N situata t ndryshme ekzistojn rreziqe t ndryshme

Në situata të ndryshme ekzistojnë rreziqe të ndryshme për sjelljen tonë. Me rëndësi është të dihen rregullat e sjelljes në situata të ndryshme.

• Me rëndësi është të kihet kujdes derisa realizohen aktivitetet/lojërat. Me sjelljen tonë të rrezikshme i vëmë në rrezik edhe të tjerët përreth nesh. Fëmijët në masë të madhe janë përgjegjës për sigurinë e tyre, andaj është mjaft e rëndësishme ta përshtatin sjelljen e tyre në situatën konkrete.

1. Si është sjellja në fotografi ku fëmijës i ofrohet të hajë çokollatë? • Pse? (Sado që të duket naive dhe/ose joshëse, nga njerëz të panjohur nuk merr ushqim, të holla ose diçka të ngjashme. • Nëse personi i huaj përpiqet shumë t’u qaset, ju frikëson ose bën ndonjë veprim të këtillë, për këtë duhet të lajmërohen përgjegjësi më i rritur.

2. 2. Çka nënkupton fotografia në të cilën janë paraqitur tre fëmijë që ecin në trotuar? • Çfarë sjellje është kjo? (Ka rregulla të qarta të sjelljes në rrugë; duhet të numërohen edhe ato për këmbësorë, për çiklistë dhe për vetura. )

3. Çfarë sjellje ka fëmija me top? • Çfarë sjellje është ajo? Pse? (Shumë shpesh ne në lojë harrohemi dhe ato situata janë shumë të rrezikshme. Shumë me rëndësi është që të kihet kujdes kur luhet në rrugë. )

4. Çka do të më tregoni për fëmijën që është në veturë? Çfarë shembulli është ai? Pse? (Ndoshta dikujt i duket jo mirë, por është shumë me rëndësi që fëmijët të jenë të siguruar derisa voziten në veturë.

5. Si ju duket situata e semaforit? • Pse? (Sado që të duket se rruga është e zbrazët, e ne shpejtojmë, është shumë e rrezikshme të kalohet në të kuqe. )

6. Çka do të themi për fëmijën që vozit biçikletë? • Çfarë situate është ajo? Pse? (Nëse ekzistojnë, duhet të zgjidhen shtigjet e çiklistëve ose së paku trotuaret. Nëse nuk ka, e është patjetër të vozitet, atëherë duhet të vozitet me shumë kujdes nëpër skajin e rrugës. )

7. Çka do të themi për fëmijën që vrapon nëpër shkallë? • Pse? (Në situata ku ka shumë njerëz, shumë shpesh ndodhin lëndime nëse ka kujdes të mjaftueshëm. Nëse vrapojmë, më vështirë arrijmë t’i shmangemi një situate të rrezikshme. E vëmë veten në rrezik, por edhe të tjerët. I thyejmë rregullat e sjelljes. )

8. Si është sjellja e fëmijës që pret në radhë? • Pse? (Në situata ku ka shumë njerëz, nëse ekzistojnë rregulla – të mos ketë shtyrje – dhe nëse respektohen, rreziku është dukshëm më i vogël. )

Çka mendoni për fëmijë që luhatet. Në çka duhet të jemi të kujdesshëm derisa luhatemi? • E çka thoni për lojërat e tjera në luna park? (Lodrat në parkun e lodrave shumë shpesh keqpërdoren, përdoren për aktivitete për të cilat nuk janë krijuar, ndërsa përdorimi i tyre është mjaft i rrezikshëm edhe për neve të tjerëve. )