NGENA PENGERINDU NGALAHKA PENYAI Pelajar 11 ungkup March

NGENA PENGERINDU NGALAHKA PENYAI Pelajar 11 ungkup March 13, 2021

Isaiah mai kangau ari Jesus ngangau kitai datai ngagai Iya ngambika kitai bulih selamat. (Matthew 11: 28; John 4: 13 -14), kitai bekungsi kemisi kitai ungkup sida ti merinsa. (Luke 6: 35), lalu segulai ngasaika berkat ari Tuhan laban “Tuhan nya Tuhan atas Hari Sabat” (Matthew 12: 8). Perambu Penyelamat : Meli utai enggau enda bebayar. Isaiah 55: 1 - 7 jalai enggau runding ti lebih tinggi. Isaiah 55: 6 -13 Bepasa : Bepasa. Isaiah 58: 1 -5 Bepasa ti salah. Isaiah 58: 6 -12 Sabat : Timpuh ungkup kitai. Isaiah 58: 13 -14

MELI UTAI ENGGAU ENDA BEBAYAR “datai kitu, semua kita ke aus, tu ai amat! datai kitu, kita ke nadai duit, terima meh gandum enggau enda bebayar, lalu empa! datai kitu! irup wain enggau ai tusu, enggau enda bebayar” (Isaiah 55: 1) kati kitai ulih meli barang enda ngena duit, enda ngena kad kredit, enda ngena cek, serta enda ditransfer ngena online ? kebendar ia, Penyelamat diberi Tuhan perchuma ngagai semua kitai. Tuhan enda ngandalka kitai mayar laban nya diberi perchuma. tang kitai enda tau nempayaka penyelamat nya pia aja laban Iya pemadu berega. ungkus dikena Jesus nya pemadu mar. kitai patut beterima kasih, inginka penyelamat serta nyerahka diri ngambika diselamat. (Surat Kerja Rasul 16: 3031). mati nandaka rega penyelamat diberi ka kitai. Tang Tuhan meri Jesus nya perchuma ngagai kitai nandaka Iya rinduka Kitai. (Rome 6: 23).

“Penyelamat nya diberi perchuma tang iya perlu dibeli serta dijual. Iya dijual nengah Pengasih ti berega mandangka nya dibeli ukai ngena mata duit. ba pasar tu, semua tau bulih reta serega. […] Injil Kristus tau dikemisi semua orang ti miskin enggau orang ke kaya bela tau bulih jalai selamat. laban nadai reta didunya tu ulih meli penyelamat. Penyelamat diulih nengah idup ti senurut lalu nyerahka diri penuh arap sereta sejalai enggau Tuhan ngambika di empu Allah Taala. ” E. G. W. (Christ’s Object Lessons, cp. 9, p. 116 -117)

JALAI ENGGAU RUNDING TI LEBIH TINGGI “baka langit ti tinggi ari atas tanahm baka nya meh jalai enggau runding Aku tinggi ari jalai enggau runding kita. ” (Isaiah 55: 9) runding kitai enda ngeretika jalai penyelamat disediaka Tuhan. nya semina ulih ditebak ngena penemu pengarap ba Tuhan. (1 Kor 2: 14). Nya kebuah Tuhan meri kitai penemu ngambika kitai ulih nemu rahsia nya. (1 Tim 2: 3 -4). Penemu nya deka majak tumbuh lebuh kitai ngembuan kaul ngau Tuhan ninting hari. (Kolosi 1: 10; 2 Pet 3: 18). Tang kitai mengkang bedau nemu semua ia. kitai deka terus belajar perambu penyelamat ti udah disediaka Jesus ungkup kitai. “Tema Penyelamat nyadika perkara ti keran ditemu bala melikat; nya deka nyadika leka penemu serta dipuji anembiak Tuhan ti ditebus belama ia. kati kitai enda patut serta enggau enda cermat belajarka perkara tu diatu? ” (E. G. W. , “My Life Today”, p. 360).

