FONONGA KI LOMA Lesoni 13 o Sepitema 29

FONONGA KI LOMA Lesoni 13 ‘o Sepitema 29, 2018

Na’e ‘ikai lava ‘a Paula ‘o malanga kihe kakai ‘iha ngaahi ta’u. Pea kuo ‘ave ia kihe kolomu’a ‘oe pule’anga Loma, kene malanga ai. Na’a ne fehangai moe palopalema ‘ihe hala fononga ki Loma, ka koe ngaahi palopalema ni moe ngaahi ‘ahi’ahi ni na’e ‘ikai malava ke tukia pe ta’ofi ai ‘ae Kosipeli. Tu’utamaki mo Kovilahi. Ngaue 27: 1 -26 Fakatu’utamaki ‘oe tahi. Ngaue 27: 27 -44 Loto ma’u neongo e faingata’a. Ngaue 28: 110 Teuteu kihe Fakamaau. Ngaue 28: 11 -22 Malanga’i e Kosipeli. Ngaue 28: 23 -31

Ngaue 27: 1 -26 TU’UTAMAKI MO KOVI LAHI “’O ne pehe kiate kinautolu, ‘ae kau matapule, ‘oku ou ‘ilo koe folau ni ‘e tu’utamaki mo kovi lahi, pea ‘oku ‘ikai kihe uta moe vaka e, ka kihe ‘e tau mo’ui foki. ” (Ngaue 27: 10) Na’a nu folau ‘ihe faka’osinga ‘oe fa’ahi ta’u mafana (Sepitema), koia ‘e malava pe ke toka malie e folau ki Loma kapau ‘e ‘alo malie me’a kotoa. Ka, na’e ‘ikai. Na’e mahino kia Paula ‘ae fakatu’utamaki pea na’a ne fale’i ‘ae kauvaka ke nau folau nounou pe. Koe senitulio Loma, Suliasi, na’a ne tui kihe fale’i na’e ‘oange Paula, ka na’e ‘ikai tene tokanga kiai. Koe fale’i mei tokotaha lotu ‘oku lelei lahi ange ia ‘iha fale’i mei ha taukei fakae-mamani. ‘Ihe iku’anga, na’e ‘ikai toe ‘iai ha’a nau ‘amanaki ‘ihe uhouhonga ‘oe afaa, ka na’e ‘oange ‘e Paula ‘ae popooaki hono ua: kuo fakaha ange ‘ehe angelo ‘e mo’ui pe taha kotoa. Pea na’a nau tali lelei ‘ae popooaki ‘a Paula he taimi ko’eni.

FAKATU’UTAMAKI ‘OE “Pea na’a nau too kihe potu ‘oku fetaulaki ai ‘ae tahi ‘e ua, ‘o nau fakatoka ai ‘a vaka; pea na’e toka ma’u ‘ae taumu’a, pea ‘ikai fa’a ue’i, ka na’e maumau hono TAHI taumuli ‘e he malohi ‘oe peau. ” Ngaue 27: 27 -44 (Ngaue 27: 41) Na’e maumau ‘ae vaka ‘o ofi ki Melita hili e ‘aho ‘e taha fa mei popooaki na’e lea ‘aki ‘e Paula. Na’e palomesi ‘ae ‘Otua ‘e mo’ui e taha kotoa, ka ‘oku totonu foki kenau fetokoni ‘aki: Mou loto kemou kai (v. 33 -36) Kapau na’e hola ‘ae kauvaka, ‘e mate taha kotoa (v. 30 -32) Fiema’u kenau ngaue fakataha pea fetokoni ‘aki foki (v. 43 -44) Kapau na’e tamate’i ‘ehe kau sotia e kau popula, mahalo ‘e ‘ikai tenau mo’ui (v. 42) ‘Oku fakahoko ‘ehe ‘Otua ‘Ene palomesi pea ngaue fakataha moe tangata. Koe ‘iai e Kalisitiane ‘e taha ‘oku ne fakahaofi e mo’ui ‘oe kakai ‘e toko 276.

Ngaue 28: 1 -10 LOTOMA’U NEONGO E “Pea na’e lahi ‘ae ‘ofa mai ‘ae kakai muli kiate kimautolu: he na’a nau tutu ‘ae afi, ‘o ma’u ‘akimautolu kotoa pe, koe’uhi FAINGATA’A na’e too ‘ae ‘uha, pea koe’uhi koe momoko. ”(Ngaue 28: 2) Na’e hela’ia e taha kotoa pea viviku. Na’e tali lelei kinautolu ‘ehe kakai ‘o Melita. Lolotonga e okooko ke tafunaki ‘enau afi, na’e u’u ai ‘eha ngata huhu kona ‘a Paula. Kai kehe, na’e ‘ikai hoko ha me’a kiate ia, pea na’e ofo ai ‘ae kainga. ‘Oku ‘ikai ma’u ha fakamo’oni na’e malanga’i ‘e Paula e Kosipeli ‘i Melita, ka ‘oku tau ‘ilo na’ane fai ‘ae ngaue fakamo’ui mahaki ‘iai (Kosipeli ‘i hono ngaue’i). Na’ane fakamo’ui ‘ae tangata ‘eiki ‘a Pupilio, koe ‘eiki ia ‘ae motu ni, pea moe kakai puke kotoa pe na’e ‘omi kiate ia. Na’e tokonaki ‘ehe kainga Melita ‘ae fiema’u vivili kotoa pe kiha folau ke hoko atu ‘aki ‘enau folau mei Melita.

