Eus eige leedsjes Deil 10 Klikke um wijer

Eus eige leedsjes Deil 10 Klikke um wijer te goon

Geziech op Sint Pieter en Wiek J. De Grave 1670 Vrouw, gef dat keend, veur 'ne cent 'ne lekkeren oliekook. Wèlt d'r 'm dee neet geve daan stek 'm in eur oonderbrook ! Tarara boemetjee D'n dikken dominee Dee heet z'n koont verbrand Al aon de kachelrand.

‘t Bat J. De Grave Is daan geinen olie, is daan geinen olie, olie op de lamp. Dat die lamp zoe duuster, dat die lamp zoe duuster brant.

Keizer-Karelplein 1839 Touwgesjreve aon Ph. van Gulpen En de bis vaan miech en de blijfs vaan miech en de bis vaan miech allein ! (2 kier) Mama, papa, zèt noe de besjuut mèt muiskes klaor. Mama, papa, d'n oejevaar is dao. En dee gei huidvleis lös, dee krijg gepeersde kop. En v'r vare mèt Anna Fransen de Houtmaos op. En dee gei huidvleis lös, dee it gepeersde kop. En daan goon v'r mèt d'n omnibös de Houtmaos op.

Boschstraot 1669 Valentijn Klotz Hei koume v'r neet mie Hei koume ze d'ch aon (d'ne pielewie) d'n duite Hei koume v'r neet mie Hei koume ze d'ch aon d'n cent.

Vriethof Touwgesjreve aon Cantagallina De wien is veur miech väöls te deur Zjenever is ouch opgeslage En kump e kindje aon de deur ‘t Moot contributie drage. D’n tied is allewijl zoe slech Iech dörf werechtig neet draon dinke Iech vraog uuch is dat daan zoe rech Dat me neet mie ins good kaan drinke.

Um de volgende leedsjes te begriepe moot geer op de huugde zien vaan de tegestèllinge die in de Mestreechter binnestad bestoonte. De Raomstraot, de Pieterstraot en ‘t Grächsje waore gezwore vijande ! Es die ziech tegekaome waor ‘t altied oorlog. In ‘t vuur vaan de gevechte vloge de pötdeksele door de loch en metser woorte ouch (zoe noe en daan) gebruuk. Mennege koejong kaom nao zoe gevech gesjendeleerd thoes. Dit alles, en nog mieje, r is besjreve in ‘t book vaan noonk Frans (Lahaye), in zien eige beheer oetgegeve in 1951. In ‘t twiede leedsje weurt gesproke euver “Bijein, bij Krischer op nómmer ein”. Krischer waor ‘nen danszaol op de Bleikerij. Heer stoont boe denao de Waorekäöringsdeens gestande heet. Dee is noe ouch verdwene.

Sint Pieter 1670 J. Sint De Grave J. de Grave Veer zien de jonges vaan de Pieterstraot Veer zien vaan iezerendraod. (2 kier) Veer zien de jonges vaan de Pieterstraot Veer zien vaan iezerendraod. Oreij, oreij de Pieterstraot is hei De Raomstraot kin m'ch stikke Dao goeje ze d'ch mèt brikke. Oreij, oreij en de Pieterstraot is hei En de Raomstraot kin miech stikke Dao goeje ze d'ch mèt brikke. Es geer nao Sint Pieter gaot Daan moot geer uuch neet versjrikke. Ze goeje uuch mèt stein De mieste (ge)paord mèt brikke. Bijein, bijein, Bijj Krischer op nómmer ein. (2 kier)

Boschstraot 1740 Touwgesjreve aon J. de Beijer Meister höbder geine zand vendoon ? Moot iech zeker op 'n aander goon ? Miene zand dee is zoe good es eur vrouw ins sjore moot. Koup 'm mer, 'r is goojekoup zeve cent 'ne gansen houp.

Kroettore in Wiek Teikening touwgesjreve aon Alex. Schaapkens 3 de kwaart 19 de iew In de Brökstraot woent 'n juffrouw en die juffrouw heet 'n meid. En die meid die moot vertrèkke umtot ze mèt 'nen tamboer geit. Laot ze mer goon, laot ze mer goon, want die meid heet niks gedoon. Hop, hop, de Kommel op Bij Merieke Franse Kinste lekker danse. Hop, hop, de Boschstraot op Iech kaom Merieke tege 't Waor pas half nege. Hop, hop, de Kommel op Mèt Merieke Franse Kinne veer lekker sjanse.

Umwalling Wiek mèt rondeel Bloemendaal 1669 Valentijn Klotz Meister Jepkes höbder hieringe ? Nein, nein, die zien verkoch. Achter de winkelbaank ligke de köpkes krijg ze uuch en et ze op ! Maître Jepkes, avez vous d'harengs ? Non, non, ils sont vendus. Derrière le winkelbaank se trouvent les têtekes Krijg ze uuch en et ze op !

Boschstraot 1848 Touwgesjreve aon Ph. van Gulpen Dee get wèlt höbbe dee moot mer koume Veer zien allemaol Mestreechter jonge Heiderasasa, heiderasasa Veer houwe mèt 'ne klöppel tege de bèdplaank aon.

‘t Bat 1750. Touwgesjeve aon J. de Beijer Geef miech nog e dröpke Nein Merie de krijgs geint mie. (2 kier) O Suzanna, was ist das Leben wunderschön O Suzanna, was ist das Leben schön! Drinke veer nog e dröpke Oet e beerglaas of e sjöpke. (2 kier) O Suzanna, was ist das Leben wunderschön O Suzanna, was ist das Leben schön! Geef us nog e dröpke En daan zinge v'r nog e möpke. (2 kier) O Suzanna, was ist das Leben wunderschön O Suzanna, was ist das Leben schön! Dit leedsje stoont 25 jan 1966 in “De Limburger” Sókkerbeer mèt stekkes, sókkerbeer mèt stekkes kriege veer bij Bergmans. (2 kier) Oh Suzanna, wat bistiech leef en woondersjoen Oh Suzanna, wat bistiech leef en sjoen!

Leef lui, dit waor ‘t daan weer ! Geer kint, es geer dat wèlt, nog ins kieke op mien websaajd: Um ‘t uuch gemekeleker te make zien alle leedsjes ouch op alfabet gerangsjik. Mèt Mestreechter compleminte, TINY