BIDE BATEN HISTORIA Historia hau xumea bezain ederra
BIDE BATEN HISTORIA
Historia hau xumea bezain ederra da, 1879 ko Hausterre egunean hasi zen, gure Euskal Herriko txoko baten.
Lehen Pasiotarrak “hotz, elur eta haize” indartsuak astindutako egun batean iritsi ziren Bilbora.
MAITASUN gar biziak ekarri zituen gizonok Bizkaiko kostaldera, bertako kultura eta nortasun berezietan errotzeko asmoz.
Amadeo, Mauricio, Bernardo, Bartolome eta Bernardo. . . gogo beroz eta adorez aritu ziren lanean, eta Jesus Kurutziltzatuaren maitasun hazia erein zuten gure lur honetan.
Deustu-Bilbo izan zen Familia honen eta haien presentziaren kokalekua. 1880. urtean eman zitzaion hasiera lehen Pasiotar Elkarteari.
Bai azkar eta sendo zabaldu ziren: 1882. urtean, Peñafielen (Valladolid); 1885. urtean, Angoston (Araba); 1885. urtean, Mondoñedon (Lugo); 1887. an, Peñaranda de Dueron (Burgos). Eta 1887. urte berean, Erlijioso Probintzia gisa eratzera iritsi zen.
Bere izena: JESUSEN BIHOTZ SAKRATUA
XX. mendearen hasierarako, Probintzian 11 komentu eta bi egoitza zeuden, euretariko batzuek Amerikan. Misiogintzan bere esku-hartzea hainbestean gehitu zen Peru aldean (1913 tik), Kolonbian eta Kariben ere oinarriak ezarriz.
Peruko Amazonas aldean burututako misiogintza historia honetako atalik azpimarragarriena da. Lurralde hauxe baitzen behartsuena eta atzeratuena, giza mailan zein ekonomia mailan.
1905. urtean, Probintzia hau zatikatu egin zen, FAMILIA SAKRATUA sortuz; gaur egun, Zaragozan dago bere egoitza nagusia. Eta 1923. urtean, beste Probintzia bat jaio zen: ODOL TXIT BALIOTSUAREN Probintzia. Bere egoitza nagusia Madrilen dago.
Bihotz Sakratuaren Probintzia behin betirako zabaltzen eta finkatzen da Euskal Herrian, Galizian, Perun, Kolonbian, Puerto Ricon eta Dominikar Errepublikan, 380 erlijiosoz osaturik. Mila bederatziehun eta hirurogeiko hamarkada zen.
Azken 25 urteotan, bere gorabehera eta guzti, ALDAKETAK egin beharra izan da. Bokazioen murrizketak eta erlijiosoen gutxitzeak itaun handia sortzen digu.
Gaur egun, egon, Probintzia lehen bezain zabal dago lurraldez; hala eta guzti ere, Kolonbia eten egiten da, Probintzia-orde barri bat sortuz.
Gaur egun, Euskal Herriko eta Galiziako erlijiosoak denak batera jota, 73 gara, eta beste 79 Perun, Puerto Ricon eta Dominikar Errepublikan zabalduta daude.
Baina. . . historiak aurrera jarraitzen du!
Hemen duzu. . .
- Slides: 17