O Zoti im ti je e vrteta e

O Zoti im, ti je e vërteta e pagabueshme, besoj padyshim gjithçka që ti ke zbuluar dhe Kisha e shenjtë na propozon të besojmë. Dhe hapur besoj në Ty, i vetmi Hyj i vërtetë në tre persona të barabartë dhe të dallueshëm: Ati, Biri e Shpirti Shenjt. E besoj në Jezu Krishtin, Birin e Hyjit, mishëruar dhe vdekur për ne, i cili do t’i japë secilit, sipas meritave, çmimin ose dënimin e amshuar. Sipas këtij besimi dua gjithmonë të jetoj. O Zot, rrite besimin tim.

I krishteri është një person që pohon: Unë besoj se Jezu Krishti, i lindur nga Maria në Betlehem, që ka jetuar në Nazaret, për të Cilin flasin Ungjijtë e Mateut, Markut, Lukës, Gjonit, i Cili tani jeton në të djathtën e Atit, është Krijuesi im, është Hyji im, është i Vetmi që më shpëton.

Kush beson në Jezu Krishtin quhet “i krishterë”. Kush nuk beson të gjithë atë që Kisha na mëson për Të, kush nuk i lutet Atij. . . nuk është i krishterë. Mund të jetë një “besimtar” i përgjithshëm, por jo “i krishterë”. Mund të jetë njeri i ndershëm, një person që mendon lirshëm, por jo një “i krishterë”.

BESIM nuk do të thotë të rrish në Kishë, të marrësh sakramentet, të bësh të mirën, të mos bësh asgjë të keqe, etj. Besimi është një mënyrë të qëni dhe të reaguari, Është një mënyrë të shohësh dhe të kuptosh realitetin e jetës: - Si dhe përse jam krijuar, cili është kuptimi i jetës? - Çfarë është e drejtë e çfarë nuk është, e akoma, cila është rruga drejt së cilës duhet të drejtohem? BESIM do të thotë të takoj HYJIN që më shpëton

Të kesh besim do të thotë: Të pranosh FJALËN e HYJIT në jetën tënde, dhe të japësh NJË PËRGJIGJE. Të kesh besim do të thotë: të bësh BESËLIDHJEN mes Hyjit dhe njeriut. Kur Hyji bëri me Moisiun Besëlidhjen, i bëri një propozim që Moisiu e pranoi. § Hyji propozon DHJETË URDHËRIMET për të bërë besëlidhjen. § Njeriu përgjigjet me zbatimin e urdhërimeve sipas kërkesës së Hyjit.

Shumë thonë se janë të krishterë, por jetojnë sikur Hyji të mos egzistonte, ose sikur Hyji të mos kishte lidhje: • • • me jetën e tyre personale dhe shoqërore, (urdhërimet 4, 5, 7, 8, 10), me detyrën për të njohur Hyjin, e të vërtetat e krishtera (urdh. 1), me detyrën e lutjes e të Meshës festive, (urdh. 3), me jetën e tyre seksuale dhe respektin për trupin (urdh. 6, 9), me detyrën për të respekuar krijimin (Zan 1, 26), me të gjitha mësimet e Ungjillit: të falësh, të duash armiqtë, të bashkëndash të mirat e tua me ata që kanë nevojë (Mt 28).

TË KESH BESIM do të thotë TË TAKOSH HYJIN dhe të dërguarin e tij, JEZUSIN. Nëse ndonjëri “ka” besim, duhet të gjeje mënyrën për “ta shprehur”. Që nga koha e apostujve të Krishterët përdornin “Besojën” për t’u kujtuar për të vërtetat themelore të Besimit të Krishterë. Në Kishën antike egzistonin “dëshmi feje” të ndryshme, të quajtura edhe “simbole”. Kur në shekullin e katërt u shfaqën mësime të rreme që i përkisnin Birit të Hyjit dhe Shpirtit Shenjt, u bë e nevojshme të përkufizohen më egzaktësisht mësimet e Kishës dhe të shkruheshin këto “dëshmi feje” të shkurtra.

