O axoxere Mon Daporta ratos COUSIAS FEITAS NA

O axoúxere Mon Daporta (ratos) COUSIÑAS FEITAS NA CASA

Iba Xan camiñando cando de repente algo chamou a súa atención. Que era aquelo que relocía entre a herba?

Achegouse para ver… e descubreu, medio enterrado, un axóuxere.

Colleuno, abaneouno para ver como soaba, pero non soou porque estaba recheo de terra. Limpouno un algo, pero sigueu sen soar.

Meteuno no peto e cando chegou á casa subeu ao seu cuarto e acabou de limpalo. Fíxoo soar e, sen saber de onde, apareceu diante del… un rato. Vaia sorpresa!

Por curiosidade volveuno facer soar… e aparecéronlle dous ratos… que co que xa aparecera antes fixeron tres.

FÍxoo soar de novo e o número de ratos dobrouse había tres e apareceron seis máis, co que xa tiña nove ratos a correr polo cuarto.

Xa non quería que soase máis e pensou en agochalo e facelo desaparecer. Meteuno no peto, pero, cando se atopaba no alto da escaleira, o axóuxere atopou un furado e coouse por el para caír xusto na beira do chanzo, repinicar, e rebotar ao chanzo seguinte

e dese ao seguinte, e ao outro, e ao de máis abaixo… e así ata completar o tramo, que por sorte só era de oito chanzos, bater na parede do descanso e rebotar ata quedar quieto e en silencio.

En total oito repeniques e un rebote que se converteron en varios milleiros de ratos a correr por toda a casa.

Aproveitando que era case de noite, abreu a porta… e, coa axuda da vasoira,

botounos fóra… Un regueiro de ratos foise extendendo por toda a rúa, polo barrio e polo pobo enteiro…

A xente amañeceu sorprendida por aquela extraña invasión

que se convertiu en ganancia para os fabricantes de rateiras,

para os gatos…

e para as curuxas.

Ao pouco tempo todo volveu a ser case normal, pero Xan desfíxose do axóuxere para non verse noutra como a que pasara.

CANTOS RATOS SE XUNTARON NA CASA DE XAN? Serie gorda 1, O dobre de 1 son 2 máis co que xa había fixeron 3. (2+1= 3) O dobre de 3 son 6 máis os 3 que xa había fixeron 9. (6+3= 9) No requipe do primeiro chanzo apareceron o dobre, 18 que cos 9 que xa había fixeron 27. (18+ 9= 27) No requipe do segundo chanzo volveu dobrar o número, apareceron 54 que cos 27 que xa había convertéronse en 81. (54+ 27=81) No repique seguinte apareceron 162 que cos 81 que xa había fixeron 243. (162+ 81= 243) No cuarto dobráronse os 243 e apareceron 486 que cos 243 que xa había sumaron ata 729. (486+ 243= 729) No quinto chanzo a cousa xa pasou do milleiro. O dobre dos 729 (1. 458) e os 729 que xa había fixeron 2. 187. (1. 458+ 729= 2. 187) No sexto dobráronse os 2. 187 (4. 364) que cos que había fixeron 6. 551. (4. 364+2. 187= 6. 551) E a cousa sigueu a medrar no sétimo chanzo. Dobráronse os 6. 551 (13. 102) que cos 6. 551 que había convertéronse en 19. 653. (13. 102+ 6. 551= 19. 653) No oitavo 39. 306+19. 653= 58. 959. E no rebote, aínda faltaba o retruque!, vólveuse doblar o número de novo, que pasou dos 58. 959 aos 117. 918 máis os que xa había de antes que xuntos fixeron a fermosa cantidade de 176. 877 ratos, ou sexa unha marea de ratos que non deixaban un oco libre en toda a casa. Outra serie só co doble dos que apareceran a vez anterior 1, 2 e 4 (co que xuntou 7, no cuarto), 8, 16, 32, 64, 128, 256, 512, 1. 024, nos chanzos, e 2. 048 no rebote = que sumados veñen a ser máis de 4. 000 ratos.