Felinos gatos e demais parentes a Roque como

Felinos gatos e demais parentes

Ía Roque, como cada noite, en busca de vida cando uns escintileos, nun tellado, lle bateron na vista.

Achegouse a saúdar, pensou que era a curuxa,

e case lle queda a un gato nas unllas.

Vaia susto que levou, pero aprendeu… e aproveitou.

Para máis saber, estudou e viaxou…

E aquí tendes canto, sobre gatos e parentes, xuntou.

gato katu gato cat chat hauskatze gatto

gato ou gato doméstico (Felis silvestris catus). É unha subespecie do gato bravo. Mide uns 50 cm, máis 30 cm de rabo, e pesa entre 3 e 7 kg. Hai unhas 50 razas de gatos, algunha delas con moitas variedades. O gato é a mascota máis numerosa e máis popular do mundo pola súa limpeza e polo baixo custe de mantemento.

O gato é un carnívoro. Os gatos domésticos comen restos, alimentos preparados ou pensos e, se teñen ocasión, presas cazadas por eles.

Para beber meten a lingua doblada para atrás no líquido, e retírana tan rapidamente que as pingas quedan prendidas nas asperezas da lingua e non teñen tempo de cair antes de que as engula.

O gato ten un sistema sensorial ben desnvolvido, cun oído e un olfacto moi superiores aos das persoas. Ven ben de noite e un pouco peor de día. Oen sons de tono moito máis agudo que os humanos e os cans, e moven as orellas para localizalos. O olfacto é ata catorce veces máis fino que o das persoas. Ten a pel sensible e terminacións nerviosas conectadas aos pelos longos da cara.

Os bigotes e os demáis pelos longos que ten o gato en distintas partes da cabeza son as vibrisas, coas detecta os obxectos e ata as variacións do aire.

Camiñan nas puntas dos dedos apoiándose nunhas almofadiñas da propia pel engrosada o que lles proporciona un desplazamento silencioso e sen risco de esbarar, ao tempo que teñen as unllas, que lle son imprescindibles para a captura das presas, protexidas.

Os gatos poden emitir ata cen sons diferentes combinando de distintas maneiras os habituais. O máis común é o miaño, do que ten varios tipos según a intencionalidade; o ronroneo, que usa cando está relaxado e tranquilo e, ás veces, cando quere pedir algo; e ademais pode roñar e bufar, cando se sinte atacado, e ata gorgorexar, cando ten diante unha presa.

Tamén manifestan o seu estado de ánimo con expresións da cara, con posturas do corpo e coa posición das orellas e das vibrisas. Erguen os pelos e adoptan unha postura ríxida, para parecer máis grandes se teñen que defenderse.

Fregan a cabeza contra os gatos dominantes para conseguir o queren, e as nais pasan o rabo por enriba dos fillos grandes cando estes se lle arriman.

Os gatos son animais limpos e asean o seu pelo habitualmente. Coidan a cabeza coa axuda das patas dianteiras e o resto do corpo coa lingua ao que o axuda a súa extraordinaria flexibilidade.

Tamén tenta retirar os parásitos externos coa axuda dos dentes e das patas.

Os gatos asilvestrados forman grupos dentro dos que se establece unha xerarquía.

Os gatos son animais territoriais. Os machos marcan o territorio expulsando pequenas cantidades de ouriños e deixando pegadas coas unllas en diferentes obxectos.

Os gatos pelexan para defender o seu territorio e para estableceren a xerarquía dentro do grupo.

O gato é un cazador. Descubre ás presas pola vista ou polo oído e achégase a elas canto pode, camiñando agochado, logo, cando se atopa á distancia axeitada, da un salto para atrapalas coas poutas fortemente armadas.

Os gatos capturan ata cen presas diferentes ademais de ratos e outros pequenos roedores: paxaros, insectos, lagartiños, furafollas…Nalgúns lugares son un peligro para a fauna autóctona.

Reprodúcense a partir do ano de vida. A xestación dura uns 2 meses e poden ter de 2 a 10 crías, raramente máis de 6.