BEPASA “lebuh kita bepasa, kita endang sengaja ngemediska diri empu; kita kunduk baka daun rumput, lalu gali malai kain guni enggau amau. kati nya gaya utai ti dikumbai kita bepasa? kati kita ngumbai Aku rinduka utai ti bakanya? ” (Isaiah 58: 5) Hari Damai nyadika hari bepasa ti diasuh Tuhan. nya kebuah iya disebut “timpuh bepasa” (surat kereja Rasul 27: 9). udahnya orang nambah puasa tiap hari tauka nitihka minggu. Perkara tu enda dipinta Tuhan kereja, lalu Iya enda setujuka perkara tu. (Zakaria 7: 3 -10). Bangsa Israel ngandalka Tuhan rinduka sida lebuh sida bepasa. (isaiah 58: 3). tang jalai Tuhan nyaut endang enda disadang : “kita mangah lebuh kita bepasa, lalu kita belaya lalu berekak. . . ” (ayat 4) sida nguji nyuap Tuhan nengah “pengawa pengarap” ngambika ulih meli pengampun ari Tuhan enda minta semua nya digaga.

BEPASA TI NGELANTANGKA TUHAN “magi pemakai kita enggau orang ke lapar; ngelaluka orang ke seranta, ke nadai endur alai diau ke dalam rumah kita; meri gari ngagai orang ke nadai gari; lalu nulung kaban belayan kita empu ” (isaiah 58: 7) Perkara ti ngelantangka Tuhan enda besangkut paut enggau pengawa enda makai ba sekeda jam. Tuhan lantang meda kita magi utai ti bisi enggau kitai, lalu ibuhka orang bukai. Tu jalai kitai patut idup lalu ukai semina sekali aja kitai ngereja ia. Puasa kitai ulih ngelantangka Tuhan lebuh kitai mandangka pengerindu Tuhan ngagai orang bukai sepanjai hari. Tuhan deka ngiring serta ngasuh kitai puas lalu negapka pengarap kitai. (Isaiah 58: 11). “Pengarap ti tuchi, ti bendar di mua Allah Taala ti Apai nya: ngintu orang ke patu balu, ke merinsa, sereta ngintu diri tuchi ari penyai dunya. ” (James 1: 27).

TIMPUH UNGKUP KITAI “enti kita bebasaka hari Sabat lalu enda ngereja utai ti dikedekaka kita empu ba hari AKu ti kudu nya, tang gaga ati ke hari nya, lalu ngumbai hari nya hari ti patut dibasa; enti kita bebasaka har nya lalu enda gawa, enda ngelantangka diri, lalu berandau ngapa ba hari nya, nya baru kita deka gaga ati ke TUHAN lalu Aku deka ngasuh kita dibasa semua orang diserata dunya. AKu deka nupi kita ngena pesaka aki kita Jakop. Tuhan udah bejaku ” (Isaiah 58: 13 -14) bakani diri ngasaika pemerinsa, mantu orang bukai serta hari sabat ulih besangkut paut? ketiga perkara nya bisi sangkut paut ngau Tuhan, kitai betuaika Iya, lalu ngaku diri endang bepangai ba Tuhan. nengah ngereja tiga perkara nya, kitai ngelanda pengudus nengah niru Allah Taala ti ngemaruhka diri. (Pilipi 2: 8), mandangka pemanah (Surat Kereja Rasul 10: 38), lalu ngetu gawa ba hari Sabat (Pemungkal 2: 2 -3). kelimpah ngelantangka nuan, ngintu hari sabat mega ngasuh berkat ti spesel diberi ngagai nuan. (ayat 14).

“Pengawa mantu orang nyadika berkat ti berlipat ganda, nguntung orang ti meri serta orang ti nerima. lebuh kitai sedar perlu ngaga pemanah, nyadika ubat ti manah ungkup tubuh serta runding kitai deka lantang lebuh kitai ngaga pemanah ti enda dipejal. nya deka ngelantang diri serta orang bukai. pengawa nya deka nyadi peransang ngagai pengarap serta ngagai bala orang bukai. ” E. G. W. (The Ministry of Healing, cp. 18, p. 257)