Ngaue 28: 11 -22 TEUTEU KIHE FAKAMAAU “Pea pehe, kuo hili ‘ae ‘aho ‘e tolu, pea fekau ‘e Paula kihe kau matapule Siu ke fakataha: pea kuo nau katoa mai, pea ne pehe kiate kinautolu, ‘ae kau tangata koe kainga, na’e ‘ikai pe teu fai ha me’a kihe kakai pe kihe ngaahi ngaue faka’eiki ‘oe tau ngaahi tamai, ka na’e tuku au mei Selusalema koe popula kihe nima ‘oe kakai Loma. ” (Ngaue 28: 17) Na’e fakaloto lahi kia Paula ‘ae tali lelei na’e fai ‘ehe kainga Kalisitiane kiate ia ‘i Loma. Na’e ‘oange ‘ehe kau ma’u mafai ‘o Loma ha tali mavahe kia Paula. Na’a nau foaki kiate ia ke nofo ‘iha fale nofo totongi (pea na’e le’ohi). Na’a ne ui ‘ae kau taki kotoa pe koe Siu ke talanoa mo teuteu ki hono fakamaau’i ia ‘ihe ‘ao ‘o Sisa. Na’a ne loto kene fakaha kaite kinautolu na’e ‘ikai tene fai ha kovi. Kai kehe, na’e ‘ikai ma’u ‘ehe kau takini ha tohi mei Selusalema, ka na’a nau fie fanongo kihe tokaateline na’e malanga’i ‘e Paula.

Ngaue 28: 23 -31 MALANGA’I E KOSIPELI “’One malanga ‘aki ‘ae pule’anga ‘oe ‘Otua, mo ako ‘aki ‘ae ngaahi me’a ‘oku kau kihe ‘Eiki ko Sisu Kalaisi, ‘ihe malohi lahi, pea na’e ‘ikai ta’ofi kiate ia ‘eha toko taha!”(Ngaue 28: 31) Na’e ‘ikai tui e Siu kotoa pe kihe Kosipeli, koia ai na’e malanga leva ‘a Paula ia kihe kakai Senitaile ‘ihe ta’u ‘e ua. ‘Oku tau ‘ilo mei he tohi ‘a Paula na’e fakatau’ataina’i ia ‘e Nelo pea ne hoko atu ‘ene fononga ngaue fakamisinale hono faa Na’e toe puke popula ia lolotonga e fononga ko’eni ‘o ‘ave kia Nelo ke fakamaau’i. Pea na’e tu’usi ai hono ‘ulu.

‘Oku ‘ikai ngata heni ‘ae tohi ia ‘a Ngaue. ‘Oku ‘ikai tapuni e tohi ni, ko kitaua ‘oku ui keta hanga ‘o tohi ‘ae vahe faka’osi. Ta to’o mu’a ‘ae tuhulu’i maama ‘o hoko atu ‘ae ngaue ko hono malanga’i ‘ae Kosipeli kihe kotoa ‘o mamani.

“’Oku fiema’u ke ulo atu ‘etau maama ‘ihe uhouhonga ‘oe mo’oni loi. Toko lahi ‘oku nau ‘ihe fakapo’uli, pea ‘ihe ‘enau mamata kihe ‘ata ‘oe maama ‘i mamani, tenau ‘ilo ‘oku ‘iai pe ‘amanaki fakamo’ui. Mahalo koho maama ‘oku si’i pe ia, manatu’i koe me’a peia kuo foaki ‘ehe ‘Otua ma’au, pea teke tali ui kiate Ia fekau’aki mo hono fakaulo atu ‘oe ki’i maama koia. Mahalo na’a mo’ui ai ha maama ha ni’ihi, pea hoko ‘enau maama kene tataki mai moha toe ni’ihi kehe mei he po’uli. ” E. G. W. (Fale’i mo’ui lelei, p. 396)

“Kuou tau ‘ae tau lelei, kuou lava’i ‘ae fakapuepue, kuou tauhi ma’u ‘ae tui: Gata ai kuo hilifaki mo’oku ‘ae pale ‘oe ma’oni, ‘aia ‘e foaki mai kiate au ‘ihe ‘aho koia ‘e he ‘Eiki, koe Fakamaau ma’oni: pea ‘ikai kiate au pe, ka kiate kinautolu kotoa pe foki ‘oku ‘ofa ki hono fakaha mai. 2 Timote 4: 7 -8