ESPAZOS NATURAIS A Marronda Incle parte dos vales
- Slides: 30
ESPAZOS NATURAIS A Marronda
Inclúe parte dos vales do curso alto do río Eo, a marxe dereita do río Martín e o seu afluente Souto e as fragas que os rodean. É unha área con fragas autóctonas de tipo montañoso de grande valor ecolóxico situadas na cunca alta do río Eo, no comezo das serras Orientais en alturas de ata 900 m. O relevo é accidentado con fortes desniveis. EXTENSIÓN: 1. 211, 97 ha CONCELLOS: Baleira, A Fonsagrada PROTECCCIÓN: LIC, ZEPVN VALORES NATURAIS: fragas, río, bosque de ribeira. . .
Prados na parte alta do espazo protexido.
A fraga cobre a ladeira norte do Monte da Marronda (864 m) e os vales do río Martín e Souto.
Fraga da Marronda na primavera
Interior da fraga da Marronda
O río Eo nace na aba oriental da Serra do Mirador a partir de varios regos que se xuntan en Fonteo a 680 m de altitude, discorre en dirección leste por profundos vales cubertos de frondosos bosques e ao topar cos montes da Lastra cambia a dirección cara ao norte.
Fervenza de San Paio No lugar de San Paio, na parroquia de Cubilledo (Baleira), no río Eo. Ten unha altura de 8 a 10 m en lousas e está un pouco modificada pola presa do muíño.
O Eo en San Paio (Cubilledo-Baleira)
O Eo na Pena da Volta. Na Cortevella o Eo vese abrigado a rodear con varias voltas sucesivas de case 360º uns saíntes de cuarcita. Na área hai un mirador, un muíño, ouriceiras e un sendeiro acondicionado que permite percorrela.
Fervenza no rego de Cubilledo, ao pé da súa desembocadura no Eo, nas proximidades do espazo protexido.
O río Martín nace na Serra do Mirador (Monte Salgueiriño) e xúntase co Eo na zona de Santalla. Baixa por un val estreito e profundo no que se asenta parte da fraga da Marronda. Val do Martín. Á esquerda a fraga da Marronda.
Fervenza no rego do Souto, afluente do Martín que corre polo fondo da fraga da Marronda.
As árbores máis comúns na fraga son: carballos, capudres, abelairas, bidueiros, carbas, acivros, maceiras bravas, pereiras bravas, faias. . . Nas zonas máis baixas e próximas ás poboacións hai castiñeiros e pradairos. No sotobosque hai uz branca, arandeira, estripo, sanguiño, hedra, piorno, xesta, herba salgueira, silvas, fentos. . . Nas beiras dos ríos: ameneiros, salgueiros, freixos, bidueiros, pradairos, hedras, fento macho e femia, dentabrú, blechno. . .
A fraga a comezos do outono
Capudre ou cancereiro (Sorbus aucuparia)
Faia (Fagus sylvatica)
Arandeiras, brións, hedras. . . rodean os vellos toros
Brións, fentos, luzullas, allium… nas beiras do rego do Souto.
Liques. As boas condicións ambientais maniféstanse no desenvolvemento que acadan os liques.
Fentos (Osmunda regalis), molinias e eupatorio.
Fontinalis. Un brión que vive mergullado nas augas limpas das nacentes.
Hypericum androsemum
Chrysosplenium oppositifolium, medra en paredes húmidas e beiras de regatos.
Herba canuda (Equisetum sp. ) nas beiras do Eo. Os equisetos son plantas sen flores con estruturas semellantes aos de épocas prehistóricas que viven en lugares húmidos.
O espazo da Marronda acolle unha moi variada fauna, típica de bosques e ribeiras entre os que se atopan algunhas especies pouco comúns. MAMÍFEROS: furafollas, murgaño, furaño, esquío, leirón careto, rato de campo, donicela, martaraña, tourón, garduña, algaria, raposo, gato bravo. . . AVES: azor, gabián, gatafornela, rapina cincenta, aguia caudal, lagarteiro peneireiro, falcón pequeño, falcón peregrino, avelaiona, gabeador común. . . ANFIBIOS: píntega común, pintafontes (común, palmado e verde), saramaganta, sapo común, sapiño comadrón, ra (verde, patilonga e vermella). REPTIS: lagartixa galega, lagartixa da serra, cobra lagarteira común, cobra de colar. . . Corzo
Picafollas. As aves insectívoras son habitantes habituais das fragas.
Ra patilonga (Rana iberica). Vive preto dos regatos limpos con correntes e abundante cobertura vexetal.
Caracol (Elona quimperana), unha especie en perigo de extinción en Europa.
Montaxe: Adela Leiro Fotos: Adela Leiro, Mon Daporta
- Achei um bom amigo harpa numero
- Vales digitales
- Tu vales mucho para mi
- Fise
- Cadeias industriais e os recursos naturais
- Cinco decimales
- A missa parte por parte
- Los invitamos a ser parte
- Este parte aquele parte
- A maior parte dos refugiados sirios que solicita
- Desastres naturais
- Aula sobre paisagem natural e modificada
- Exemplos de recursos naturais renováveis
- Recursos naturais não renováveis
- Decomposição de numeros naturais em fatores primos
- Potenciação 6 ano
- Algoritmo hipoglucemia
- Textura naturais e artificiais
- Lugares onde vivemos
- Drogas naturais
- Quais são os atributos naturais de deus
- O que é forma
- Criterios de ada
- Planalto da borborema
- Aspectos naturais da europa
- Materiais naturais manufaturados
- Estruturas naturais e artificiais
- Desastres naturais
- Atributos morais e naturais de deus
- Continente europeu aspectos naturais
- Dona antonia valadares