KPE OME ZUNGODIHE TIPA ABORO Yugopa 4 tipa

KPE OME: ZUNGODIHE TIPA ABORO Yugopa 4 tipa Bamburu 25, 2020

Sangba Mbori na nyekasa rani ka “zanga pirigo ti kpe fu Mbori” (1 Atesaroniko 5: 17). Rogo ga Pauro saka rogo ga a. Kristiano bundu, he aya we ani “kpari akpara kindi, ” na ki sana a. Efeso i kpari tipa ko (AEfeso 6: 18 -19). Kparakpe nga ome ka ndu sunge na ni ka zungodi he tipa akuarani, aguyo idi watadu aida nga pa Mbori ya. Kpe Zungodihẽ: Kpara rogo avura yo Kpara tipa aboro zanga undohẽ Kpara tipa aboro idapase Mbori na gia gaani kpe agia Wai ka kpara

KPARA ROGO AVURA YO “Bambiko ani a so nga vura kuti aboro te; ono ani na sovura kuti kina gu gbegber ẽ atoro du ariyò, nâ kuti agu abazogo zagino nga ga bitimo yò. ” (AEfeso 6: 12) Ana raka rogo vura kuti zagino. Gu vura du dagba wenepai na gbigbitapai, dagba Kristo na Satana. Aboro du ni ba sa sa na ndu sunge guni sa ku bani. Dungu aboro aida nga he ya. He ho nga “sunge sekere ngba ome te” ku bara Kristo yo. Ko asa nga boro ni mangi pai ngba ome te. Ka mangi he te ka ani afu nga tirani fu Ko ya. Kpara fu Mbori ni zungodi he nga gu gene ka “sa” Mbori Ko kodi ti Ko na raka agu yo ani akpara tipa yo. Mbori na iriso gaani dakutipai ka kpara tipa yo na Ko na manga sunge nyenyeki gbe tip raka yo.

KPARA TIPA ABORO ZANGA UNDOHẼ “Simona, Simona! Mo ngere! Satana ima dia asiapai tipa ka asada roni dunduko, ka igita roni wa zende vunde ti umu he. Ono mi ima kpara fu Mbori tipa ro, Simona, kiya: ka mo ti nga rogo gamu idapase ya. Hõ mo k sa tiro ni kono du mi ni, mo du wa ka mo nyakasi akuaro. ” (Ruka 22: 31 -32) Yesu adu ni boro kpara fu Mbori ho Ko adu ni ri gi kpoto Sende re. Ho vura anyeka ni, ho du Ko afu regbo ni tipa kpara kpe gbe. Ko ana ru nga ku ri ga Ko ome ni ti Ko ka dia be rimbasa agbigbita apai te. Ko ana kido gbe kuti ome Bafu Ome rogo kpe yo. Ko ambu kpiapai nga ga kpe tipa agu aboro adu nga na undohẽ ya, wa Ko amangi he na Petero. Yesu aima ino ho nga Petero aino nga ga ko zanga du na ome ni gu yuru te re. Si du, Yesu ki zungodi hẽ tipa ko. Mbori na nyakasa rani ye na aboro koyo du ko ni ki mbu yo ko be Ko. Ani du wa ka ani ru nyanyaki da ti kina yangada ha. Mo tingidi he nga Yesu na zungodi hẽ a tipa rani ni ba sa sa awere.

KPARA TIPA ABORO IDAPASE “mi a pirigo nga ti fu tambuah ẽ fu Mbori tipa roni wasãte. Mi na tingida pa roni kindi rogo gimi akpara kp ẽ fu Mbori, ” (AEfeso 1: 16) Pauro akpari fu Mbori tipa kura aidipase. Ko asanahe tipa gini he? Mo bi AEfeso 1: 17 -23. Tipa Mbori fu tatamana (v. 17) Tipa i ki ini Mbori wenengai (v. 17) Tipa i ki ini gu kidohe nga ga ga Ko yambahe (v. 18) Tipa i ki ini gu Ziazia diakumbo ni ka ye (v. 18) Tipa i ki ini ga Mbori ome (v. 19 -23) Pauro ana fu tambuahe tipa gu sona nga ga toro awiri na ko, wa du he rogo ga Ko kpe rogo Afiripoi 1: 3 -11. Ko akpari tipa yo i ndu kindi ku mbatayo rogo sona gayo idapase yo. Ani du wa ka ani kpari a tipa awiri narani wa Pauro akpari, tipa wa ka i nyaki rogo gayo nduge AKristiano.

