Pelajar 3 October 17 2020 siti ari tuju
Pelajar 3 October 17, 2020
siti ari tuju Undang ianya mantaika dosa. (Rome 7: 7). kenya mega ngiring kitai ngagai Jesus. (Galatia 3: 24). bisi mayuh mega guna ti bukai ba segi undang. Undang ngajar kitai jalai kitai patut idup. Iya ngeluruska pengidup kitai ngambika kitai ulih nyapai peneka Tuhan meri chunto nengah Pengidup Jesus. Iya senurutka semua undang lebuh Iya idup nyadi mensia didunya menya. (John 15: 10). Tuju Undang: Rindu enggau Nangika Allah Taala Saksi Ngelaban Nuan Awakka nuan mujur sida ti taluk ka Undang undang: Penusah orang ke ngintu undang Jesus nyadi teladan kitai
RINDU ENGGAU NANGIKA ALLAH TAALA “gempuruka semua lelaki, indu, nembiak, enggau orang kampar ti diau dalam nengeri kita, ngambika semua sida ulih ninga Adat nya dibacha, lalu belajar nangika Tuhan Allah Taala kita, sereta tetap ati ngasika adat nya. ” (ulang Adat 31: 12) Tuhan ngasuh bala tuai Israel sereta orang Israel maca undang nya ba mua bala mayuh lebuh maya Gawai Belangkau. tu sekeda ari atur deka dititih sida: MENDING BELAJAR NANGI Tu siti atur ti udah endur sida ti biak enggau tuai ulih mudah ngepun diri bulih penemu: Nangika Tuhan (Masmur 111: 10). kitai mesti belajar nangika Tuhan. kitai mesti bebasaka cikgu ti ngajar ngambika kitai mudah belajar, kenya mega kitai mesti bebasaka Cikgu Besai kitai ngambika kitai mega mudah belajar ari Iya. Penanggi mesti disereta enggau Pengerindu. nya kebuah Undang nya bisi madah : “rinduka Tuhan Nuan enggau Pengambis ati, runding serta pengering Nuan. ” (Ulang Adat. 6: 5)
“kitai perlu ngemenuhka ati diri ngau penuh penanggi ka Kuasa Tuhan. ari nya kitai ulih tebuka mata serta runding meda pemanah ba Undang Tuhan ba dunya tu, sereta mega ba pengidup ti meruan ti dipadahka Roh Kudus. ” E. G. W. (My life today, October 14)
SAKSI NGELABAN NUAN “Bai bup Adat tu, lalu engkahka iya ngimbai Peti Lampang Batu Adat Tuhan Allah Taala kita, awakka bup nya meruan dia nyadika saksi kena ngelaban kita”(Ulang Adat 31: 26) saksi madahka utai ti dipeda serta didinga sida. Undang “madah” penyalah ti dipeda dalam kitai, nya meh madahka dosa kitai. Undang madahka ia mandangka sapa kitai. (Rome 3: 23). Iya ngelara lalu ngasuh kitai semak ngau Jesus(Galatia 3: 26). Tuhan ngasuh Moses nyendiaka “saksi” ti bukai ngambika madahka penyalah nembiak Tuhan: Leka lagu (Ulang Adat 31: 19). enti sida enda taluk ka undang Tuhan, leka lagu nya deka ngingatka sida jalai Tuhan udah nulong sida dalam pengidup. ba siti hari endur Lagu serta undang diberi nengah Moses enda deka nganu kitai agi. tang iya deka madahka Pemenang kitai ketegal darah anak Domba. (Pemandang 15: 3).
