ofm org mt Solennit ta Sidna es Kristu

ofm. org. mt Solennità ta’ Sidna Ġesù Kristu, Sultan tal-Ħolqien Kollu L-Erbgħa u Tletin Ħadd taż-Żmien ta’ Matul is-Sena

Qari mill-Ktieb tal-Profeta Danjel Dan 7, 13 -14

Bil-lejl deherli li qiegħed nara bħal Iben ta’ bniedem, ġej fis -sħab tas-sema,

li baqa’ sejjer sax-Xiħ fil -għomor u tressaq quddiemu.

U tawh ħakma, ġieħ, u saltna, biex lilu jaqdi kull ġens, u poplu, u lsien.

Ħakmietu ħakma għal dejjem li ma tgħaddix, u saltnatu li ma tinqeridx

Il-Kelma tal-Mulej Irroddu ħajr lil Alla

Il-Mulej isaltan, il-kobor libes.

Il-Mulej isaltan, il -kobor libes, libes il -Mulej, tħażżem bil -qawwa.

Il-Mulej isaltan, il-kobor libes.

Iżomm sħiħa d-dinja; qatt ma titħarrek. Imwaqqaf it-tron tiegħek fis-sod minn dejjem; minn dejjem ta’ dejjem int

Il-Mulej isaltan, il-kobor libes.

Il-kmandamenti tiegħek ta’ min joqgħod fuqhom; qdusija lil darek tixraq, Mulej, sakemm itul iż-żmien

Il-Mulej isaltan, il-kobor libes.

Qari mill -Ktieb ta’ l-Apokalissi ta’ San Ġwann Appostlu Apok 1, 5 -8

Ġesù Kristu hu x-xhud fidil, il-Kbir fost il-mejtin, il-Prinċep tas-slaten tad-dinja.

Lil Dak li ħabbna, u li ħallna minn dnubietna bis-saħħa ta’ demmu, u li għamilna Saltna, qassisin għal Alla Missieru,

lilu l-glorja u s-setgħa għal dejjem ta’ dejjem. Ammen.

Ara, huwa ġej fis-sħab, u l -għajnejn kollha jarawh, ukoll dawk li kienu nifduh; u r -razez kollha ta’ l-art jibdew iħabbtu fuq sidirhom minħabba fik. Iva. Ammen!

Jiena huwa l-Alfa u l-Omega, jgħid il-Mulej Alla, li hu, u li kien, u li għad irid jiġi, Dak li jista’ kollox!

Il-Kelma tal-Mulej Irroddu ħajr lil Alla

Hallelujah. Imbierek min ġej f’Isem il-Mulej! Imbierka s-Saltna ta’ David missierna li ġejja! Hallelujah.

Qari mill-Evanġelju skont San Ġwann Ġw 18, 33 b-37 Matteo 3, 1 -12

F’dak iż-żmien, Pilatu sejjaħ lil Ġesù u qallu: «Inti s-sultan tal-Lhud? »

Ġesù wieġeb: «Dan qiegħed tgħidu int minn moħħok? Jew kienu l -oħrajn li qalulek dan fuqi? »

Pilatu wieġeb «Mela jiena Lhudi? Kien il-poplu tiegħek u l-qassisin ilkbar li tawk f’idejja. X’għamilt? »

Ġesù wieġeb: «Is-saltna tiegħi mhijiex ta’ din id-dinja. Li kieku saltnati kienet ta’ din id-dinja

il-għases tiegħi kienu jiġġieldu biex ma ningħatax f’idejn il-Lhud; imma tabilħaqq saltnati mhix ta’ hawn.

Pilatu qallu: «Mela int sultan? »

U Ġesù wieġeb: «Int qiegħed tgħidu; jien sultan. Jien għalhekk twelidt, u għalhekk ġejt fid-dinja,

biex nixhed għall-verità. U kull min iħobb il-verità jisma’ leħni. »

Il-Kelma tal-Mulej Tifħir lilek Kristu

ofm. org. mt Solennità ta’ Sidna Ġesù Kristu, Sultan tal-Ħolqien Kollu L-Erbgħa u Tletin Ħadd taż-Żmien ta’ Matul is-Sena