BASIC BIBLE SEMINAR Module 9 ANG MGA GRUPO
BASIC BIBLE SEMINAR
Module 9
ANG MGA GRUPO NGA NAHIMAMAT NI HESUS
Kung atong subayon ang mga Ebanghelyo ni San Mateo, San Markos, San Lukas ug San Juan, atong mabasa ang lain-laing mga grupo nga kanunay mahimamat ni Hesus. Mas makatabang kung atong masayran kung kinsa sila, unsa sila sa katilingban ug kung unsa man ang ilang gituohan ug ilang gibarugan.
ANG MGA PARISEO
1. 1 Ang mga Pariseo 1. Sa pagkakita Niya sa daghang Pariseo ug Sadduceo nga nangadto diin Siya namunyag, miingon Siya: “Kaliwat sa mga bitin! Kinsay nagsulti ninyo nga makalikay mo sa umaabot nga silot? ” (Mt. 3, 7)
2. Samtang nagkaon si Hesus sa balay ni Levi, ang mga kobrador sa buhis ug ang mga makasasala naglingkod uban sa Iyang mga tinunan. Daghan sila. Apan diha poy mga magtutudlo sa Balaod sa pundok sa mga Pariseo nga miuban ni Hesus.
…Miingon Siya sa mga tinun-an: “Nganong mikaon Siya uban sa mga kobrador sa buhis ug makasasala? ” Nakadungog si Hesus ug mitubag: “Wala magkinahanglag doktor ang maayog lawas kondili, ang mga masakiton. Wala ako moanhi aron pagtawag sa tawong tarong kondili, sa makasasala. ” (Mk. 2, 15 -18)
3. Usa ana ka adlaw sa pahulay naglakaw si Hesus sa kaumahan uban sa mga tinun-an. Samtang naglakaw, ang mga tinun-an namupo’g pipila ka hugpong sa ohay nga gidugmok sa kamot. Unya miingon ang mga Pariseo kang Hesus: “Tan-awa! Nagbuhat sila sa gidili sa adlaw sa pahulay. ” (Mk. 2, 23 -24)
4. Sa pagkakita sa Pariseo, nanaway siya, nga naghuna sa kaugalingon: “Kon propeta pa siya masayran unta Niya kinsa kini, ug unsang klaseha sa pagkababaye ang mihikap niya – makasasala. ” (Lk. 7, 39)
ANG MGA SADUSEO
1. 2 Ang mga Saduseo 1. Nianang adlawa, pipila sa mga Saduseo miduol ni Hesus. Sanglit ilang gipamatuod nga walay pagkabanhaw, nangutana sila: “Magtutudlo, si Moses nag-ingon: Kon may mamatay nga walay anak, ang igsoon niyang lalaki mangasawa sa biyuda. Ang ilang anak isipong anak sa namatay. Ang una nangasawa unya, namatay. Sanglit wala man siyay anak, gibilin niya sa igsoon ang asawa. Mao gihapon ang nahitabo sa ikaduha hangtud sa ikapito ka igsoon. Ug namatay pud ang babaye. Inig kabanhaw na sa mga patay, kang kinsa siyang asawa, nga ang pito nangasawa man niya? ”
Si Hesus mitubag: “Sayop kaayo kamo. Wala ninyo hisabti ang Kasulatan ni ang gahum sa Diyos. Una sa tanan, sa pagkabanhaw sa mga patay, dili na magminyo ang mga lalaki ug babaye. Hinunoa, mahisama sila sa mga anghel sa Langit. Kabahin sa pagkabanhaw… wala ba kamo kapamalandong sa giingon sa Dios: Dios ako ni Abraham, ni Isaac ug ni Hakob! Dios siya sa mga buhi, dili sa mga patay. ” Nakita sa mga Pariseo giunsa ni Hesus pagpahilom ang mga Saduseo. Busa nagkauyon sila sa pagtigom libot niya. (Mt. 22, 23 -34)
2. Unya, nanuol ang mga Saduseo nga wala motoo sa pagkabanhaw. (Lk. 20, 27) Ang mga Saduseo mao ang grupo sa kadagkoan sa mga Hudeo nga giingong gikan sa laray sa mga pari sa Jerusalem. Sa dihang Israel naa sa ilalom sa gahum sa mga Romano, sila haduol sa mga kadagkuang sa Romanong pang-gobyerno. Mao kini ang hinungdan kung nganong layo ang mga Saduseo sa katawhan kung ikomparar sa mga Pariseo.
ANG MGA PANGULONG PARI
1. 3 Ang mga Pangulong Pari Ang mga pangulong pari ug kadagkoan sa mga Hudeo nagkatigum sa palasyo sa Labawng Pari, si Caifas. Nagkauyon sila paglingla ni Hesus ug pagpatay Kaniya. (Mt. 26, 3 -4) Mibarog ang Labawng Pari taliwala nila ug nangutana ni Hesus: “Wala ka bay ikatubag ining tanan? Unsay ikasulti Nimo mahitungod sa pruyba batok nimo? ” (Mk. 14, 60)
Ang mga pangulong pari mao ang gitahasan sa Romanong Gobyerno nga magdumala sa kahapsay ug kalinaw sa mga Hudeo sa Jerusalem. Sila ang gihatagan og katungod nga mosilot sa mga nakasala nga mga Israelita tungod kay ang gisunod nga balaod sa Jerusalem ug sa tibuok Israel mao man ang balaod ni Moses.