Os gatiños nacen cos ollos pechados e non oen. Entre os 7 e os 10 días abren os ollos e aos 15 días empezan a camiñar, ás 3 semanas empezan a comer pero seguen a mamar ata o mes ou máis.

A gata pode ter unha ou dúas camadas ao ano. Unha gata tuvo 400 crías ao longo da súa vida.

Os gatiños pequenos son moi enredantes e xogantíns o que da lugar a situacións curiosas e divertidas. Algúns gatos adultos conservan esa facultade durante moitos anos.

O gato vive de 12 a 14 anos e non son raros os que superan os 16, aínda que os gatos que andan soltos teñen unha esperanza de vida moito máis curta. O gato máis lonxevo durou 36 anos. O gato permanece nun bo estado de forma e de saúde ata o seu derradeiro ano de vida; logo, case de súpeto, vólvese lento, dorme moito e, dun día para o outro, morre.

E de aquí para diante todos os seus parentes ao longo e largo do mundo.

Gato bravo ou gato montés (Felis silvestris), Mide de 50 a 75 cm, máis entre 25 e 30 cm de rabo, e pesa de 2, 5 a 5, 8 kg. Hai 6 subespecies, a doméstica atópase por todo o mundo e as silvestres viven en Europa, Asia e África.

Gato manul ou gato de Pallas (Felis manul). Mide entre 46 e 65 cm, máis un rabo de entre 20 e 30 cm, e pesa entre 2, 5 e 4, 5 kg. Coñécense 3 subespecies que viven nas estepas de Mongolia, Siberia e o Tíbet, ata alturas de 5. 000 m.

Gato da selva, gato dos pantanos ou chaus (Felis chaus). Vive nas terras baixas e húmidas do sur de Asia, desde o Mediterráneo a Indochina e seguindo os cursos dos ríos de Asia central chega ao mar Caspio, e ao delta do Nilo. Coñécense 10 subespecies.

Gato das areas ou gato do deserto (Felis margarita). Mide ata 50 cm de longo, máis 30 cm de rabo. Os machos máis grandes pesan ata 3 kg. Coñécense 6 subespecies que viven nos desertos areosos de África e Asia (Sahara, Arabia, Irán, Afganistán, Turkmenistán e Pakistán).

Gato de pes negros (Felis nigripes). Mide de 33 a 50 cm de longo, máis un rabo de 15 a 20 cm, e pesa entre 1 e 2, 5 kg. Vive nos desertos do sur de África.

Gato xaspeado (Pardofelis marmorata). Mide entre 45 e 62 cm, máis un rabo de 35 a 55 cm, e pesa entre 2 e 5 kg. Coñécense 2 subespecies que viven nas selvas do surleste de Asia.

Gato de Bengala ou gato leopardo (Prionailurus bengalensis). Mide ata 1 m de longo, máis uns 45 cm de rabo, e pesa entre 3 e 8 kg. Hai 11 subespecies recoñecidas que se extenden por todo o sur, leste e centro de Asia.

Gato de Iriomote, (Prionailurus iriomotensis). Ten o tamaño dun gato doméstico. É endémico da illa xaponesa de Iriomote onde só quedan menos de 100 individuos. Algúns biólogos considérano un fósil vivo.

Gato de cabeza plana (Prionailurus planiceps) sobrevive en algunhas selvas do surleste de Asia e Sumatra. Críase extinguido e foi redescuberto na década de 1990.

Gato vermello (Prionailurus rubiginosus) es la especie más pequena de gato salvaje existente. Só se atopa en Sri Lanka e no sur da India. Recoñécense 3 subespecies.

Gato pescador (Prionailurus viverrinus). Mide entre 65 e 80 cm de longo, máis un rabo de entre 25 e 30 cm, e ten un peso de entre 6 e 11 kg. os exemplares do continente son máis grandes que os das illas. Hai 2 subespecies recoñecidas que viven en ríos, manglares e pantanos do surleste de Asia.

