NA TUKU BIBI ME WASEI Lesoni 12 ni
NA TUKU BIBI ME WASEI Lesoni 12 ni Sepiteba 19, 2020
Na Vakatakila 14: 6 -12 e vakaraitaka na iotioti ni tuku ena kacivaki ena vura oqo ni bera na Lesu Vakarua Mai nei Jisu. “Eda sa kacivi meda vunautaka na ituku oqo, baleta ni sa voleka na Lesu Vakarua Mai. Oqo na noda “dina ena gauna oqo” “Meda vulica mada na ituku vakaparofisai oqo ka kila me “tuku ni agilosi e tolu. ” Na Dina ena gauna oqo Na yavu ni tuku Na matai ni agilosi: Na kosipeli sega ni oti rawa Rerevaka, vakaroko, lewa kei na Veibuli Na ikarua ni agilosi: Na otioti ni kaci Na katolu ni agilosi : Vakaroko dina
“O koya oqo kau na sega ni guca kina niu sa vakananumi kemudou tiko e na veika oqo, ia sa dina ga dou sa kila, ka dou sa vakataudeitaki e nai vakavuvuli dina oqo. ” (2 Pita 1: 12) E kila na veika e mai muri na Kalou ka lewa na tuku ni veigauna kei vura. E rawa ni vakarautaka na tuku ni vei gauna mai muri kei vura (Aisea 46: 10; Emosi 3: 7) Oqo e vakatokai me “dina ena gauna oqo. ” Na cava na “dina ena gauna oqo” vei ira oqo? Noa Na waluvu Jeremaia Soro vei Papiloni me rawa ni bula Joni DVpapitaisotaki Pita Vakarautaka na sala ni Mesaia Na bula, mate kei na tucake tale i Jisu. Ena gauna e wasea kina o Pita na nona dina ena gauna oqo, e bolei ira talega na vakarorogo me ra vulica tiko na vei dina e sa cereki oti. (2 Pita 1: 16 -21). Na veivakararamataki ni Kalou e toso cake tiko ga, e sega ni veicoqa.
NA YAVU NI TUKU “Ia ka’u a vakaraica, ka raica, e dua na Lami sa tu e na ulu-ni-vanua ko Saioni, sa tu vata kaya e le dua na drau ka vasagavulu ka va na udolu, sa volai e na yadredra na yacana kei na yaca i Tamana. . ” (Vakatakila 14: 1) Ena Vakatakila, e laurai na Lami (Jisu) ena loma ni tuku ni veigauna ni Lotu (w. 1 -12). Na tabagauna ni bera na Nona Lako Mai e tukuni talega (w. 13 -18), ka eda sa vakayaloqaqataki meda vakanamata kina – “Au na lako kusa rawa mai” (22: 7) – kei na noda bula mai muri (w. 19 -22). Na wase 13 e vakaraitaka na otioti ni veileqati, oti na wase 14 e tekivutaka na kaci kei na vei ka ena muria vata mai: ❶ O ira era na kacivaka na iotioti ni kaci (t. 1 -5 ) ❷ Na ituku ni otioti ni kaci (t. 6 -12 ) ❸ Na vinaka ni coqomi ni kaci (t. 13 -14 ) ❹ Na isau ni vakanadakui ni kaci (t 17 -20) Na tatamusuki e vakaraitaka na nodra vakabulai na yalododonu. Na tamusuki ni vaini e vakaraitaka na nodra na mate na tamata cala. Ena yaco ruarua ena Lesu Vakarua Mai, ni sa vunautaki oti na iotioti ni tuku (Maciu 24: 14)(Matthew 24: 14).
NA KOSIPELI TAWA OTI RAWA “IA ka’u a raica e dua tani tale na agilose sa vuka e na maliwa kei lomalagi kei vura, a sa taura nai tuku-vinaka e sega ni oti rawa, me vunautaka vei ira era sa tiko e vura, vei ira kece taleg na veimatanitu, kei na veimataqali, kei na duivosa, kei ira na tamata. ” (Vakatakila 14: 6) E vica na ibale ni dina ena gauna oqo ka na kacivaki ena Otioti ni Gauna, ia na kena inaki levu taudua ga sa ikoya na Kosipeli tawa oti rawa. Na Kosipeli sa ikoya na tuku vinaka ni loloma ni Kalou, Na Nona vakacaboisoro, na Nona kaukauwa vakadauniveibuli ka dauveivakabulai, Nona dau veivosoti, Nona kaukauwa me na rawa ni tuberi keda kina bula qaqa kei na Nona loloma tawayalani… Na tamata kece e dodonu me rogoca na ituku oqo. Veitalia na nodra vanua, kawa tamata, vakabauta se itutu vakavanua. E dodonu me rogoca kece na tamata na tuku vinaka ka me rawa ni soli vei ira na digi me ra ciqomi Jisu me nodra i. Vakabula.
