LEPIFANIJA TALMULEJ IlMai kienu astroloi Issenga taghom kienet
- Slides: 39
L-EPIFANIJA TAL-MULEJ
Il-Maġi kienu astroloġi. Is-sengħa tagħhom kienet li ta’ kuljum josservaw is-sema u dak li jidher fiha.
Il-kelma Maġi hi forma Latina tal-plural tal-kelma Griega magos li ġejja mill. Persjan Antik maguŝ.
Ir-rakkont tal-Maġi jurina ħaġa ġdida li ġiet bit-twelid ta’ Ġesù: l-għaqda bejn Alla ta’ Iżrael ġiet mifruxa għallbnedmin kollha.
Bħala parti mir-reliġjon tagħhom, dawn il-qassisin kienu jistudjaw b'mod speċjali l-kwiekeb, u kisbu fama internazzjonali għallastroloġija, li dak iż-żmien kienet meqjusa minn ħafna bħala xjenza.
Alla ltaqa’ magħhom hemm, fejn kien hemm iċ-ċentru tal-ħsieb u talinteress tagħhom. Kien jidher xi ħaġa stramba, imma dan hu l-mod li Alla għażel.
Alla juri ruħu fis-sema tagħhom. Kellhom il-kurżità li jmorru jaraw fejn se twassalhom il-kewkba u l-kuraġġ li jimxu fejn se teħodhom.
It-triq li ħadu, li wasslithom ħdejn Ġesù, tfisser il-wasla ta’ dawk li mhumiex Lhud fl-istorja tal-Bibbja.
Il-Maġi huma sinjal li wara t-twelid ta’ Ġesù, mhemmx iktar Grieg jew Lhudi, mhemmx aktar ilsir jew ħieles.
Il-Maġi jirrappreżentaw l-Insara kollha, huma minfejn huma li, flimkien mal-Lhud, jistgħu jieħdu sehem minn dak li Alla wiegħed lill-bnedmin.
Għalina wkoll, f’ġurnata bħall-oħrajn, kewkba li ma nistennewx tista’ tidher tiddi quddiemna. Tista’ tkun ħarsa, kelma jew ġest li jidher fis-sema tagħna.
Xi drabi, hu fil-qalba tal-lejl, fil-waqtiet ta’ niket fejn xejn ma jidher ċar, hu li l-kwiekeb jidhru l-aħjar.
Fil-fond ta’ qalbna, inkunu nixtiequ li l-kwiekeb li darba rajna hekk sbieħ ma jieqfu qatt milli jiddu, biex iserrħulna rasna li aħna għażilna dak li Alla ried minna.
Imma fl-aħħar tar-rakkont tal-Maġi, wara li l-kewkba għamlet ix-xogħol tagħha, ma dehritx aktar.
Għax l-importanti mhijiex il-kewkba, imma fejn din tkun wasslitna meta bid-dawl tagħha urietna minn fejn għandna ngħaddu biex naslu għand Ġesu.
It-tieni Kap tal-Evanġelju ta’ San Mattew għandu l-ħsieb li juri x’inhi lmissjoni ta’ Ġesu’: is-salvazzjoni, mhux biss għal-Lhud imma wkoll għall-pagani, rappreżentati hawnhekk mill-“maġi”, għorriefsaċerdoti ta’ reliġjon tal-Persja.
Il-frażi “mil-Lvant” hi l-unika informazzjoni li jagħtina Mattew dwar minn fejn ġew. Tradizzjonalment żviluppat il-fehma li kienu Babiloniżi, Għarab jew Lhud mill-Jemen billi s-slaten tal. Jemen dak iż-żmien kienu Lhud, fehma li kellu wkoll Ġwanni Kriżostmu.
Il-parti kbira kienu jemmnu li kienu mill-Babilonja. Skont l. Evanġelju ta' San Mattew, il-Maġi sabu l-Ġesù billi mxew wara kewkba, li tradizzjonalment saret magħrufa bħala l-Kewkba ta' Bethlehem. Ġew proposti ħafna teoriji fuq in-natura ta' din il-kewkba.
