Eus eige kinderleedsjes en kinderveerskes Deilke 1 A

Eus eige kinderleedsjes en kinderveerskes Deilke 1 A Miert 2010 Klikke um wijer te goon

Sjele wip, sjele wap, boevaan kookste de pap? Vaan bookende-meel. Daovaan loerste zoe sjeel! Oetgegeve umstreeks 1920

En v’r höbbe 'ne monika gevaange Vaan tra-la van tra-la Five-joes-joes Five-jas-jas ’t Is Murjenneke poes. Oetgegeve umstreeks 1860

Poes, poes, miawwe geef miech 'ne nuien tand daan krijgstiech d'n awwe.

"Assepoester" oetgegeve in 1943 Meidske maag iech mèt diech verkiere daan zal iech de polka liere. Nein menier, iech daank uuch zier, polka is gein mode mie. Bove woent 'nen aand're maan dee miech de polka liere kaan.

Beukske oet 1887 Deurke ope (ein ougdèkselke umhoeg trèkke) Deurke touw ('t aander ougdèkselke umlieg duie) Trepkes aof (mèt de vinger euver 't neuske sjievele) Veutekes vege (mèt de vinger euver 't bovelipke vrieve) Kemerke in (de vinger in 't munneke vaan 't kinneke steke

Aw versie vaan Roedkepke Es de kinder in de rege lepe zónge ze: Hari fibberwarie , geef rege, geef wind. Es Hari getrouwd is daan krijg heer e keend.

De kinder loupe in 'n rij en hawwe ziech aon de rok vaan de mam vas: Sjok, sjok, wat höb iech kaajd, einentwinteg bin iech aajd. Miene naom is Fellemien, iech zouw zoe gere getrouwd zien.

Oetgegeve in 1901 Heia Popeia kook 't kinneke ins get pap. Höbste gein mèlk daan mèlk de kat. Höbste gein kat, daan mèlk de moes. Diech höbs altied wel get mèlk in hoes. Mèlkske zeuter es viege, 't kinneke moot slaope en zwiege.

Oetgegeve in 1910 Achter Haare hègke laog e hunneke mèt wègke. Dao kaome zeve vlege die wouwe 't hunneke bedrege. 't Hunneke pakde ziene linkerpoet en sloog ze alle zeve doed. Wègke zien wittebroejer.

Printebook oetgegeve umstreeks 1880 Dao achter bij 't Welke dao laog e hunneke doed. Ze stertsje waor bevrore zien betskes laoge bloet. Dao kaom meerke so kkerstek die zag: "Die bies is half gek. " Dao kaom meerke mèt water die zag: "Dat is 'ne kater!" Dao achter bij 't Welke dao laog e hunneke doed.

Geer vraog uuch mesjiens aof boeveur vreuger in Mestreech zoeväöl Franse kinderleedsjes gezoonge woorte. Veur e deil zien die in 1918 hei gebrach door de Franstaolige vlöchtelinge die door de tröktrèkkende Duitse tróppe oet Noord-Fraankriek verdreve woorte. Mer daoveur al hadde Franse zusterkes ziech in Amie gevestig. Zie begóste e meidskespensjenaat in 1908 in 'Huize Nazareth' en de gooj lui vaan de börgerij vaan Mestreech sjikde häör döchterkes dao nao touw. Die kinder lierde Frans en netuurlek ouch Franse leedsjes. Es vekantie waor späölde ze op straot en zónge dees leedsjes die daan door de aander kinder, die gein Frans gelierd hadde, woorte euvergenome. De Mestreechse kinder höbbe dees leedsjes erg verbasterd. Ze wiste gaar neet wát ze zónge en es me d'n oersprunkeleken teks neet bij de hand heet kump me d'r ouch neet wies oet. Nog eve dit, tot umstreeks 1850 waor Frans spreke veur de get dèftiger Mestreechtenere gans gewoen. Daonao woort 't gebruuk vaan 't Frans minder.