Gato dorado asiático ou gato dorado de Temminck (Catopuma temminckii). Mide uns 90 cm de lonxitude, máis 50 cm de rabo, e pesa de 12 a 16 kg. Vive en selvas do surleste de Asia Tíbet, Nepal, sur de China, India, Sumatra.

Gato vermello de Borneo (Catopuma ou Pardofelis badia). Mide uns 60 cm, máis un rabo de 40 cm, e pesa entre 2 e 3 kg. Vive nas selvas da illa de Borneo.

Gato dourado africano (Profelis aurata). Mide entre 60 e 100 cm de longo, con un rabo de 16 a 46 cm, e pesan entre 6 e 15 kg. Os machos son máis robustos que as femias. Vive nos bosques chuviosos de África central e occidental, desde Guinea Bissau ás fronteiras de Kenia e Tanzania.

Caracal (Caracal caracal). Mide entre 60 e 92 cm de longo, sen contar o rabo. Coñécense 8 subespecies. Vive nas sabanas esemidesertos de África e do oeste Asia, desde Turquía ao sur de Kazaxistán e o noroeste da India.

Gato dos herbeiros do río da Plata ou gato do Pantanal (Leopardus braccatus). Pesa de 4 a 5 kg. Coñécense 2 subespecies que viven en pasteiros e sabanas da cunca do río da Plata, no centro e o sur do Brasil, o leste de Bolivia, o extremo sureste do Perú, o oeste do Paraguay, o noreste de Arxentina, e todo o Uruguai.

Colocolo ou gato montés (Leopardus colo). Mide entre 50 e 70 cm e pesa de 3 a 4 kg. Coñécense 2 subespecies que viven ao longo da zona occidental de América do Sur.

Gato montés sudamericano ou gato de Geoffroy (Leopardus geoffroyi). Mide uns 60 cm de longo, máis 35 cm de rabo, e pesa entre 4 e 5 kg. Coñécense 4 subespecies que se atopan en América do Sur.

Huiña, güiña, gato colorado ou gato colo (Leopardus guigna). Mide entre 65 e 73 cm epesa de 2 a 3 kg. Coñécense 2 subespecies que viven entre o centro de Chile e a Patagonia arxentina.

Gato andino, chinchay, gato lince ou osjo (Leopardus jacobitus). Mide de 60 a 80 cm, máis un rabo duns 35 cm, e pesa entre 4 e 7 kg. só se atopa en áreas montañosas dos Andes entreo sur do Perú e o norte de Arxentina e Chile.

Gato das pampas ou gato palleiro (Leopardus pajeros). Coñécense 5 subespecies que viven nas estepas de América do Sur ao leste dos Andes, desde o Ecuador o sur da Patagonia arxentina.

Gato tigre, tigrillo, cunaguaro, caucel, maracayá ou margay (Leopardus wiedii). Mide entre 40 e 60 cm, máis o rabo, e pesa uns 3, 5 kg. Coñécense 11 subespecies repartidas entre o norte de México e o norte de Arxentina e o Uruguai.

Leopardo tigre (Leopardus tigrinus). Mide entre 40 e 60 cm, e outro tanto de rabo, e pesa entre 2 e 4 kg. Coñécense 4 subespecies que viven nos bosques tropicais de América Central e de América do Sur.

ocelote (Leopardus pardalis). Mide entre 70 e 90 cm, máis un rabo de entre 30 e 40 cm, epesa arredor de 11 kg. Coñécense 10 subespecies que habitan calquera espazo desde Texas ata o norte de Arxentina e Uruguai.

León (Panthera leo). Miden de 170 a 250 cm, máis un rabo de 90 a 105 cm, os machos e de 140 a 175 cm, máis un rabo de 70 a 100 cm, as femias. os machos poden pesar ata 250 kg mentras as femias non pasan dos 180 kg. Coñécense seis subespecies que viven en África, ao sur do Sahara, e unha pequena poboación no noroeste da India.

Jaguar ou yaguareté (Panthera onca). Mide entre 162 e 183 cm, máis outros 75 cm de rabo, e pode pesar entre 35 e 95 kg. As femias sempre son máis pequenas e lixeiras que os machos. Coñécense 7 subespecies que se distribuen entre o sur dos E. E. U. U. eo noroeste da Arxentina.