REREVAKA, VAKAROKOTAKA, LEWA KEI NA VEIBULI “ka sa kaya e na domo levu, Dou rerevaka na Kalou, ka vakaroko vei koya; ni sa yaco na nona gauna me lewa: ia dou vakaroko vei koya ka buli lomalagi, ke vura, kei na wasa, kei na veivure-ni-wai ” (Vakatakila 14: 7) Oqo na tuku ni matai ni agilosi : Rerevaka se vakarokotaka na Kalou ena vei ka kece eda cakava. Vakarokotaki Koya ena nomu biuti Koya me liu ena vei ka kece o nanuma se cakava. Nanuma tiko ni da na lewai kece, ka sa dodonu meda muria na Nona ivunau (Dauvunau 12: 13 -14) Qarava na Kalou na Dauveibuli, ena nomu vakarokotaka na ikava ni vunau (oya na Sigatabu, Lako Yani 20: 8 -11) E veiwekani na vakarokotaka na Kalou, vakarorogo Vua kei na Vunau. Na vakarorogo e vua ni veikilai vakavoleka kei Jisu. Na Nona dodonu ga e rauta me tu ena Veilewai. Eda vakabulai ena Nona yalododonu.
“A sa dua tani tale, nai karua ni agilose sa muri, ka kaya, Sa bale, s bale ko Papiloni, na koro levu, e na vuku ni sa vagunuvi ira kecega na veimatanitu e na waini ni cudru ni nona dautagane. ’ ” (Vakatakila 14: 8) Ena ivola na Vakatakila, “Papiloni” e vakatakilataka na lotu lasu ka yavutaki ena caka vaka tamata, itovo vakatamata kei na vakavuvuli lasu. Na lotu oqo e wakia vata na dina ka a vakatavulica o Jisu kei na vakavuvuli vakatamata se vaka Setani. E wakivata na ka kece e Papiloni. O ya na vuna, e kacivi ira tiko kina era lomani Koya o Jisu ka sa ciqomi Koya me nodra i. Vakabula, me ra drotani mai na verea oqo. E rua na wase ni Vakatakila (17 kei na 18) e tukuni kina na bale nei Papiloni, oya na vuna e rui bibi kina na kaci, meda lakotani mai kina.
NA VAKAROKO DINA “A sa muri rau nai katolu ni agilose, a sa kaya e na domo levu, Kevaka sa d na tamata sa vakaroko vua na manu kei na nona matakau, ka rawa na nonai vakatakila e na yadrena, se na ligana, 10 ena gunuva ko koya n waini ni cudru ni Kalou […]’” (Vakatakila 14: 9 -10) E rabailevu na tuku ni agilosi e tolu. Ni sa vunautaki oti ga na Kosipeli e vura taucoko, e vakaikuritaki yani na tuku ena kaci ni kena biu laivi na vakavuvuli ni veilecayaki i Papiloni. Na vei ka e yaco ena vuku ni tuku oqori e vakaraitaki ena Vakatakila 13: 15 -18. Na manu – o koya ka tiki ni manu ka liutaki Papiloni – e tavoca na nona vakatakila (Vakatakila 14: 1) Na ikatolu ni tuku e semati tiko ena vakaroko: Vakarokotaka na Dauveibuli ena siga e digitaka ko Koya, biuta laivi na vakacecegu ena Siga Sade (14: 12) ka kua ni vakarokotaka na manu ena nomu coqa na vunau ni Kalou, me rawa ni o levea na kena totogi. Eda na dui vakatulewataki keda yadua. Ena vakatautaki na noda vakatulewa ena siga oya ena noda digi ena vei siga.
“Na Kalou e sa kaciva na Nona lotu edaidai, me vaka na Nona kacivi Isireli ena gauna e liu, me rarama vaka na cina e vura. E cebeti ira laivi mai na veimatalotu kei vura ena “isele gagata ni dina”, oya na tuku ni matai, karua kei na katolu ni agilosi, me ra sa mai wili mera Nona. E digitaki ira mera imamaroi ni Nona vunau ka sa vakadeitaki ena ligadra na dina lelevu ni parofisai ena gauna oqo […. ] Na agilosi e tolu ena Vakatakila 14 e vakatakarataki ira na tamata era ciqoma na rarama ni tuku ni Kalou ka ra lako ena vukuna me ra kacivaka na ivakasala e vura. ” E. G. W. (Testimonies for the Church, book 5, cp. 52, p. 455)
- Slides: 9