Leedsje veur bij 't kaoseleballe. 't Weurt steeds sneller gezoonge. De Mestreechse kinder maakde d'r dit vaan: Manon petit petout qui va La-la-la-la Manon petit petout qui va La-la-la-al-la D'n oersprunkeleken teks waor zoe: Oetgegeve in 1896 Maman les petits bateaux qui vont sur l'eau ont-ils des jambes?

Laozjewee sabbesee, saureeja, mmm. . . daoze me , dao lootre me , daoze pjee se lootre pjee aodevao, aodevriejaer aonoo, aoba aonotaoba, sure blaosj, tabliejee ee rondenee. Hijj is d'n echte Fransen teks: Allons jouer sans bouger, sans rire mmm. . . dans une main, dans l'autre main, sur un pied, sur l'autre pied, par devant, par derrie re, en haut, en bas sur un blanc tablier en ronde tourner. Oetgegeve in 1944 Dit is e kaoseleballeedsje en alle beweginge oet 't leedsje móste door 't keend gemaak weure: -sans bouger---stèl stoon -sans rire ---neet lache -mm --- niks zègke -dans une main --- in ein hand -dans l'autre main ---in de aander hand -sur un pied, sur l'autre pied ---wissele vaan voot -par devant --- veur ziech klappe -par derrière ---achter ziech klappe -en haut --- klappe bove de kop -en bas --- bij de veuj klappe -en ronde tourner --- mèt de han roonddrejje

Oetgegeve in 1944 Ma mère est à Paris mon père est à Versaille. Me zwaoger is e bies, m'n tant is 'n kanalje. De kinder loupe in e krinkske en bij: "Ton moulin va trop vite" weurt steeds sneller gezoonge en geloupe. Meunier, tu dors, ton moulin va trop vite. Meunier, tu dors, ton moulin va trop fort. Ton moulin, ton moulin va trop vite } Ton moulin, ton moulin va trop fort } 2× Zjean Toerlezjoer ma belle, ma belle. Zjean Toerlezjoer, mèt de kletskop tege de moer.

Slaop mer mie kinneke, slaop en doeg dien uigskes touw. Acherm, acherm, kinneke heet 't zoe werm. Acherm, acherm kinneke heet 't zoe werm. Slaop mer mie kinneke, slaop en doeg dien uigskes touw. Acherm, acherm, 't heet get in zienen derm. Oonbekind in wat veur jaor 't beukske is oetgegeve

Douw, douw, kinneke douw, slaop en doeg dien uigskes touw. Wèlste daan neet zwiege, op 't vötteke zalste kriege. Douw, douw, kinneke douw. Oetgegeve in 1910

Oetgegeve umstreeks 1880 Dit is 'n hiel eigenaordig leedsje: Pimelo, pammelo, pom pimena, padenamino konkedo lavaja. Sjieng, sjieng en trèk m'ch aon me zjieleke. Ik wis van de liefde niet meer wat ik deed. O, o, o, pimelo pammelo, pom pimela padelamino konkordo lavaja.

Printebook oet 1947 Aoftèlveerske: Achter 't Vleishoes nómmer drei ligke de stumpkes op 'n rij. Stumpkes groet en stumpkes klein meh ze zien vaan marsepein. En este eint wèls kriege daan móste kinne zwiege!

Aoftèlveerske: Aoke kraoke Boene baoke Ulleke bulleke boene bóf Eine sjoon en eine slóf! Af bent gij!

Dao waor e buurke vaan petot, dat sjäörde zien brook en me zaog zien vot. Toen kaom e boerinneke aongeloupe. Zègk buurke, höbstiech sjink te verkoupe? Ben de gij zot! Dat is mien eige vot!

E speciaol woord vaan daank aon Virg en Jo Caris Pierre Meertens Truus en Lam Daenen Zoonder hunnen inbring had iech noets zoeväöl bijein kinne zeumere. Ouch broeder Ananias de Vries (zaoliger) en Charles Thewissen (zaoliger) waore 'n oonoetpötteleke bron vaan aw Mestreechse kinderleedsjes en veerskes. Compleminte vaan TINY www. xs 4 all. nl/~hfeij tinyoetmestreech@xs 4 all. nl