IlQwiel gall5 Sena Attivit Aqra lparagrafu u wara

Il-Qwiel għall-5 Sena Attività – Aqra l-paragrafu u wara agħżel liema qawl jaqbel l-aktar. malti. skola. edu. mt

Petra xtrat ktieb mingħand ħanut tal-kotba. Xtratu għax laqtitha l-qoxra tiegħu imma ma tatx kas tal-istorja. Xħin qratu sabet li ma tantx għoġobha. Iż-żejt jitla’ f’wiċċ l-ilma. Kull qalb trid oħra. Mhux kulma jleqq hu deheb.

Risposta ħażina! Mur lura u erġa’ pprova!

Risposta tajba! Prosit!

Mattea tinqala’ ħafna għat-tpinġija filwaqt li ħabibtha Clare tinqala’ fis-somom. Għalhekk meta Clare jkollha bżonn xi tpinġija għal xi proġett, Mattea tgħinha. Imbagħad meta Mattea jkollha xi diffikultà fis-somom, tgħinha Clare. Iż-żejt jitla’ f’wiċċ l-ilma. Kull qalb trid oħra. Bil-flus tagħmel triq fil-baħar.

Risposta ħażina! Mur lura u erġa’ pprova!

Risposta tajba! Prosit!

Jackie tifla kurjuża ħafna. Tgħidx kemm tħobb tistaqsi mistoqsijiet biex titgħallem! L-ewwel ma tiekol l-għajn. Iż-żejt jitla’ f’wiċċ l-ilma. Il-mistoqsija oħt il-għerf.

Risposta ħażina! Mur lura u erġa’ pprova!

Risposta tajba! Prosit!

Andrea jħobb jigdeb xi gidba meta jagħmel xi praspura minn tiegħu. Imma ma tantx idum sa ma jinqabad! L-ewwel ma tiekol l-għajn. Għan-niżla kull qaddis jgħin. Il-giddieb għomru qasir.

Risposta ħażina! Mur lura u erġa’ pprova!

Risposta tajba! Prosit!

Ilbieraħ Claudia rċiviet ir-riżultati tal-eżamijiet. Ma tantx marret tajjeb. Biex tagħqad ilbieraħ ħarbilha l-kelb tagħha wkoll! Il-ħmar il-magħkus idur għalih id-dubbien. Bil-flus tagħmel triq fil-baħar. Wara d-daħk jiġi l-biki.

Risposta ħażina! Mur lura u erġa’ pprova!

Risposta tajba! Prosit!

Darba Greta sabet bajrow nieqsa mill-pokit tagħha. Wara ftit fl-art waqa’ l-pokit tat-tifla ta’ warajha u Greta għenitha tiġbor l -affarijiet. Taf li l-bajrow tagħha kienet fost l-affarijiet ta’ mal-art? ! Iż-żejt jitla’ f’wiċċ l-ilma. Għan-niżla kull qaddis jgħin. Mhux kulma jleqq hu deheb.

Risposta ħażina! Mur lura u erġa’ pprova!

Risposta tajba! Prosit!

Ivan xtaq jixtri mudell ta’ karozza għax kien iġemmagħhom. Għalhekk nannuh mar jixtrilu waħda għal għeluq sninu. Xtralu l-ikbar u l -isbaħ waħda li kien hemm mingħajr ma qagħad jagħti kas kemm tiswa! Iż-żejt jitla’ f’wiċċ l-ilma. L-ewwel ma tiekol l-għajn. Wara d-daħk jiġi l-biki.

Risposta ħażina! Mur lura u erġa’ pprova!

Risposta tajba! Prosit!

Darba Omar poġġa ġurdien tal-plastik fuq il-mejda tal-għalliema qabel il-brejk. Xħin daħlu mill-brejk u l-għalliema rat il-ġurdien, werżqet twerżiqa. It-tfal tgħidx kemm daħku iżda malajr isserjaw malli raw lill-għalliema tintilef minn sensiha bil-qatgħa li ħadet! Iż-żejt jitla’ f’wiċċ l-ilma. Għan-niżla kull qaddis jgħin. Wara d-daħk jiġi l-biki.

Risposta ħażina! Mur lura u erġa’ pprova!

Risposta tajba! Prosit!

Is-Sur Micallef kien jaħdem lejl u nhar biex jaqla’ lira tajba. Kien jaf li bis-saħħa t’hekk seta’ jsiefer safra tajba mal-familja tiegħu. Bil-flus tagħmel triq fil-baħar. Għan-niżla kull qaddis jgħin. Wara d-daħk jiġi l-biki.

Risposta ħażina! Mur lura u erġa’ pprova!

Risposta tajba! Prosit!

Sonia bdiet tagħmel ix-xogħol għad-dar. Bdiet mill-itqal xogħol li kellha. Ħadet ftit ħin mhux ħażin. Wara kompliet b’xogħol eħfef. Hawnhekk damet anqas għax il-mistoqsijiet kienu ħfief rixa. Bil-flus tagħmel triq fil-baħar. Għan-niżla kull qaddis jgħin. Wara d-daħk jiġi l-biki.

Risposta ħażina! Mur lura u erġa’ pprova!

Risposta tajba! Prosit!

Il-mama’ dejjem tgħidli biex nisma’ minn dak li tgħid in-nanna. Dik kbira fiż-żmien. Bil-flus tagħmel triq fil-baħar. Kliem ix-xiħ żomm fih. Erfa’ u sorr għal meta tiġi bżonn.

Risposta ħażina! Mur lura u erġa’ pprova!

Risposta tajba! Prosit!

Is-Sinjura Borg dejjem iġġemma’ xi ħaġa meta tidħlilha l-paga. Tgħid li aħjar ikollha xi ħaġa mġemma’. Iż-żejt jitla’ f’wiċċ l-ilma. Għal kull għadma hawn mitt kelb. Erfa’ u sorr għal meta tiġi bżonn.

Risposta ħażina! Mur lura u erġa’ pprova!

Risposta tajba! Prosit!

Saħħa! malti. skola. edu. mt