Të kuptojmë më mirë BESIMIN tonë, që të mund “ta shprehim” më mirë. Simboli i Nike-Kostandinopojës është quajtur kështu, sepse shpreh besimin e Etërve të Koncilit që u bashkuan në Nike në 325 dhe në Kostandinopojë në 381, para ndarjeve të mëdha mes të krishterëve. Kjo “Besoj” nuk është vetëm një dëshmi besimi, por është edhe një tekst lutjeje që e përdorim në Meshën e Shenjtë.

SIMBOL - ÇFARË do të thotë Fjala greke symbolon tregonte gjysmën e një objekti të thyer që paraqitej si shenjë njohjeje. Pjesët e thyera vendoseshin së bashku për të verifikuar identitetin e atij që e mbante. Fjala greke σύμβολον / symbolon (sun-ballo=vendos së bashku) kishte domethënien e “letërnjoftimit”. Sipas zakonit dy persona, dy familje ose dy qytete, thyenin një pllakë dheu ose një unazë, e ruanin secili njërën nga të dy pjesët në përfundim të një marrëveshjeje ose një besëlidhjeje: që këtu del edhe kuptimi i “marrëveshjes” ose i “besëlidhjes”. Pastaj pjesët e thyera vendoseshin së bashku, dhe nëse përputheshin, verifikohej identiteti i personit që e mbante dhe bëhej një shenjë rinjohjeje.

SIMBOLI I BESIMIT "Simboli" i besimit është, pra, një shenjë rinjohjeje dhe bashkimi mes besimtarëve. Symbolon mori një tjetër domethënie përmbledhje, koleksion ose pasqyra e lëndës. "Simboli" i besimit është përmbledhja e të vërtetave kryesore të fesë.

Simboli i Nike-kostandinopojës përbëhet nga dymbëdhjetë artikuj : (Artikuj quhen të vërtetat e besimit) Në artikullin e parë flitet për Hyjin Atë. (1) Nga artikulli i dytë deri në të shtatin flitet për Birin. (6) Në artikullin e tetë flitet për Shpirtin Shenjt. (1) Në të nëntin flitet për Kishën. (1) Në të dhjetin flitet për pagëzimin. (1) Në të njëmbëdhjetin dhe të dymbëdhjetin për ringjalljen e të vdekurve dhe për jetën e amshuar. (2)

Besoja e Nike - Kostandinopojës BESOJ NË HYJIN ATË NJË TË VETMIN KRIJUESIN JEZU KRISHTIN ZOT SHPËTIMTAR SHPIRTIN SHENJT JETËBËRËS ZBULUES NJË E SHENJTË KATOLIKE APOSTOLIKE KISHËN DËSHMOJ NJË PAGËZIM TË VETËM RINGJALLJEN E TË VDEKURVE PRES JETËN E PASOSUR

“BESOJA” nuk është një “listë” abstrakte të vërtetash, në realitet fillon me një pohim : UNË BESOJ! BESOJA nuk është një tekst, por një AKT besimi, i kryer prej secilit prej nesh. Kur, gjatë Meshës, të gjithë së bashku fillojmë të themi “BESOJ”, unë u them të gjithë atyre që më dëgjojnë se unë besoj në të gjitha ato që po them.

Besoj në një Hyj të vetëm, Atin e gjithëpushtetshëm ATË I GJITHËPUSHTETSHËM NJË HYJ I VETËM Ne besojmë në një Hyj të vetëm: do të thotë ne jemi monoteistë. Edhe pse, me të vërtetë, disa hebrenj, myslimanë, jehoaviste, na akuzojnë për politeizëm: sepse ne besojmë në Trininë. Por, nuk kuptojnë që ne besojmë në një Hyj të vetëm në tre persona të barabartë dhe të ndryshëm: Ati, Biri, Shpirti Shenjt. Jezusi vetë na ka mësuar ta konsiderojmë Hyjin si Atë që na do, e ky Atë është i gjithëpushtetshëm, i fuqishëm në çdo gjë: Hyji mund të bëjë gjithçka përveç së keqes.

Hyji Atë … Krijues i qiellit dhe i tokës, i të gjitha gjërave të dukshme e të padukshme. Është krijues i të gjitha gjërave: i të gjitha realitetve të dukshme dhe të prekshme, i të gjitha formave të jetës dhe i fuqive shpirtërore, të padukshme.

