Eus eige leedsjes Deil 8 klikke um wijjer

Eus eige leedsjes Deil 8 klikke um wijjer te goon september 2009

Zoe zien de vrouwe ! De kaans d’r gein ein vaan vertrouwe. Jao, dat is zeker Jao, dat is woer.

D’n Hakke, de Stóts en d’n Daanjel en wie rijmp ziech dat tesaam ! En d’n Hakke is ’ne sjele en de Stóts dee dreug blouw kele en d’n Daanjel dee kin good stele, zoe rijmp ziech dat tesaam. En zoe rijmp ziech dit, zoe rijmp ziech dat tesaam. } 2× ’n Sjaof, ’n baor en e puupke en wie rijmp ziech dat tesaam ! En ’n sjaof dao kinste mèt sjaove en ’n baor dao kinste mèt baore en e puupke liet ziech neet bewaore zoe rijmp ziech dat tesaam. En zoe rijmp ziech dit, zoe rijmp ziech dat tesaam. } 2× De merret, de zjenderrem en ’t kèrrekhof en wie rijmp ziech dat tesaam ! Op de merret dao ligke de sevoeje, de zjenderrem dee zèt diech in de boeje en op ’t kèrrekhof ligke de doeje, zoe rijmp ziech dat tesaam. En zoe rijmp ziech dit, zoe rijmp ziech dat tesaam. } 2× Pa Bónk, ’n pómp en ’t stróntmasjien en wie rijmp ziech dat tesaam ! Pa Bónk dee dreug groete klómpe en aon ’n pómp dao mo ste pómpe en in ’t stróntmasjien kaome vaan die stómpe, zoe rijmp ziech dat tesaam. En zoe rijmp ziech dit, zoe rijmp ziech dat tesaam. } 2× Pa Bónk waos ’n bekind straottiep vaan op ’t ind vaan de 19 e iew.

Dao höbste deender Oosdijk Dee was ziene baard mèt koojzeik Tralallalla. Veer höbbe gezónge en niks gehad Veer kriege e stök vaan de verrekesstart Tralalala. Meister, meister Maria is neet good Veer goon nao Maria Die schöne Maria Van je haje hopsasa Annemarie.

Iech bin Jannes vaan der Binne Iech höb ’nen haon mèt achttien hinne Geit mien zaak daan good veuroet Koup iech miech ouch nog ’n sjroet ! Is dèks örreges e vreetpertijjke Zèt miech daan mer op ’t leijke ’t Lèste zoep iech oet de fles en de bruudsjes steek iech in m’n tes ! Refrein : Litsem, litsem fallederieje Litsem, litsem falledera Geit mien zaak daan good veuroet koup iech miech ouch nog ’n sjroet ! Minckeleers dee zal wel dinke: "Wat maag hijj achter miech zoe stinke ? Vendaog of mörrege drej iech miech um en tramp dee boer ziene kieskraom um !"

Dao achter bijj ’t we lke dao laog e hunneke doed. Ze stertsje waor bevrore zien betskes laoge bloet. Dao kaom meerke so kkerstek die zag: "Die bies is hallef gek. " Dao kaom meerke mèt water die zag: "Dat is ’ne kater !" Dao achter bijj ’t we lke dao laog e hunneke doed. Dit is e geziech op Wiek. Links de "Hoogbrugpoort". ’t Welke laog tösse de Maos en de knaar.

Aoch hiere, wat tunks uuch vaan m’n vrouw is zie neet fien en knap ? ’nen Aandere dee häör neet höbbe wouw en iech naom häör veur de grap ! Meh later höb iech ’t miech beklaog wie iech vaan häör te wete kaom: Ze zup alle daog ’ne lieter of veer wie einen tempeleer ! Wèlstiech daan wel ins zwiege mèt dien brutaliteit. Want aanders houw iech tiech bove d’r op en de wèts wel wie dat geit ! Estiech nog ins ’t koerazje höbs datstiech miech zaat nao hoes touw kumps ! Daan bin iech diech -este neet good oppas– mèt d’n prijj aon de bèdpaol vas ! Wèlstiech daan wel ins zwiege diech smerige zate vent ! Diech zups alle daog nog mie es miech en de brings miech geine sent. Bin iech gein vrouw wie ’t behuurt die ouch neet langs de straote sluurt ? Pas iech neet op, bin iech neet braaf ? Al drink iech miech ouch ’n haaf ! Aoch vruike leef, vergeef ’t miech zal ’t noets mie doen. Iech zal ouch vollege diene raod en hawwe mien fetsoen. Da’s good dao bin iech mèt kóntent noe drökke veer us saam de hand. Meh wat iech diech zèk -en vergeet dat neetdat de vrouw de brook aon heet ! Vaan tiederalalala, lala.

