HUMPITE KUA PAN VANMITE KUA AH Lesson 7

HUMPITE KUA PAN VANMITE KUA AH Lesson 7 for February 15, 2020

Daniel in Babylon gamah a lianpen thumna hi. Tua khit ciangina Mede Kumpi Darius nuaiah Babylon gam sunga Governor thumte lakah kihel hi. Kum 80 val ta a, Babylon ah salin a kipai pih cil lai mah bangin tu dong in Pasian tungah citak hi (Daniel 1). A Cingtaak Pa. Daniel 6: 1 -5 Bawlsiatna Thuak Pa. Daniel 6: 6 -9 Thungen den Pa. Daniel 6: 10 Hotkhiat Ngah Pa. Daniel 6: 11 -23 Thumanna Kipsak Pa. Daniel 6: 24 -28

A CINGTAAK PA “Tua ahih ciangin vaihawmpi dangte leh gam ukpite in Daniel' nasepna encikin a mawhna zon'ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a muzo kei uh ”hi. (Daniel 6: 4) Darius in Daniel thumanna thei a, kumpigam uk dingin seh hi. Daniel tunga kipia ukpi panmun pen makai dangte in deih uh a, tua in makaite sungah hazatna piangsak (Lucifer a puksak mawhna) hi. Daniel thu hong kanciam uh ciangin, gam-uk siam khat ahihna mukhia uh hi. Thuman in, nasep hahkat a, muanhuai a, belhtham cingin gamtat sia nei lo hi cih mu uh hi. Ama thumanna siksan in do ding hong kipan uh hi. Daniel in Kumpi thukhun sangin ama Pasian’ thukham tungah kip zaw ding hi cih pen amaute in thei uh hi.

“Kumpipa aw, nangmah in thukip khat bawlin, tu-a kipan ni sawmthum sungin nang longal mi khatpeuhin pasian khatpeuh ahikeh mi khatpeuh tungah thungen a om leh humpinelkai kua sungah kilawn ta hen, ci lecin a, tua thukiptakin kizui leh ci-in k kumpipa thuvai-hawmpite, uliante, gamkhen-ukte, thudotte le ukpite khempeuh ka vekun ka thukim uh hi. ” (Daniel 6: 7 ZIV) Gam kimakaihna a numa ding deihna tawh kumpipa in a nuaiah makai 120 koih hi. Tua ki-ukna ah a lauhuai thu in amaute lakah khat pepeuh in kumpipa kiangah thukhat peuh heek thei cih ahi hi. Makai khempeuh in a cihtakna uh lahna in, ngetna khat pepeuh a kibawl ciangin kumpipa kiang ah puak masa ding hi. Amaute in a pasiante kiang vuah zong ngetna bawl ding hi. Hih thu nih te in kumpipa kiliatsakna (pasiante palai kici lo) lahna le Daniel do nading ahi hi. Tua thukham a kip khit teh, kikhel thei nawnlo hi. Daniel mawhna kimu leh… humpi te an suak thei ding hi.

THUNGEN DEN PA “Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn daw tungnungah Jerusalem lam a nga tawlet thum a om hi. Tua laitakah tawlet hon'sa-in a hih ngei bangin khukdin'in ni khatin thumvei ta Pasian kiangah thu a ngen hi. ” (Daniel 6: 10) Kumpi thupiak a om ta zongin, Daniel in a thunget ziate selsim sawm lo hi. A hih ngei bangin Jerusalem lam nga in thu ngen hi. (2 Chr. 6: 20 -40). Biakpiakna in sia le pha kikal a kidona ie thubulpi ahi hi. Kua pen koici biak ding ih hiam? Topa tunga ih cihtakna le gam thukhun tunga ih cihtakna a kitukalh ciangin bang cih ding ih hiam? Khensatna ih bawl ding dan pen tuni a ih lungsim tungah kinga hi. Pasian tungah nisim in thu ka ngen hiam? Pasian

HOTKHIAT NGAH PA “Kumpipa in hih thu a zak ciangin lungmang a, Daniel a suahtak theihna ding lampi hanciamin nitum dong a ngaihsun hi. ” (Daniel 6: 14) Makaite in Jews salmatpa Daniel pen kumpi thupiak nial khat cih thei uh hi. Amaute in tupna lianpi tawh ama siamna te kimangngilh bawl uh hi. Tu tung bel, thangisahna ah kumpipa awklo hi. Hih makaite in ngaihsutna hoihlo nei hi cih thei hi. Sihna panin Daniel koici hot khat ding cih nisim ngaihsun a, ahi zong mu zo lo hi (John 19: 12). Daniel cihtakna in kumpipa lungsim vutlua ahih manin hibang in: “Thuman takin na biak tawntung na Pasian in hong honkhia ta hen, ” (v. 16) ci hi.

Pasian in Daniel a hohkhia dingin vanmite sawl hi.

THUMANNA KIPSAK PA “Ka Pasian in a vansawltak hong sawlin amah in humpinelkaite kam a humsak hi. Ama muhna ah mawhpeng ka hi manin hong liamsuah kei uh hi. Tua tham loin kumpipa aw, na mai-ah bangmah ka khial kei hi, " a ci hi. ” (Daniel 6: 22 ZIV) Zan tawntung a ihmutlohna pan tho in, zingtung in humpi kua ah Darius va pai hi. Daniel a nungta lai diam? Thupiakna bangin Daniel in a “mawhna”thaman pia ta hi. Tun, Darius in mimawh taktak (haza thei, zuauphuak le kumpi langpang)te lam hong kihei hi. Amaute sih baihna le lamdang taka Daniel kihotkhiatna pen kilehbulh mahmah hi. Darius in Daniel mawhsakna pan pengsak in a panmun kipsak hi. Daniel in tua panmun tawh a tawmpen Cyrus kumpi ahihzawh kum thumna dong sem hi. Amah in Daniel Pasian tungah kip sawm hi. Tua in kumpite Kumpi’ maiah khuk khempeuh khuk ding cih lim ciing hi.

“Daniel pen eite mah bangin lunggulhna lian (mawh nopna) nei hi napi, humuap laikung in mawh neilo ci in pulaak hi. Ama nuntakna in eite adingin khuavak hong taan a, tu ih nuntak sung mahmah in, Pasian tawh ih kizop leh thahat in ama batna tantan ah a ngah hunpha te ciimtakin zangh a… a kha in thungetna tawh kithaksuak sak ding lunggulh in, nisim in panpihna kisam ahihna Pasian maiah pulak ding hi. Humpi kua te kihong a, hih hun pha ngahlo thei hi napi in a thungetna zom veve hi….

“Daniel in Pasian it a, kihta in a thumang hi. Hih leitungah huzap sia tawh a dim a kiim a paam panin taikhia tuan lo hi. Pasian kepna nuaiah amah in leitung neihsa hi lo napi leitungah a om kul hi. Zia-tna le zum lamah bumna khempeuh in umcih hi napi, a kha tawh in amah ding tang a, kiptak in tua thugui pi ahí suangtung ah kipkho hi. Amah in Pasian pen a thahatna in bawl a, ama kisap pen hun in mangngilh lo hi. ” E. G. W. (Testimonies for the Church, vol. 4, cp. 56, p. 569)