Il-Maġi “inxteħtu jagħtu qima lil Ġesù”. Dan juri rispett kbir, assoċjat malqima li tingħata lil re. Dawn il-versi setgħu ispiraw ilġenuflessjoni u l -qima bil-wiċċ mal-art fil. Knisja bikrija. Mattew isemmi tliet rigali: deheb, inċens, u mirra.
Ġew proposti ħafna teoriji differenti għat-tifsir u s-simboliżmu tar-rigali. It-teoriji ġeneralment nistgħu naqsmuhom f'żewġ gruppi:
1. It-tliet rigali huma offerti u rigali li s-soltu jingħataw lil re. Il-mirra kienet tintuża bħala balzmu, l-inċens bħala fwieħa u deheb bħala xi ħaġa prezzjuża.
2. It-tliet rigali kellhom tifsira spiritwali: id-deheb is-simbolu tar-regalità, l-inċens is-sinjal tassaċerdozju, u l-mirra (balżmu) s-simbolu talmewt. Jew, id-deheb jissimbolizza l-virtù, l-inċens it-talb u l-mirra t-tbatija.
3. Sas-seklu 15, il-mirra kienet tintuża bħala balżmu u fl-inċens fil-funerali u l-kremazzjonijiet
Iż-"żejt imbierek" li jintuża tradizzjonalment fil-Knisja Ortodossa tal. Lvant fl-amministrazzjoni tas-sagramenti tal-Griżma tal-Isqof u l-Griżma tal. Morda hu mfewwaħ bilmirra, u meta xi ħadd jirċievi wieħed minn dawn is-sagramenti jgħidu li "rċieva l-mirra".
Xi studjużi ssuġġerew li r-"rigali" kienu aktarx mediċinali milli ħwejjeġ prezzjużi għall-qima. Din il-ġrajja hi marbuta mal-ktieb tas-Salmi 72 u Iżaija 60 li jsemmu li rejiet taw rigali.
Dan wassal biex il-Maġi jibdew jitqiesu slaten minflok astronomiqassisin. F'innu tarraba' seklu miktub minn poeta Ruman, it-tliet rigali kienu diġà kisbu it-tifsiriet ta' simboli profetiċi talidentità ta' Ġesù.
Il-Vanġelu tal- EPIFANIJA TAL-MULEJ
Meta twieled Ġesù f'Betlehem tal-Lhudija, fi żmien is-sultan Erodi, xi maġi mil-lvant ġew Ġerusalemm jistaqsu: "Fejn hu dak li twieled sultan tal-Lhud?
Għax rajna l-kewkba tiegħu tielgħa, u ġejna nqimuh. “ Is-sultan Erodi sama' bihom, u tħawwad hu u Ġerusalemm kollha miegħu.
Ġabar flimkien il-qassisin il-kbar u l-kittieba kollha tal-poplu, u ried jaf mingħandhom fejn kellu jitwieled il-Messija.
U huma qalulu: "F'Betlehem tal-Lhudija, għax hekk inkiteb mill-profeta:
'U int, Betlehem, art ta' Ġuda, le, m'intix l-iżgħar fost il-bliet il-kbar ta' Ġuda għax minnek joħroġ mexxej li jirgħa l-poplu tiegħi Iżrael. '
Erodi mbagħad sejjaħ lill-maġi bil-moħbi, u tkixxef bir-reqqa kollha mingħandhom iż-żmien li fih dehritilhom il-kewkba; bagħathom Betlehem
u qalilhom: "Morru, staqsu sewwa għat-tifel, u meta ssibuh ejjew għiduli, ħalli jien ukoll niġi nqimu. "
Dawk, wara li semgħu lis-sultan, telqu, u ara, il-kewkba li kienu raw tielgħa bdiet miexja quddiemhom sakemm waslet u waqfet fuq il-post fejn kien hemm it-tifel.
Kif raw il-kewkba mtlew b'ferħ kbir tassew. Meta mbagħad daħlu d-dar u raw lit-tifel ma' ommu Marija,
nxteħtu fl-art iqimuh; fetħu t-teżori tagħhom u offrewlu rigali deheb, inċens u mirra.
Mbagħad, billi kienu mwissijin f'ħolma biex ma jerġgħux imorru għand Erodi, telqu lura lejn arthom minn triq oħra.
L-EPIFANIJA TAL-MULEJ