En jongens zoals wij zijn, zo zijn er niet veel. Krijgt de een pak slaag, krijgt de ander zijn deel. En dan hebben wij veel centjes en dan hebben wij plezier en dan drinken wij niks anders dan bier. En van je troela, en van je troela, en van je troelalala De Maos mèt de aw brök, gezeen vaanoet Wiek.

De meidskes vaan de Waal, die kleije ziech zoe kaal. Ze drage witte rökskes en sjöllekskes mèt blökskes. Ze kane ’t wel drage, ze kriege ’t veur niks. Ze kriege ’t gesjónke al vaan mevrouw Lewis. De meidskes vaan ’t febrik, die kleije ziech zoe sjik. Ze drage ’ne peinjewaar, dao op ’ne zijje foelaar. E paar gepótzde sjeun, e strikske roed of greun. Hun sjöllekske opgevajd en daan loupe ze benajd. Refrein : Rei-el, del-del-die-e Rei-el-del-del-die In 't midde zeet geer op d'n achtergrónd de wienvelder vaan Sint Pieter. Foelaar=halsdook

Aoch wat e plezeer ! Miene nónk Lojjetie, miene nónk Lojjetie Aoch wat e plezeer Miene nónk Lojjetie is d’r weer. Aoch wat e gelök ! Miene nónk Lojjetie miene nónk Lojjetie Aoch wat e gelök Miene nónk Lojjetie is weer trök. 12 Antoniuskèrrek. 33 Hochterpoort. Rechs "Nieuwe Biesen" boe Rubens nog gelozjeerd heet.

Dee geine witte rok aon heet Deit neet mèt, deit neet mèt Dee geine witte rok aon heet Deit neet mèt ! Links (6) de aw Martinuskèrrek. Op de Maos de meulesjepe boe graon gemaole kós weure, es Mestreech belegerd woort. Ze woorte veur 't iers gebruuk in 1407 - 1408.

Dao kaom ’ne boer oet Leuve, oet Leuve kaom ’ne boer. Heer kaom Merieke tege, Merieke zag: ”Bezjoer”. Och mie leefste poeleke Och mie leefste troeleke Och mie leefste poeleke Iech höb veur diech ’ne maan. } bis Dao kaom ’ne boer op klómpe dee had e meidske leef. Heer booj häör hónderd gölde Es zie ins bijj häöm sleep. ”Bijj diech slaope daon iech neet. Hónderd gölde wèl iech neet. Liever bijj mie Frenske Es bijj zoe 'ne boereknöl. ” } bis ’t Lievend lik op de bleik vaan ’t Sint Anthoniuseiland, midde in de Maos.

Boe maag daan miene Christiaon zien, heer is miech goon verlaote. Noe kaan iech in de maonesjien, neet mie mèt häöm stoon praote. En zeen iech daan dee maon al aon, daan dink iech aon miene Christiaon. } bis 't Waor ins in de middagtied, dao achter bijj al die hègke. Heer ging sóms ouch wel ins get wied, daan dorref iech niks te zègke. En zeen iech noe die hègke aon, daan dink iech aon miene Christiaon. } bis Heer neumde miech zien leefste prijj, dat had iech jao zoe gere. Heer drökde miech daan aon zien zijj, dat neumde heer: ”Karessere. ” En zeen iech noe mien zijj ins aon, daan dink iech aon miene Christiaon. } bis Heer aot ziech op de lèste brónk, zoe stief aon vlaoj en mikke. Iech zaot ouch neve häöm opgeprónk, mèt raos en zijje strikke. En zeen iech noe de strikke aon, daan dink iech aon miene Christiaon. } bis Heer had ’n allersjoenste vink, dat waor veur miech e nuijke. Heer zag : ”Kóm hijj mie leefste keend, iech zèt 'm in die kuijke. ” En zeen iech noe mie kuijke aon, daan dink iech aon miene Christiaon. } bis

Hijjónder zeet geer ’ne gievelstein oet 1618. Geer vint häöm in Amsterdam op de Hieregrach 243 a. Es geer good kiek zeet geer tot ’t e deil vaan de kaart vaan Simon de Bellomonte is, naomelik Wiek. Zouw hijj ’ne Wiekeneer verhuis zien nao Amsterdam en heet heer ziech dao oet heimwee mer ’ne gievelstein vaan zien vajerstad laote make ? Dee ’t wèt maag ’t zègke ! Geer kint alle, tot noe touw gemaakde PPS-kes, downloade vaan mien saajd. Ouch kint geer dao de leedsjes ein veur ein beluustere. Es d’r informasie is euver ’t óntstoon vaan e leedsje of aander intressante bezunderhede höb iech ’t bijj 't leedsje op de saajd gezat. De saajd is dus noets aof want iech vin altied weer get wat iech kin touwveuge !! www. xs 4 all. nl/~hfeij

Kómpleminte vaan TINY Moch geer miech wèlle benadere daan kint geer dat doen via dit addres: tinyoetmestreech@xs 4 all. nl