Gihatagan sila og katungod nga magdumala sa Jerusalem ginamit ang ilang kaugalingong balaod. Apan ang mga Romanong kasundalohan anaa sa palibot aron sigurohon gayud nga walay mga kagubot nga mahitabo.
ANG MGA SENTURYON
1. 4 Ang mga Senturyon Ang kapitan mitubag: “Dili ko takos nga mopasaka nimo sa akong balay. Ipamulong lang og maayo ang akong sulugoon. Kay ako mismo ubos sa kadagkoan. May mga sundalo usab ubos kanako. Moingon ako sa usa: “Lakaw, ” molakaw siya; ug sa lain: “Dali, ” ug moari siya; sa ulipon: “Buhata ni, ” ug iyang tumanon. ” (Mt. 8, 8 -9)
Ang kapitan ug ang mga sundalo nga nagbantay ni Hesus nalisang pag-ayo sa nasaksihan nilang linog ug sa tanang hitabo… (Mt. 27, 54) Ang Senturyon nagdumala sa usa ka gatus ka mga Romanhong Sundalo.
ANG MGA SAMARYANHON
1. 5 Ang mga Samaryanhon Unya, miabot ang babayeng taga Samaria aron pagsag-ob og tubig. Miingon kaniya si Hesus, “Paimna ako. ” Niining higayona ang mga tinun-an didto sa lungsod, namalit og pagkaon. Miingon ang babaye, “Taga Samaria ako, babaye pa gyod, ug Hudeo Ikaw. Nganong mangayo Ka kanako’g tubig nga mainom? ” (Ang mga Hudeo ug mga Samaryanhon wala magkasinabtanay. ) (Jn. 4, 7 -9)
Ang mga Samaryanhon mao ang pundok sa mga nahibiling Israelita sa Israel sa spanahon sa pagpalayas ngadto sa Babelonya. Sila naminyo sa mga taga-laing nasud. Alang sa mga Hudeo sila alang sa mga Hudeo lamang.
DISIPULO UG MGA APOSTOLES
1. 6 Disipulo ug mga Apostoles “Sa pagkakita ni Hesus sa katawhan, mitungas Siya sa bungtod. Milingkod siya ug gialirongan sa iyang mga tinun-an. “ (Mt. 5, 1) Namalik si Hesus ug ang Iyang mga tinun-an sa daplin sa lanaw ug gisunod sila sa dagkong panon sa katawhan gikan sa Galilea. (Mk. 3, 7)
Ang mga disipulo o mga tinun-an mao ang mga tawo nga nagsunod kaniadto kang Hesus. Sila ang pundok sa katawhan sa Israel nga kanunay makadungog sa mga gipamulong ni Hesus ug makakita sa Iyang mga milagro ug makaluluwas nga gahum.
Ang mga Apostoles mao ang mga pinili nga tinun-an gikan sa mga disipulo ni Hesus nga Iyang gitahasan sa pagsangyaw sa Maayong Balita ug pagbuhat og mga milagro pinaagi sa Iyang ngalan. Ang mga disipulo nagtuon pa mahitungod kang Hesus. Sa laing bahin, ang mga Apostoles mga pinadala na aron sa pagsangyaw.
MAGTUTUDLO SA BALAOD
1. 7 Magtutudlo sa Balaod Huma‘g sulti ni Hesus, ang mga tawo nangatingala sa Iyang pagtulonan. May awtoridad Siya sa pagpanudlo, dili sama sa magtutudlo nila sa Balaod. (Mt. 28 -29)
Ug ang mga magtutudlo sa Balaod gikan sa Jerusalem miingon: “Ubos siya sa gahom ni Beelzebul, ang pangulo sa mga yawa nga giabog niya sa ngalan sa pangulo. ” (Mk. 3, 22)
KUBRADOR SA BUHIS, SANLAHON, UG PARALITIKO
1. 8 Kubrador sa Buhis, Sanlahon, ug Paralitiko Sa panahon ni Hesus, kining nga mga tawhana giingong mga sinalikway sa katilingban. Ngano man? Una, ang mga kobrador sa buhis mga Hudeo susama kanila nga nagtrabaho alang sa Romanhon nga gobyerno.
Ikaduha, ang mga Sanlahon ug mga Paralitiko giingong mga nagbayad sa ilang kaugalingong sala o di ba kaha sala sa ilang katigulangan. Mao kini ang hinungdan nganong ang mga sanlahon gipalayo sa katilingban tungod kay kung kinsa man ang makahikap kanila, mahimo usab nga hugaw sumala sa balaod.
- Slides: 35