Isem Qari Kristu u mill Apokalissi isem ta

Isem Qari Kristu u mill. Apokalissi isem ta’ Missieru San Ġwann miktub fuq Apok 14, 1 -3, 4 b -5 ġbinhom

Jiena, Ġwanni, ħarist u rajt il-Ħaruf, wieqaf fuq ilmuntanja Sijon, u miegħu mija u erbgħin elf ruħ,

li kellhom ismu u isem Missieru miktub fuq ġbinhom. U smajt leħen mis-sema, qisu ħoss ta’ ħafna ilmijiet, donnu tkarwit ta’ ragħad;

u l-leħen li smajt kien bħal dak ta’ kitarristi jdoqqu ċċetri tagħhom u jgħannu għanja ġdida quddiem it-tron u quddiem l-erba’ Ħlejjaq Ħajjin u x-Xjuħ.

U ħadd ma seta’ jitgħallimha dik ilgħanja, ħlief il-mija u erbgħin erf ruħ, il-mifdijin mill-art. Huma li jimxu wara l-Ħaruf kull fejn imur:

huma kienu mifdijin minn fost ilbnedmin, l-ewwel frott għal Alla u għall- Ħaruf, u minn fommhom qatt ma ħarġet kelma b’oħra: huma bla tebgħa.

Il-Kelma tal. Mulej. Irroddu ħajr lil Alla

Dan hu n-nisel ta’ dawk li jfittxu lil wiċċek Mulej Salm 23, 1 -4 b. 5 -6

Tal-Mulej hi l-art u kull ma fiha, Id-dinja u kull ma jgħix fiha; Għax hu fuq libħra waqqafha, U fuq ix-xmajjar wettaqha. R/ Dan hu n-nisel li jfittxek Mulej.

Min jista’ jitla’ fuq Il-għolja tal-Mulej, u min joqgħod filpost imqaddes tiegħu? Min għandu idejh indaf u qalbu safja, min ma tax ruħu għall-frugħa. R/ Dan hu n-nisel li jfittek Mulej.

Dan ikollu barka minn għand il-Mulej, u l-ħlas li ħaqqu minn Alla, is-salvatur tiegħu. Dan hu n-nisel ta’ dawk li jfittxuh, li jfittxu lil wiċċek, Alla ta’ Ġakob. R/ Dan hu n-nisel li jfittxek Mulej.

Hallelujah, Hallelujah Ishru, u kunu lesti, għax ma tobsruha qatt is-siegħa. Hallelujah, Hallelujah

Qari Mill. Evanġelju Ta’ San Luqa Lq 21, 1 -4 Glorja Ra waħda armla fqira titfa’ biċċtejn żgħar talflus

F’dak iż-żmien: Ġesu refa’ għajnejh u ra l-għonja jitfgħu l-offerti tagħhom fit-Teżor tat. Tempju.

U ra wkoll waħda armla fqira titfa’ biċċtejn żgħar tal-flus, u qal: “Ngħidilkom is-sew, din l-armla fqira tefgħet iktar minnhom ilkoll.

Għax dawn kollha għamlu l-offerti miż-żejjed tagħhom, imma hi, fil-faqar tagħha, tefgħet dak kololu li kellha biex tgħix. ”

Il-Kelma tal. Mulej. It-tifħir lilek Kristu

Presb: F’dawn l-aħħar ġranet tas-sena liturġika ejjew nitolbu lill-Mulej il-grazzja li nibqgħu dejjem fidili lejh biex meta jiġi b’setgħa kbira u glorja jsibna nishru nistennewh bit-tama.

poplu A Ieqaf Mulej mal-Knisja tiegħek hija u twissina nishru u nitolbu għax ma nafux il-jum tal-miġja tiegħek. Nitolbu Ismagħna nitolbuk Mulej

poplu B Għallimna nkunu bħall-armla ta’ l-Evanġelju ħalli bħalha nagħtu kull ma aħna u għandna għall-qadi tal-Knisja tiegħek Nitolbu Ismagħna nitolbuk Mulej

poplu A Żommna dejjem sħaħ filħarsien tal-kmanadamenti tiegħek biex meta tiġi, tagħtina l-premju tal-ħajja ta’ dejjem. Nitolbu Ismagħna nitolbuk Mulej

poplu B Dawwal il-fehma ta’ kull bniedem li hawn fid-dinja biex ma jorbotx iżżejjed qalbu malġid ta’ l-art u hekk jitlef il-ġid li jibqa’ għal dejjem. Nitolbu Ismagħna nitolbuk Mulej

Presb. Mulej Ġesu Kristu kun magħna tul dan il-jum biex kull ma nagħmlu, ngħidu u naħsbu jkun għal glorja tiegħek u jksbilna l-ħajja ta’ dejjem. Bi Kristu Sidna. AMEN