MBORI NA GIA GAANI KPE AGIA “Si du ko ki ya fere, “Daniere, ka mo gúnde nga ya, bambiko tona ti gu bambata uru mo amoi bangiro ka ruga tiro ki umbasi tiro bangiri ga Mbori, Mbori agi gamo apai, ye mi bambiko ga kpe. ’ ” (Daniere 10: 12) Daniere adu na baka bangirise tipa agu yo na karaga tiyo Babera yo ku Yerusarema yo. Daniere adu na rungo kpoto ko yo, ko ki kpari tipa yo tipa auru 21. Si na ngéra wa ka i ya we i agia nga ga ko kpe te tipa dungu arame. He ho nzunzu na aria tihe te. Mbori ki kedi Yugoti fu gi nebi du na rungo kpoto ko yo re rogo wene regbo ho. Ko ki fu rengo fu Daniere nga i ima gia ga ko kpe tona ti kina bambata ha. Mbori ana manga sunge rogo kura apa avura mbata fu karaga Ko pa tipa ga Daniere kpe. Ko na gia agu akpe du nga ga zungodi hẽ, ka si zavura du nga ani rengbe na ka sungu do ga Ko karagapai.

WAI KA KPARA Gaani akpe zungodi hẽ na ida si du nyanyaki, ni ruru he na tipa pai sa. “Ono tipa re a, Mbori a aza re ka mi amanga ingaapai kuti Yekova ka mbu kpara kpe tipa roni ya; ono mi arúga roni rogo wenepai na rurupai. ” (1 Samuere 12: 23) Pauro akpari tipa aboro (wa akurako) na akura akanisa (wa Efeso watadu Firipoi). Ko asana kanisa ti kpari fu Mbori tipa ga ko raniri watadu tipa ga ko tungusapai ka du nyenyeki (Afiripoi 1: 19; Akorosi. 4: 3). Ani kpari tipa agu yo ani na ini yo ata du nga na Batasi beyo ya (Yo. 17: 20), tipa aidipase i nyeki (Aef 3: 14 -16), tipa Mbori gbangasi ga Ko mbupai (1 Yo. 5: 16), tipa banda he fu agu yo na raka rogo kere nyenyeki aregbo (Amok 12: 12)… Ho ani akpara ni tipa akuarani, an sa ti rani ni furo (channel) maku andu rogo ho fu yo.

“Pa gia rogo zungodihẽ nga gini he? Si nga gu azogbo dahabu na vo kpikpi boro kuti gu Kiti (throne) nga ga gu Mbori akpi nga ya. Gu boro nga guni Kristo akpi ka batasa ni na mbusa ga Mbori Kiti, na Yesu di gani zungodihẽ nga gu Ko na ngbe ni na ga kure Ko ni ti Ko. Gaani Bakere Bafu Motumo na maa ga Ko ruru sarangbanga ku ri ruru bakpari fu Mbori, ga Kristo kpe ki kodi tihe na ga boro zungodihẽ. ” E. G. W. (That I May Know Him, March

“Mo tona ka kpara tipa ambisimo; mo yé mbembedi na Kristo, mbembedi na gu pavuru Ko na ga ni kure. Mo wigi tiro na pa du yee na toro onga rogo raka ro yo, gamo nzunzu, kuakua, bayee azungodihẽ dakpa ku ari yo du Ko ni tipa tatamana wa ka oni batasi mbisimoroni, na mbisimo akuaroni a. ” E. G. W. (Testimonies for the Church, book 1, cp. 86, p. 513)