Qari mill Ewwel Ittra ta San wann Appostlu

Qari mill. Ewwel Ittra ta’ San Ġwann Appostlu 1 Ġw 2, 29 -3, 6 Kull min jgħammar fih ma jibqax fiddnub

Għeżież: Jekk tafu li Kristu huwa ġust, tafu wkoll li dawk kollha li l-għamil tagħhom huwa ġust huma mwielda minn Alla.

Araw b’liema mħabba ħabbna l. Missier: nistgħu nissejħu wlied Alla, u tassew aħna. Għalhekk id-dinja ma tagħrafniex, għax ma għarfitx lilu.

Għeżież, issa nafu li aħna wlied Alla, imma x’se nkunu ‘l quddiem meta ma hux muri lilna? Mandankollu nafu li, meta hu jidher,

aħna nkunu bħalu, għax narawh kif inhu. Kull min għandu din it-tama fih isir safi bħalma safi huwa Kristu.

Kull min jagħmel id-dnub jikser ukoll il-liġi; għax id-dnub huwa l-ksur tal-liġi. U intom tafu li Ġesu deher biex ineħħi d-dnubiet,

hu, li ebda dnub ma hemm fih. Kull min jgħammar fih ma jiqbax fid -dnub; iżda kull min jibqa’ fid-dnub, lil Kristu la rah u lanqas għarfu.

Il-Kelma tal. Mulej. Irroddu ħajr lil Alla

L-art kollha rat is-salvazzjoni ta’ Alla tagħna Salm 97, 1. 3ċ-6

Għannu lill-Mulej għanja ġdida, għax għamel l-egħġubijiet; ġibitlu r-rebħa l-leminija tiegħu u d-driegħ imqaddes tiegħu. R. L-art kollha rat is-salvazzjoni ta’ Alla tagħna

Raw it-trufijiet kollha ta’ l-art is-salvazzjoni ta’ Alla tagħna. Għajtu bil-ferħ lill-Mulej fl-art kollha, infexxu fil-hena, ifirħu u għannu! R. L-art kollha rat is-salvazzjoni ta’ Alla tagħna

Għannu lill-Mulej biċ-ċetra, biċ-ċetra u b’leħen il-għana; bit-trombi u bl-leħen it-trombetti għajtu bil-ferħ quddiem is-sultan, il-Mulej! R. L-art kollha rat is-salvazzjoni ta’ Alla tagħna

Hallelujah, Hallelujah Alla fl-imgħoddi kellem lil missirijietna ħafna drabi u b’ħafna modi permezz tal-profeti. Issa, f’dan l-aħħar żmien, huwa kellimna permezz ta’ Ibnu. Hallelujah, Hallelujah

Qari Mill. Evanġelju Ta’ San Ġwann Ġw 1, 29 -34 Glorja lilek Ara, hawn hu l-Ħaruf t’Alla

F’dak iż-żmien: Ġwanni ra lil Ġesu riesaq lejh, u qal: “Ara, hawn hu l-Ħaruf t’Alla,

dan u li jneħħi d-dnubiet tad-dinja! Dan hu li fuqu jiena għidt, ‘Warajja ġej wieħed li hu aqwa minni, għax kien qabli’.

Jiena stess ma kontx nafu; Imma jien ġejt ngħammed bl-ilma sewwa sew biex hu jkun imgħarraf lil Israel”.

Ġwanni ssokta jixhed: “Jiena rajt l-Ispritu nieżel mis-sema bħal ħamiema u joqgħod fuqu.

Tabilħaqq, jiena ma kontx nafu; imma dak li bagħatni ngħammed blilma qalli, ‘Fuq min tara l. Ispirtu jinżel u joqgħod,

dak hu li jgħammed bl-Ispirtu s. Santu’. Dan rajtu b’ għajnejja u xhedt; Dan hu l-Iben t’Alla”.

Il-Kelma tal. Mulej. It-tifħir lilek Kristu

Presb: Aħna u nroddu ħajr lil Alla għaliex jogħġbu jkellima permezz ta’ Ibnu l -għażiż, magħmul bniedem għalina, nitolbu l-għajuna biex dejjem ngħożżu l-kelma ta’ Kristu li l-Knisja kuljum twasslilna waqt iċċelebrazzjoni tal-misteri qaddisa.

poplu A Ieqaf, Mulej, mal-Knisja tiegħek hija u tħabbar lillbnedmin kollha tal-art li Kristu Ibnek hu l-Ħaruf li jneħħi d-dnubiet tad-dinja. Nitolbu Ismagħna nitolbuk Mulej

poplu B Ibgħat l-Ispirtu tiegħek fuq kull bniedem ta’ rieda tajba biex jikkonsagrah għallqadi tiegħek. Nitolbu Ismagħna nitolbuk Mulej

poplu A Sejjaħ lill-midinbin kollha għall-indiema biex Kristu jgħammar fihom u ma jibqgħux aktar fid-dnub. Nitolbu Ismagħna nitolbuk Mulej

poplu B Kun magħna dejjem tul ħajjitna fuq l-art biex meta tgħaddi għalina s-sura ta’ din id-dinja narawk kif int wiċċ imb’wiċċ. Nitolbu Ismagħna nitolbuk Mulej

Presb. Inroddulek ħajr, Mulej Alla tagħna, għaliex għoġbok turina l-kobor ta’ mħabbtek u tagħtina li nissejħu u nkunu tassew uliedek. Bi Kristu Sidna. AMEN