“Lebuh Timpuh Pechara Berengkah, semua deka diakim nengah undang ti udah dituis dalam Bup, Undang Tuhan deka dipeda baka penampak dalam dunya orang Kristian. sitan deka bkereja ngelaburka mata mensia lalu ngasuh sida saru penemu baka ti udah dikereja iya ngagai Adam seduai Hawa ngambika semua mensia bela ngelaban Tuhan. Undang Tuhan mulia laban Iya ti Empu Undang mega Bekuasa. Lebuh maya Pechara, undang nya dikira Kudus, Panduan, lalu semua peneka Iya endang manah magang. sida ti ngelanggar undang deka berutang ngau Tuhan lalu sida perlu minta ampun. ” E. G. W. (SDA Bible Commentary, on Revelation 20: 12 -13, vol. 7, p. 986)
AWAKKA NUAN MUJUR “tang anang enda kering sereta berani, lalu ngasika semua Adat ti diberi nembiak Aku Moses ngagai nuan, anang limpang ari Adat nya, ngambika Nuan Mujur di sebarang endur nuan bejalai. ” (Joshua 1: 7) siti ari tuju ti besai undang Undang Tuhan ianya ngasuh kitai mujur. udah tentu kitai deka mujur dalam pengidup lebuh ngasika Iya. Undang ngajar kitai jalai idup nitihka ajar Tuhan deka nyukong serta merkat ngagai sida ti deka ngereja Peneka Iya nengah jalai ti spesel. (Ulang Adat 30: 9 -10; Masmur 1). ngasika Undang Tuhan nyadika sebagi ari Pelajar orang Kristian. tu nyadi bagi ti beguna bendar lebuh kitai idup bepengarap serta rinduka Tuhan. (Pemandang 14: 12; James 2: 10 -12).
“Pengarap deka mansang lebuh kitai taluka Undang Tuhan. tang kitai enda maca Jaku Tuhan semina kena bulih berkat tang kitai mesti talukka Jaku Nya enggau ati ti penuh gaga dlaam idup diri serta mega dalam ruang Bilik. . ” E. G. W. (Child Guidance, cp. 10, p. 80)
PENUSAH ORANG KE NGINTU UNDANG “Iya mujur, laban semua utai ti dikereja Iya ke RUmah Sembiang tauka pengawa Iya enggau ati ti pemadu taluk sereta angkunka Allah Taala” (2 Bansa Israel 31: 21) Joshua seduai Hezekiah mujur laban seduai talukka Undang Tuhan. tang orang bukai ti taluk mega enda ngasaika asai ti sama baka seduai iya: John Pemaptisa Job • Dipancung Pala • lenyau semua utai. Paul Bukai • disipat, di jil, penusah ba tasik • dituku ngena batu, dibunuh ngena pedang. . enda semua orang deka lantang lebuh taluk ka undang Tuhan. kitai tu idup ba dunya ti bedosa. sitan bekerja ngasuh kitai enda lantang lebuh talukka Tuhan. (Pemandang 12: 17; John 16: 33).
JESUS NYADI TELADAN KITAI “barang sapa madahka diri meruan dalam Allah Taala patut idup baka Jesus Kristus. ” (1 John 2: 6) bakani jalai Jesus ngaga diri sebaka ngau Undang Tuhan lebuh Iya be dunya tu menya? Iya taluk ba semua Perkara(Pilipi 2: 8) Iya taluk berengkah ari Iya mit(Luke 2: 51 -52) Iya belajarka Undang nya (Hebrew 5: 8) Iya taluk ka undang kena ngelantangka Tuhan (John 8: 29) Iya Lantang ati talukka Undang (Masmur 40: 8) Iya taluk ketegal Iya Rindu(John 15: 10) kitai ditemu enda baka Jesus ti taluk penuh ka undang tang kitai diasuh “bejalai nitihka singkang Jesus” talukka Undang nyadika kelai kitai bisi pengarap, (James 2: 17) akenya mega kelai kitai rinduka Jesus(John 14: 15).
“dalam Idup pengawa, Jesus udah meri chunto ti manah dalam ngereja pengawa. iya enda betuaika diri empu tang ngereja perambu Tuhan. Idup iya penuh enggau pengawa ti manah. Iya ngintu semua orang, kenya mega talukka semua Undang Allah Taala. lalu semua teladan ditinggal ka kitai ngambika dikereja kitai E. G. W. (The Desire of Ages, cp. 71, p. 649) semua”
- Slides: 11