Christus vincit Christus regnat Laudetur Jesus Christus Haec

Christus vincit, Christus regnat, Laudetur Jesus Christus. Haec est Statio Radiphonica Vaticana. Christus, Christus imperat. Die XIV mensis Ianuarii anni MMVIII, Padre Maximiliano Immanuele Papabianca loquitur. Ex Civitate Vaticana: Baptismus in Aede Sacra Xystina collatus Summus Pontifex Benedictus XVI iuxta usum antiquum die Dominica, Festo in Baptismate Domini, in Aede Sacra Xystina infantibus sacramentum baptismi contulit. Erant tredecim editi, omnes pueri in Civitate Vaticana ministrantium. Benedictus XVI Sanctam Missam ad altare aedis sacrae Xystinae sub ingentibus imaginibus extremi et universalis Christi Iudicii, quas Michael Angelus confecit, exstructum, id est versus Deum et non ut annis praeteritis ad altare ligneum versus populum celebravit. Hac de re in quodam commentario pontificio legitur Benedictum XVI “pulchritudinem concentumque" Aedis Sacrae Xystinae "non turbare atque generis structurae, qua haec aedis, ut Sancta Missa ibi celebraretur, aedificata est", rationem habere in animo habuit. "Normas liturgicas" ei permittere hunc modum celebrandi. Commentarium addit Summum Pontificem versus Deum, "versus” ergo “crucem", Sanctam Missam celebrantem, "omnes christifideles, qui adsunt, habitu menteque ad orientem convertit". In homilia Benedictus XVI dixit baptismo hominemin "culturam vitae" ingredi. .