Eus eige leedsjes Deil 13 Aprl 2011 Klikke

Eus eige leedsjes Deil 13 Aprèl 2011 Klikke um wijer te goon

En boeveur zouwe veer treure Calvarie is zoe groet. Vaan achter mèt twie deure Vaan väöre mèt 'n poort. En boeveur zouwe veer treure Calvarie is zoe groet. Vaan väöre mèt twie deure Vaan achtere mèt 'n poort. En boeveur zouw iech treure Iech höb nog geine maan. Deen tied dee kin nog koume Dat iech treure kaan.

Me zuster heet 'n nylon bloes Dao zit vaan alles in En dee 't neet geluive wèlt Dee knip dao mer ins in. Falderie-faldera-ha-ha-ha Falderie-faldera Dee knip dao mer ins in.

Nog e leedsje euver ‘nen danszaol: Miene leefste heet gezag iech maag neet mèt goon. En noe is heer mèt 'n aander nao De. Sjattoo.

Wee in jannewarie gebore is, steit op. Wee in jannewarie gebore is, dee krijg vaan miech 'n gedachtenis. Staank op, staank op. Me begós mèt jannewarie en vervolges kaome alle maonde aon de beurt, tot ederein rech stoont. Nao “december” zóng me ‘t lèste couplèt : Wee noe nog neet gebore is, steit op. Wee nog neet gebore is dee nump ze glaas al vaan d'n dis. Drink oet, drink oet.

Wee in jannewarie geboren is Wie al gezag is dit e leedsje, dat vreuger väöl op broelofte en kemuniefieste gezoonge woort. ’t Waor neet allein in Mestreech mer in gans Nederland bekind. Me zóng ’t in ’t eige dialek of in ’t Nederlands. Noe de historie vaan dit leedsje ! De oersprunkeleke wijs kaom vaan e Frans leedsje dat weer gebruuk is veur ’n Oranjeleedsje. Wat waor ‘t geval ? Ach daog nao d’n doed vaan ziene pa Stadhawwer Prins Willem II (6 November 1650) woort Stadhawwer Willem III gebore. Toen is dit leedsje gemaak. Me zóng in deen tied neet “Wee in jannewarie gebore is” mer Al is ons Prinsje nog zoo kleyn ---- hoezee ! Klikke op ‘t luidsprekerke Al evel sal ie stadhouder sijn ---- hoezee ! En al is ons Prinsje nog so kleyn, Al evel sal ‘t Oranje sijn ! Vivat Oranje! Hoezee. ‘t Waor in deen tied naomelek neet zeker of dee bebie oets ‘t amb vaan ziene pa, dus Stadhawwer, zouw bekleie gezeen de polletieke situatie. Volges ‘t “Meertensinstituut”, dat ziech bezeg hèlt mèt ‘t vaslègke vaan eus taol en cultuur zien op dees wijs in de loup vaan d’n tied zoe’n 350 versjèllende tekste bekind. In 1813 beveurbeeld, wie de Franse tróppe vaan Napoleóng weer oet eus land móste vertrèkke, zónge de lui op dees milledie: Bonaparte is op de vlucht gegaan ------- hoezee ! Kikke op ‘t luidsprekerke Al met zijn twaalfhonderd man ---- hoezee ! Kinners¹) vaan aw Nederlandse leedsjes meine tot ‘t woord “Hoezee” in de 18 e iew vaanoet Pole via Ingeland in Nederland beland is. In Pole zagte ze naomelek “Hussa”. Oonderweeg veraanderde ‘t woord vaan Hussa→Huzzee→Houzee→ in. . Hoezee. Diezelfde kinners zègke ouch tot ‘t leedsje oet 1650 oersprunkelek allein oet de 2 ierste regelkes bestoont ! ²) Bronne: ¹) In ‘t blaad “Den Navorser” deel X (1860) aongehaold door J. ter Gouw. ²) J. ter Gouw in “Volksvermaken” oet 1871

En op de Amsterdamse brögk Dao ligke de meidskes op hunne rök En dao kinne veer fietse Wat e gelök. En wee de pes in heet stik z'ne vinger mer ins op. Meer haw d'n hoond vas, tot 'r miech neet bit. Bit 'r miech, iech zègk 't diech doezend gölle kos 't diech. Meer haw d'n hoond vas tot 'r miech neet bit!