Besoj në një Zot të vetëm, Jezu Krishtin, Një të vetmin Birin e Hyjit, lindur nga Ati para të gjithë shekujve: Hyji prej Hyjit, Dritë prej Dritës, Hyji i vërtetë prej Hyjit të vërtetë, të lindur, jo të krijuar, të njëgjëjtë me Atin; Nëpërmjet tij u krijuan të gjitha sendet. Ne besojmë që Jezusi-Zot është një i vetëm dhe mbizotërimi i Tij është dashuri. Jezusi është Biri i vetëm i Hyjit Atë dhe ka lindur prej Tij që prej amshimit. Në Hyjin, duke qenë i amshuar, nuk egziston e shkuara apo e ardhmja, egziston vetëm e tashmja: HYJI ËSHTË. Jezusi është Hyji që vjen nga Hyji: ËSHTË I BARABARTË ME HYJIN. Hyji Atë është Krijuesi, por vepron nëpërmjet Jezusit.

Për ne njerëzit dhe për shpëtimin tonë zbriti prej qiellit dhe, për virtyt të Shpirtit Shenjt, u mishërua në kraharorin e Virgjërës Mari e u bë njeri.

Dhe u kryqëzua për ne nën Poncin Pilat, pësoi dhe u varros,

Të tretën ditë u ngjall sipas Shkrimeve

Dhe përsëri do të vijë me lavdi për të gjykuar të gjallët e të vdekurit, e Mbretëria e tij nuk do të ketë mbarim. Jezusi ka ardhur mes nesh për herë të parë, duke lindur në Betlehem. Dhe ka qenë një ardhje e përvuajtur dhe e dobët. Në atë rast ka ‘mbjellë’ Fjalën e Zotit në mbarë njerëzimin. Do të vijë për herë të dytë, atë vendimtaren, në fund të botës. Secili prej nesh do të gjykohet në bazë të Ungjillit, në bazë të ligjeve të dashurisë.

Shpirti Shenjt është Personi i Tretë i Shenjtes Trini; është marrëdhënia më e lartë e dashurisë mes Atit dhe Birit. Një zjarr dashurie që i bashkon në një dialog të pashterrshëm, një zjarr dashurie në të cilin jemi pjesëmarrës nëpërmjet Jezu Krishtit, Hyjit të bërë njeri. Shpirti Shenjt u është dhuruar zemrave tona nëpërmjet Sakramenteve, të cilat na komunikojnë shenjtërinë e Hyjit. Besoj në Shpirtin Shenjt, që është Zot dhe jetëbërës, që rrjedh prej Atit e prej Birit. Dhe së bashku me Atin dhe me Birin adhurohet dhe lavdërohet, që foli me anën e profetëve. Shpirti Shenjt ka qenë ‘frymëzuesi’ i vërtetë i atyre që shkruan Biblën!

Një Është një dhe me një bari të vetëm, një është populli i Hyjit, vetëm një është Zoti, vetëm një besimi dhe i përbashkët është dinjiteti i anëtarëve dhe thirrja drejt shpëtimit. E Shenjtë Është e shenjtë, sepse vjen nga Hyji, i përket Atij dhe është shpëtuar nga vete Krishti në veprën më të madhe të dashurisë me vdekjen dhe ringjalljen.

Katolike Është katolike, pra universale, e shpërndarë në të gjithë botën derisa të shkëlqejë mes të gjithë popujve hiri i Shpëtimtarit. Apostolike Është apostolike, që do të thotë se është themeluar mbi fjalën dhe dëshminë e Apostujve. Sot janë Papa, pasardhësi i shën Pjetrit dhe ipeshkvijtë, pasardhësit e vetë apostujve që na garantojnë për këtë.

Pagëzimi na përfshin njëherë e përgjithmonë në Kishën e Krishtit e na dhuron faljen e mëkateve. Bëhemi bij të Hyjit dhe bij të Kishës.

Ashtu si Jezusi, edhe ne kemi fatin e Ringjalljes jo vetëm të shpirtrave tanë, por edhe të trupave tanë e do të jetojmë të lumtur në një Botë të Re, ku do të mbretërojë paqja dhe dashuria.

është ashtu, është e vërtetë, është e sigurtë!