Eus eige leedsjes Deil 11 Klikke um wijer

Eus eige leedsjes Deil 11 Klikke um wijer te goon

Aw Maosbrögk 1671 J. de Grave Zjang sjei oet, De sjäörs mien hummeke Sjang sjei oet, De sjäörs mien hummeke vaan oonderoet.

Hoegbrögkstraot 1669 Valentijn Klotz Dao kaom 'ne Waol Wallon al in mien hoes maison Dee stool 'n sjink jambon al oet m'ne ketel chaudron Iech pakde 'ne stek ba ton en houwde dee Waol Wallon Al mèt m'ne stek ba ton op zien sjinke jambons!

‘t Volgende leedsje "Veer drage 3 kleure die stoon us zoe good" is 't ajdste Mestreechs carnavalsleedsje dat is opgesjreve. 't Is trökgevoonde in 't Archief in 2002 mer stamp oet 1842. ¹) In 1840 (volges de offcieel statute) woort in ‘nen dörpskaffee op Sint Pieter de “Momus” opgeriech door o. a. de hiere L. Polis, F. Stiel, G. Stiel en J. Naus. De vereiniging waor in ierste instantie bedoeld es vastelaovendsvereiniging mer heel ziech ouch bezeg mèt chariteit. Achter ‘t elfde artikel in ‘t “Momusreglemint” steit jummers: “Wat doen tog de Momusse? Ze geve d’n erreme broed en doen de rieke lagche”. ²) De Momuslede droge allemaol 'n narrekap mèt bepaolde kleure. Later zien dees kleure es symbole vaan de vastelaovend door de ganse provincie euvergenome. Die kleure kint geer allemaol wel want mèt de vastelaovend weurt me demèt doedgegoejd: Roed Geel en Greun In dit leedsje, mèt oersprunkelek 6 couplètte woort aon de Momezy ‘t gebruuk vaan die kleure oetgelag: - Roed dat steit veur 't verlange nao vrunsjap oonderein. -Geel , in deen tied woort gesproke euver wit mer in de loup vaan d'n tied is dat geel gewore, weurt vergeleke mèt maon- en zonneleech dat oonsjöldig zoeväöl vräög in Mestreech bringk. - Greun dat duit op d'n hoop um door eindrach de Momezy te laote greuje. Geer huurt miech allein 't twiede couplètsje zinge umtot bij mie wete dat allein nog mer gezoonge weurt. Wijer steit In de oersprunkeleke verzie vaan 1842 in 't refrein: Tra la la la mer iech zing 't mèt Vaan tiederalalala Dit umtot iech ‘t leedsje vreuger door de aw lui altied höb hure zinge mèt “vaan tiederalalala” en in de gesjreve versies (in mie bezit althans) dat ouch steit. Woersjeinelek is d’n teks in de loup vaan d'n tied (168 jaor) veraanderd. Denao laot iech uuch ouch nog 'n aander verzie vaan dit leedsje hure. Bronne: ¹) "Boekèt Mestreechs“ vaan Flor Aarts en Lou Spronck. ²) ”Momus-Jubilei 1839 -1939”

Jaokobskèrk 1671 Valentijn Klotz Aander versie: Veer drage 3 kleure die stoon us zoe good En wee ze neet dreug heet gei Momusseblood Vaan tiederalalala Vaan tiedera, vaan tiedera Vaan tiederalalala. Veer drage twie kleure die stoon us zoe sjoen Eine rok mèt e lijfke drage veer mèt fatsoen Fiederalalala Fiedera, fiedera Fiederalalala.

Vriethof 1840 Touwgesjreve aon Ph. van Gulpen En de pestoer dee had 'n geit geslach, geit geslach. Heer had ze in 't zaajt gelag al vaan de pestoer zien geit. En zjiemla. . En de maog en de maog die waor neet gek, waor neet gek Zie stool ziech e sto k veur ha o re bek al vaan de pestoer zien geit. En zjiemla. . En de pestoer zien geit had einen ujer, einen ujer En 't waor de pestoer zienen touwbaksbugel al vaan de pestoer zien geit. En zjiemla. . . En de ko ster dat waor 'ne maan, 'ne maan Dee pakde wat heer pakke kaan al vaan de pestoer zien geit. En zjiemla. . De mèssenders mèt z'n vere, mèt z'n vere. Die ginge vaan 't vleis perbere al vaan de pestoer zien geit. En zjiemla. .

Slevrouwekèrk 1740 Touwgesjreve aon J. de Beijer Noets geine pottemaan, Noets geine blozer Eine oet d'n ove weurt miene maan. Bolle-bolle-biemba (3 kier) Biemba-ja-ja. Sjeel is me zuster motteg is me broor. Daan höb iech nog ‘nen aandere dee zuut (sjit) zoe greun wie poor !