Leopardo -pantera cando ten o pelo negro(Panthera pardus). Mide de 90 cm a 1, 91 m, máis entr 60 e 110 cm de rabo, e poden pesar ata 90 kg. As femias non pasan dos 60 kg. Coñécense oito subespecies que viven en bosques e sabanas arboradas de África e bosques do sur de Asia.

Tigre (Panthera tigris). Mide entre 1, 80 e 2, 70 m de longo, máis entre 60 e 110 cm de rabo, e pode pesar de 100 a 350 kg. as femias, máis pequenas, non pasan dos 150 kg. Coñécense 6 subespecies que viven en poboacións illadas do sur e o leste de Asia.

leopardo das neves, onza ou irbis (Panthera uncia). Mide entre 75 e 130 cm de longo, máis un rabo de 80 a 100 cm, e pesa entre 25 e 75 kg (os machos son máis grandes e pesados que as femias). Viven en montañas remotas do centro de Asia a altitudes de hasta 6000 m.

Puma, león de montaña… (Puma concolor). Mide entre 1, 5 e 2, 7 m, incluído o rabo, e pode pesar entre 35 kg, as femias máis pequenas, e 70 kg, os machos máis grandes. Os pumas das zonas cálidas son máis pequenos que os das zonas frías. Atópase desde o Yukón, en Canadá, ata o sur dos Andes patagónicos. Hai 6 subespecies.

Jaguarundi, yaguarundí ou gato lontra e outros moitos nomes locais (Puma yagouaroundi). Mide de 50 a 70 cm, máis un rabo que mide de 30 a 60 cm, e pesa entre 3, 5 e 9 kg. Vive desde o surleste de México ata o centro de Arxentina. Recoñécense 8 subespecies.

Pantera nebulosa (Neofelis nebulosa). Mide de 60 a 110 cm e pesa ata 20 kg, as femias, e ata 65 kg os machos. Vive no surleste de Asia. Recoñécense 3 subespecies.

Pantera nebulosa de Borneo (Neofelis diardi). Pesa entre 12 e 25 kg. É endémica de Borneo, Sumatra e as illas Batu.

Guepardo ou chita (Acinonyx jubatus). Mide entre 110 e 150 cm de longo, máis de 55 a 80 cm de rabo, e pesa entre 35 e 60 kg. Os machos son máis grandes que as femias. Coñécense 6 subespecies. Vive nos espazos abertos de África. É o animal terrestre máis veloz. Pode acadar velocidades de máis de de 100 km/h en carreiras de 400 a 500 metros.

Lince vermello ou gato montés de Norteamérica (Lynx rufus). Mide de 63 cm a 1, 6 m de longo, con un rabo duns 20 cm, e pode pesar entre 6 e 12 kg. Existen doce subespecies recoñecidas.

Lince ibérico (Lynx pardinus). Pesa entre 9 e 12 kg. É endémico da península ibérica. Só existen dúas poboacións que en total non chegan aos 400 individuos.

Lince boreal, europeo, eurasiático ou común (Lynx lynx). Nide entre 80 e 130 cm de longo, máis outros de 11 a 24 cm de rabo, e pode pesar entre 18 e 30 kg. Coñécense 9 subespecies.

Llince do Canadá (Lynx canadensis). Mide entre 90 e 110 cm de longo, máis un rabo de entre 10 e 25 cm, e pesa entre 6 e 18 kg. Vive na taiga de Canadá e Alaska, e en bosques do norte dos E. E. U. U. . Coñécense 3 subespecies.

Serval (Leptailurus serval). Mide entre 67 e 100 cm, má, s de 24 a 45 cm de rabo, e pesa de 8 a 18 kg. os machos son máis grandes. coñécense 17 subespecies. Atópase en perigo de extinción

fin As imaxes fotográficas foron collidas da internet. Agradezolle aos autores a súa dispoñibilidade, e agardo saiban disculpar o uso que fixen delas. Mon Daporta