaayi noori uminsara ikkikinni insara yee reeyinohuranna reeyooteeyi ka’iyoohura heedhaawoona. ” (2 Qor. 5: 14 -15) Compel (duure amada yinummo qaali tiro) “mitto mancho ikiyoore assaawo gede giddeessa woyi mitto richo lowonta hasiisaawoha assa” yaate (Oxford Advanced Learner’s Dictionary). Iso gatisara heeshshosi uuyino daafo Yesuusi baxilli Phawuloosi Maganu Qaalle baato baalate iilishshaawo gede kakkaayisisi. Farcira Maganu baxillira baxillu dawarooti. “Rooru roduuwi Maganunni amma’nite wongeela lallawate waajja noo’ikiha danchu wodaninni baxillunii ka’u… ” (Phil. 1: 14 -16).
“Ayyanu wolqanii Yesuusi wodhiyoo soqqamaano murrichinsa daafira farcidhara hasiisaawo. Gatisaanchu baayira hasatto cubbattaamu gataraati. Balaxe yessusi assiti elitoteeyi wo’mitiiyoo ko’isa mannu huuronii baatto baalate kulantara hasiisawo: ‘hasirihu baalu baatooshshiweelo heeshshote waa adhona. ’ Aju. 22: 17” E. G. W. (Testimonies for the Church, book 9, cp. 4, p. 43)
