Gaintzako soinujoleak Bartolo Garmendia Gaintzan jaio zen 19020624

Gaintzako soinujoleak

Bartolo Garmendia • Gaintzan jaio zen, 1902/06/24 an. • Gaintzan hil zen, 1984/11/01 ean. • Hiru ilarako soinua jotzen zuen. • Bere kabuz ikasi zuen soinua jotzen. • Ez dakite kanpoan ibiltzen soinua jotzen, baina etxean askotan jotzen omen zuen.

Bartolo Aierbe Urrestarazu • Gaintzan jaio zen, 1906/07/31 n. • Loiolan (Donostia) hil zen, 1996/03/20 an. • Ahoko soinua jotzen zuen. Gaintzan jotzen omen zuen igande arratsaldeetan. • Soinua jotzeagatik dirua ematen omen zioten han biltzen ziren gazteek. • Altzan bizi zela ere jotzen omen zuen soinua egun berezietan eta inguruak dantzan jarri ere bai. • Horrez gainera, bi liburu ere idatziak ditu: Nere mundualdia (1988) eta Zaarrak berrituz (1996).

Agustin Garmendia • Gaintzan 1908/10/01 ean jaio zen. • Legazpin 1996/01/03 an hil zen. • Tolosako Sakramentinoetan ikasia eta musika ere han ikasiko zuen, baina etxean ere musika giroa zuten. • Ahoko soinua eta hiru ilarako soinua jotzen zituen. Joan Marik dionez dultzaina ere jotzen omen zuen. • Abesten ere oso ona omen zen eta bertsotan ere aritzen omen zen. Euskal zale porrokatua. Lagunarteko gizona. • Trio Itxaropen taldeko Marian eta Marisolen aita.

Eusebio Garmendia Mendia • Gaintzan jaio zen, 1909/08/14 an. • Gaintzan hil zen, 1974/01/28 an. • 3 ilara eta 48 baxu zituen soinua jotzen zuen. • Gaintzan eta inguruko herritako festetan han izaten zen bere soinuarekin. • Soldadutza pasatu ondoren gerrara eraman zuten eta hiru urtez ibili zen frentean.

Francisko Telleria Irastorza • Gaintzan jaio zen, 1937/02/05 ean. • Lazkaon hil zen, 2004/08/14 an. • Ordiziako Gurrutxagarekin eta Manuel Illarramendirekin ikasi zuen musika. • Herriko ospakizunetan asko ibilia soinua jotzen. Inguruko herrietan ere bai. • Jubilatu ondorengo 9 urteetan asko gozatu omen zuen musikarekin eta bertsoekin. • Asko idatzi omen zuen, askotan gauean esnatuta, familiak dauzka haren idatziak.

Jesus Telleria Irastorza • Gaintzan jaio zen, 1939/03/30 ean. • Bere kabuz ikasi zuen bateria jotzen eta trikitixa jotzen ere bai zertxobait. • Beasaingo Txanbo txistulariarekin ikasi zuen musika pixka bat eta txistua jotzen ere bai, baina utzi egin zuen gerora. • 14 bat urte daramatza, Larraizko Jexuxekin batera, “Jexuxen Jazpana” osatuta, inguruko herri guztietan festa eta ospakizunak alaitzen.

Juan Mari Dorronsoro Garmendia • Gaintzan jaio zen, 1945/03/03 an. • Solfeoa eta harmoniuma jotzen D. Juan Ezeizabarrenak irakatsi zion. • Soinu handia eta txistua bere kontura ikasi zituen. • Gaintzako organista izan zen. • Aita Donostia koruan kantatu zuen. • 43 urterekin berriro musika ikasten hasi zen. Manolo Yabenekin aritu zen ikasten.

Fidel Dorronsoro Garmendia • Gaintzan jaio zen, 1948/03/21 ean. • Bere kabuz ikasi zuen soinua jotzen. • Urte batzuk geroago, Iker Goenagarekin aritu zen ikasten. • Etxean aritzen omen da ahal duena ikasten, bere alabak dioenez.