A comarca de Valdeorras estaba habitada antes da chegada dos romanos por un pobo coñecido co nome de Gigurri. O territorio dos Gigurros incorporouse ao imperio romano en torno ao ano 29 a. C. , ao rematar as guerras astur-cántabras. Nun principio formou parte dunha provincia chamada Transduriana “ao Outro lado do Douro”, pero moi pronto pasou a formar parte da provincia Tarraconensis.
Coñecemos a provincia Transduriana por un documento en bronce atopado na localidade berciana de Bembibre no ano 1999. No mesmo documento mencionase tamén aos Gigurros.
O principal interés dos romanos por estas terras era o ouro, e da súa explotación consérvanse importantes restos en Córgomo, Éntoma, O Barco…
Para protexer as minas de ouro debeu haber unha importante presenza militar, e de feito sabemos o nome dalgún deles. Lucius Cornelius Placidus Lucius Pompeius Reburrus
Tamén coñecemos o nome doutros cidadáns dos que non sabemos a que se dedicaban. Caius Vettius Felicio Quintus Iulius Tiro
Aínda que non se fixeron moitas excavacións, en Valdeorras teñen aparecido importantes xacementos arqueolóxicos. A Cigarrosa (A Rúa) A Proba (O Barco)
A vía da comunicación máis importante da comarca era a chamada Via Nova, que unía as cidades de Bracara Augusta e Asturica Augusta. A esa via pertencía a ponte da Cigarrosa que hoxe en dia une Petín e A Rúa. Ponte da Cigarrosa A Via Nova na serra da Lastra