Mèrret 1740 Touwgesjreve aon J. de Beijer En zoelang es de lepel in de reurpot steit daan treure veer nog neet, daan treure veer nog neet. En zoelang es de lepel in de reurpot steit daan treure veer nog neet. En zoelang es Calvarie op de Zabstraot steit daan treure veer nog neet, daan treure veer nog neet. En zoelang es Calvarie op de Zabstraot steit daan treure veer nog neet. En zoelang es e gleeske in de kroek blijf stoon daan treure veer nog neet, daan treure veer nog neet. En zoelang es e gleeske in de kroek blijf stoon daan treure veer nog neet. En zoelang es Naardes op d'n ölger späölt daan treure veer nog neet, daan treure veer nog neet. En zoelang es Naardes op d'n ölger späölt daan treure veer nog neet.

"En zoelang es de lepel in de (b)reurpot steit" is ouch noe nog e hiel bekind leedsje. 't Ierste couplètsje is letterlek oet de Hollandse versie euvergenome. ‘t Twiede couplètsje is zoe te hure vaan ‘ne Mestreechse zjeneverdrinker. 't Derde couplètsje, boe-in de Zabstraot weurt geneump, is zoe Mestreechs es mer kin ! Es me Endepols maag geluive is dit leedsje " 'n uting vaan Mestreechse vastelaovendsvierders die door Calvarie (chariteit) oondersteund woorte". Die kraoge hun geldeleke oondersteuning en ginge daan geliek door nao de kaffee um alles um te zètte in draank. Dat waor in deen tied sjijns de gewoenste zaak vaan de wereld. Oet de "Noedkisrede", die dr. Poels op 12 miert 1917 gehawwe heet, is bekind tot op dat momint 1400 gezinne hun hand ophele bij Calvarie. En M. Ubachs sprik in zie book "Een eeuw modern kapitalisme" euver 1700 einkamerwoeninge. Me kin ziech veurstèlle tot door zoe’n touwstande väöl febrikswèrklui hun heil in de kaffees zeukde. 't Veerde couplètsje stoont op 17 december 1965 in "De Nieuwe Limburger" in de rubriek vaan Charles Thewissen. De naom Naardes is miech oonbekind. Dinkelek zal dit ‘nen ölgerspeuler oet ‘ne kaffee gewees zien. In de zeveteger jaore höbbe de “Zingende Pótsvrouwe” dit leedsje op ‘n plaat gezat en in plaots vaan Naardes lete zie de Pender op zienen ölger speule. Jef Penders waor in deen tied dirizjent vaan ‘t koer.

Zabstraot gezeen vaanaof de Toongersestraot Valentijn Klotz 1671 Tante Griet tiedeliet Had een kat tiedelat En die kat tiedelat Had een staart tiedelaart En die staart tiedelaart Had een krul tiedelul En die krul tiedelul Had een punt. Vaajer sliep bij moojer Moojer sliep bij vaajer Vaajer sliep bij moojer En 't kinneke dat sliep in de weeg Geef us e klei bitteke water En e klei bitteke beer Daan gaon iech dao achter aon dat täöfelke En zèt iech miech lekker deneer.

Triene de bökkem heet 'ne klepel en aon dee klepel hingk 'n bel. En es ze rope : "Sjiet in de ketel" daan springk Triene oet häör vel. Trieneke hei, Trieneke dao, (2 kier) Triene, Triene hei en dao! Sint Pieter mèt Lichtenberg J. de Grave oongeveer 1669

Hier Valentijn Klotz 1670 ‘t Ierste leedsje is op de wijs vaan: “Si tu veux faire mon bonheur Marguerite” En vaan de hoonderd nog gein tien höbben 'ne kerp, höbben 'ne kerp en vaan de hoonderd nog gein tien höbben 'ne kerp oets gezeen. Kerp=karper Veer zien de meidskes vaan ‘t lomelefebrik en veer mote wèrke tot ‘t stik.

Kestiel Neercanne. Touwgesjreve aon J. Lefebre 3 e kwaart vaan de 19 e iew Piotte, piotte, die höbbe lere votte. Ze loupe op hun zokke de meidskes te lokke. En dee neet veur de keuning seert dee krijg ziene baard vol sjroep gesmeerd. Tralalala.

Sint Pietersberg 1826 G. Lamberts Mien meer die had e lepke Tralala En ze maakde miech e kepke Tralala En mien meer die had 'ne groete lap En ze maakde miech 'n nievelskap Tralala-tralalala 'n nievelskap = e vrouwemötske M'ne peer dee had e plenkske Tralala En heer maakde miech e benkske Tralala M'ne peer dee had 'n groete plaank En heer maakde miech 'n groete baank Tralala-tralalala

Kloesterkèrk vaan de Witte Vrouwe oppe Vriethof boe noe d’n Tejater steit. Touwgesjreve aon Valentijn Klotz. En vooruit en vooruit Merie Sjiet 'ne keutel en dans neet mie. En vooruit en vooruit Merie Sjiet 'rs daan mer twie. Annemerie, sjiet 'ne keutel en dans neet mie. En vooruit en vooruit Merie Sjiet 'rs daan mer twie.

Dit is alweer ‘t ind ……. Mesjiens höb geer in ein of aander kèske nog tekste of meziek vaan aw Mestreechse leedsjes ligke. Of kint geer nog vaan die leedsjes die euren ampa of eur ama altied zóng. Iech zouw ‘t erg op pries stèlle es geer die mèt miech zouwt wèlle deile. Geer kint miech bereike op dit addrès: tinyoetmestreech@xs 4 all. nl