NGBANYA ADEZIRE OME DU BORO NIDEZIRE Yugopa 2

NGBANYA ADEZIRE: OME DU BORO NIDEZIRE Yugopa 2 Bamburu 11, 2020

Gine nga ka du ni dezire? Si nga ka kparaka gu hẽ Yesu akpi nyemu he rogo raka rani na wai Ko asa rani na akuarani. Si nga ka fura tipa ga Mbori wene grasia, na du du ka ani fu Tambuahe tipa ga. Ko bata. Si nga ka fura tipa wai Yesu akpi nyemu rani, na wai ani akpi nyemu Ko. Gu dezirepa nga ga kumba na gbigbita toro ti ko. Kura dezire kia Gu dezire pa nga ga Maria Ngbarago zanga digidoho tini Gu dezirepa nga ga Petero na Yoane Zangada onga Gu dezirepa nga ga Pauro Sa bera na auru du Nyenye adezirepa nga ga boro ni tini

KURA DEZIRE KIA “Sidu tie, gu kumba re ki mer ẽ ki ni taki pande agu apai Yesu a mangi he fu ko rogo agu agbata na ni du baawe. Si ki ni iriwo airiwo ti agu aboro dunduko na giã ”ha. (Marako 5: 20) Dekaporis angia agbata baawe mbembedi na gango ime Garereya. Yo adu na sino a. Girikia. Romo (angia nga a. Yudo ya). Ho Yesu ada ni, kina gu kumba na du na gbigbita atoro rogo ko yo na yambi Ko. Yesu ki girisi ko be adaimona na na afuda ko. Yesu ki karaga kpoto ko, bera ko, ga ko emotion, na toro ko. Ko ki idi ka sungo sa na Yesu. Ono, Yesu ki sia ko ko du ni bambata ndu sunge dezire Yesu. Ga ko sunge adu ni umba ha, ka fura fu akura ko tipa gu pai Yesu amangi he fu ko. Tambuahe tipa ga ko dezirepa, rimbasa aboro ki dungura tiyo ka gia Yesu agu adiwi na ye fuo ho giza (Marako 8: 1 -10).

GU DEZIRE PA NGA GA MARIA “Ri ki ndu ki gumba ha fu agu yo na ni du nâ ko, wa i a rungo kini kpari; ” (Marako 16: 10) Zinga be kpio ti bambata uru poso, ga Maria kpe ki sa tihe ni ngbarago, ngigo kuba wowo, maabangirise kuba zangainohe. Ka gbia nigu uru re ahisi ri ningbarago. Ka ri aunda he ya, kina ora ka gumba Wene Pangbanga fu aboro du. Ani rengbe na ka ora a na ka kparaka guhe bi ani be Yesu. Bambiko ngba ha angba ka kparaka Wene Pangbanga. Ti du tie, boro ho na idi pa ri te (Marako 16: 11). Ka mo baki nga bangiro ho aboro aida nga paro ni basa ya. I aida ha aida giza!

NGBARAGO ZANGA DIGIDOHO TINI “Bambiko ani a rengba nga ka mbu fura tipa agu apai ani abi he, ki gĩ he” te. (Amo. 4: 20) Gu aria raka nga ga abawiriki adu ni ihiriwo ho. Zavura asogoyo abi he nga i adu na Yesu sa. (Amokedi 4: 13). Petero Rogo kido-kuti-tise Kuti kido-kuti-Kristo Yoane Rogo wiri gumba Kuti bawiriki nyemuse Toma Rogo tikä Kuti idipase Abawiriki ni ba sa sa na rakayo ni bakia kia. I akparakayo na payo. Yesu na sa raka rani a. Tipa ani ki kparaka rani zavura ti kere aregbo.

“sidu he tini awere nga, a nga mi du berewe na raka ni sã re te; ono Kristo na raka rogo re yò. Bambiko gu raka mi a raka ha awere, mi na raka ha mbiko idapase rogo Wiri Mbori yò, nga gu ko na kpinyamu re ki fu gako unga tipa ”re. (AGaratio 2: 20) Gu saka raka nga ga Pauro nga gu sa dagba akura akpia raka. Ho ko abi Yesu ni, raka ko ki saki nibasa kindi. Na ho ko akparaka ko ni, ko amonga nifura tipa kina saka raka ko te. Ko aya we Mbori na manga sunge kindi rogo raka ko yo. Ga ko saka rogo raka yo adu na auru du ni vovo ho. (1 AKorindo 15: 31) Anga ka du nidezire tipa rani te, ono tipa Mbori. Si nga ka kparaka ga Ko mbupai ti aingaapai, ga Ko maku na auru, ga Ko zanga mbugo ti undo rani, ga Ko nyenye unga… (Tamb 103: 3; Kpe. 3: 23;

“Agripa kiya fu Pauro we : “Mo ima mbeda nâ sa re ni Kristiano. ” (Amokedi 26: 28) NYENYE ADEZIREPA NGA GA BORO NI TINI Herode Agripa II asono Rome yo ti be gu banda hẽ na ngia ga Bazogo Claudius. I afu umba kindo fu ko nga ga Chalcis, i ki rugu ko ko na angera ku ri Yakaru Yerusarama. Ko ayugu he nga ko amanga sino a. Yudo. Pauro ayugu bakere wene sino fu governor na atikä. Ko afu tambuahe fu Agripa tipa fu regbo fu ko ka kparaka gu pa gbia ko. I atuka fugo ngba Pauro, si du ko ki yembu hẽ tipa Agripa, “Mo idi pa anebi? ” (v. 27) Gu pai Mbori na mangi he rogo raka rani yo rengbe na assiri na raka akuarani a. Ani rengbe na ka yugu fu yo wai du ida kuti Yesu, na wai du bata boro. Ani rengbe na ka undo yo i fu tiyo fu Ko.

“Agu yo dunduko hia ‘gu wene pai nga ga Mbori, na gu ome nga ga gu zegino ni ka ye giza’ (AEbere 6: 5), na sunge beyo ka manga ha fu agu yo du kporo yo na dagba akura yo. Gu Wene Pangbanga ga bata du wa ka i tungusi he fu aboro. Agu aboro dunduko fai be gu ome nga ga Mbori rogo faarago tipa sunge Mbori. Abakure kina ho ka boro fura fuyo tipa gu nyemuse nga ga Mbori. Boro rengbe na ka fura kanisa nga Mbori nga da fu ni, Gbia Batasi; gu dezirepa i na afu he ni bete he rengbe na ka manga wenepai susi bawene tungusapai. ” E. G. W. (Counsels on Health, p. 32)