Tinus had ‘nen hoege nómmer getrokke, heer mós goon dene noe es seldaot. 't Ganse hoes dat laog 't underste bove, 't ganse dörp waor ten einde raod. D'n awwen os, dee leet ziech neet mie mèlke, De roejen haon, dee lag gein eier mie. En Triene stoont in 'nen hook te beuke: “M'ne leven Tinus, zeen iech daan noets mie? ” Refrein : Triene mie keend, iech zal diech noets vergete. Diech blijfs veur miech op eerd altied 't mieste weerd! Wied vaan diech weg heet miech 't lot gesmete. Diech blijfs veur miech op eerd altied 't mieste weerd! Wied vaan de bös en vaan de heuvelklinge, wied vaan de häöf en vaan de modderpeul. Wied van de weie boe v'r appele gónge stele, wied vaan dat alles bin iech noe gesjeid! Wied vaan mien Triene, boe iech zoe dèks mèt praotde, Wied vaan de plaots boe iech häör 't ierste zaog. Wied vaan de plek, boe 'ch ‘t levensleech aonsjouwde, wied vaan dat alles bin iech noe gesjeid!

Kin d'r miech neet zègke boe de wijsvrouw woent en boe de wijsvrouw woent, en boe de wijsvrouw *) woent. Kin d'r miech neet zègke boe de wijsvrouw woent en boe de wijsvrouw woent. En de wijsvrouw die woent al in de Heiestraot, al in de Heiestraot. De wijsvrouw die woent al in de Heiestraot. *) wijsvrouw = vroedvrouw Ik zou haar niet begeren met haar gat vol zweren als ik jonkman was, al als ik jonkman was. Ik zou haar niet begeren met haar gat vol zweren als ik jonkman was.

Merie heet gein brook aon Sjeng heet ze mèt nao de Peel Merie heet gein brook aon Sjeng drejt ze um z'ne sjöppesteel *) Kweerte zien eeltplekke

Zoe waor ‘t Op de wijs vaan “Lili Marleen” Saoves es de steerkes aon d'n hiemel stoon kin iech mèt mie meidske ins lekker vrije goon. En sjijnt 't mäönsje us in 't geziech daan zègk iech : "Sjat, de bis vaan miech. Vaan miech biste noe allein en aanders wèl iech gein". Es veer daan zoe loupe same nevenein en avventouw ouch stèl ins blieve stoon. Daan striek iech häör ins in 't geziech en zègk iech : "Sjat, de bis vaan miech. Vaan miech biste noe allein en aanders wèl iech gein". Hure veer 't daan tien, èlf ore sloon weurt 't lankzaam tied um weer nao hoes te goon. 't Aofsjeid dat vèlt miech lang neet liech mer daan zègk iech : "Sjat de bis vaan miech. Vaan miech biste noe allein en aanders wèl iech gein".

VELDEKE KRINK MESTREECH stoont miech welwèllend touw de pleetsjes vaan hun leesplenkske te gebruke. Heiveur mienen daank. Wèlt geer miejer weite euver de achtergronde vaan de leedsjes? Gaot daan eve nao ww. xs 4 all. nl/~hfeij Dao stoon ze ouch op alfabet en kint geer zoe gemekelek eur leedsje vinde. Es geer dink tot geer nog mattriaol höb, wat iech zouw kinne gebruke, zouwt geer dat daan wèlle sjikke nao tinyoetmestreech@xs 4 all. nl Daank uuch !