Qari millEwwel Ittra ta San Pietru Appostlu 1

Qari mill-Ewwel Ittra ta’ San Pietru Appostlu 1 Piet 1, 3 -9 Lil Kristu ma rajtuhx, imma tħobbuh

Ikun imbierek Alla u Missier Sidna Ġesù Kristu, li fil-ħniena kbira tiegħu tana twelid ġdid li jwassalna għal tama ħajja bil-qawmien ta’ Ġesù Kristu mill-imwiet,

u għal wirt li la jitħassar, la jittebba’ u lanqas jinxef. Dan il-wirt hu merfugħ għalikom fis -sema, għax intom tinsabu taħt il-ħarsien ta’ qawwa ta’ Alla

bil-fidi tagħkom fis-salvazzjoni, li hi lesta biex tidher fl-aħħar tażżminijiet. Għalhekk għandkom tifirħu, ukoll jekk issa, għal ftit żmien ieħor,

jeħtiġilkom toqogħdu għal ħafna provi. Bħalma d-deheb, li jintemm, jgħaddi mill-prova tannar, hekk tgħaddi mill-prova l-fidi tagħkom, biex ikun jistħoqqilha tasal għat-tifħir,

għas-sebħ u għall-ġieħ, meta jidher Ġesù Kristu. Intom lilu ma rajtuhx, imma tħobbuh; u waqt li issa temmnu fih, għalkemm ma tarawhx,

tifirħu b’ferħ li ma jitfissirx u ma jitqiesx, u hekk tiksbu l-iskop talfidi tagħkom: is-salvazzjoni ta’ ruħkom.

Il-Kelma tal. Mulej. Irroddu ħajr lil Alla

Il-Mulej jiftakar għal dejjem filpatt tiegħu Salm 110, 1 -2. 5 -6. 9. 10

Inrodd ħajr lill-Mulej b’qalbi kollha, fil-laqgħa tat-tajbin flimkien miġbura. Kbar huma l-għemejjel tal-Mulej; ifittxuhom dawk kollha li jitgħaxxqu bihom. R. Il-Mulej jiftakar għal dejjem filpatt tiegħu

Hu jagħti l-għajxien lil min jibża’ minnu, jiftakar għal dejjem fil-patt tiegħu. Wera lill-poplu tiegħu lqawwa ta’ għemilu, meta qassam lilhom sehem il-ġnus. R. Il-Mulej jiftakar għal dejjem fil-patt tiegħu

Bagħat jifdi lill-poplu tiegħu, wettaq għal dejjem il-patt tiegħu. Qaddis u tal-biża’ hu ismu! Għal dejjem jibqa’ t-tifħir tiegħu! R. Il-Mulej jiftakar għal dejjem filpatt tiegħu

Hallelujah, Hallelujah Ġesù Kristu, li kien għani, ftaqar, biex bil-faqar tiegħu tistagħnu intom. Hallelujah, Hallelujah

Qari Mill. Evanġelju Ta’ San Mark Mk 10, 17 -27 Glorja Mur, bigħ li għandek, u ejja u imxi warajja

F’dak iż-żmien: Ġesù kien fit-triq lejn Ġerusalemm, meta mar fuqu wieħed jgħaġġel, niżel għarkobbtejh quddiemu u qallu: “Mgħallem tajjeb,

x’għandi nagħmel biex nikseb ilħajja ta’ dejjem? ” Qallu Ġesù: “ Għaliex qiegħed issejjaħli ‘tajjeb’? Ħadd ma hu tajjeb ħlief Alla biss. Inti l-kmandamenti tafhom.

La toqtolx, la tiżnix, la tisraqx, la tixhedx fil-falz, la tiħux bil-qerq dak li hu ta’ ħaddieħor, weġġah ‘il missierek u ‘l ommok. ” U dak wieġbu u qallu: Mgħallem,

jiena dan kollu ili nħarsu minn żgħożiti. ” Imbagħad Ġesù xeħet fuqu ħarsa ta’ mħabba u qallu: “Ħaġa waħda tonqsok:

mur, bigħ li għandek, agħtih lillfqar, u jkollok teżor fis-sema; imbagħad ejja u imxi warajja. ” Imma għal dan il-kliem,

ir-raġel qarras wiċċu u telaq b’qalbu sewda, għaliex kellu bosta ġid. Ġesù mbagħad ħares ħarsa madwaru u qal liddixxipli tiegħu:

“Kemm hi iebsa għall-għonja li jidħlu fis-Saltna ta’ Alla!” Id-dixxipli stagħġbu għal din ilkelma, imma Ġesù reġa’ qalilhom:

“Kemm hi iebsa, uliedi, li wieħed jidħol fis-Saltna ta’ Alla! Eħfef li ġemel jgħaddi minn għajn ta’ labra milli wieħed għani jidħol fis-Saltna ta’ Alla!”

Huma stagħġbu wisq aktar, u bdew jgħidu wieħed lill-ieħor: “Mela min jista’ jsalva? ” Ġesù ħares lejhom u qalilhom:

“Għall-bnedmin dan ma jistax ikun, imma għal Alla iva; għax għal Alla kollox jista’ jkun. ”

Il-Kelma tal. Mulej. It-tifħir lilek Kristu

Presb: Miġburin f’dar Missierna llum nitolbuh iżomm ħarstu fuq pajjiżna biex ħafna fostna jwieġbu għas-sejħa li jagħmlilhom il-Mulej Ġesu biex imorru warajh.

Poplu A Ieqaf, Mulej, mal-Knisja tiegħek f’ pajjizna u tħalliha qatt nieqsa mill-vokazzjonijiet reliġjużi u saċerdotali Nitolbu R / Ismagħna nitolbu Mulej

Poplu B Qawwi qalb dawk kollha li qed jaqtgħu qalbhom li jwieġbu għas-sejħa ta’ Ibnek Ġesu, u tħallix id-dinja tfixkilhom li jwieġbu għas-sejħa tiegħu u juruk l-imħabba tagħhom. Nitolbu R / Ismagħna nitolbu Mulej

Poplu A Agħti ndiema lil ħutna kollha li kollhom sogħbiena qegħdin jersqu lejk jitolbu terġa’ tħabbibhom miegħek u taħfrilhom ħtijiethom. Nitolbu R / Ismagħna nitolbu Mulej

Poplu B Wettaqna bil-grazzja tiegħek biex nibqgħu dejjem fidili għas -sejħa li int għamiltilna u li aħna lqajna bil-qalb. Nitolbu R / Ismagħna nitolbu Mulej

Presb: Mulej Alla li tista’ kollox, ara minn kemm tiġrib ninsabu mħabbtin u kemm tfixkil insibu biex nibqgħu dejjem fidili lejk: Tħallina qatt neqsin millgħajnuna tiegħek u wettaqna bil-grazzja tiegħek. Bi Kristu Sidna AMEN