BASIC BIBLE SEMINAR Module 5 LIBRO SA KASAYSAYAN

BASIC BIBLE SEMINAR

Module 5

LIBRO SA KASAYSAYAN

Ang Libro sa Kasaysayan nag-asoy sa pagtabok Suba sa Jordan sa Piniling Katawhan, ubos sa paggiya ni Josue, ngadto sa Yutang Gisaad, ang pakigbisog batok sa mga lumulupyo sa Yutang Gisaad, pagbahin-bahin sa Yutang Gisaad ngadto sa 12 ka tribo ni Israel ubos sa pagdumala sa mga Maghuhukom, pagkatukod sa Israel isip usa ka Gingharian gikan kang Saul, David, Solomon ug sa pagkabahin sa Gingharian ngadto sa duha, ang Gingharian sa Amihan ug sa Habagatan, ug sa ilang kapildihan ug pagpalayas ngadto sa Babilonya.

1. Josue Ang libro ni Josue ginganlan sa ingon binase sa lider sa mga Israelita nga si Josue. Ang libro ni Josue adunay 24 ka mga kapitulo nga mabahin ngadto sa 3 ka bahin.

2. Mga Maghuhukom Ang libro sa mga Maghuhukom adunay mga maanindot nga mga estorya sama sa kinabuhi ni Debora, Gideon, Samson, Delilah, ug uban pa. Adunay 21 ka mga kapitulo ang libro sa mga Maghuhukom. Naghisgot kini mahitungod sa mga Maghuhukom nga maoy nangulo sa mga Israelita human nila maangkon ang Yutang Gisaad.

3. 1 & 2 Samuel Ang mga libro ni Samuel, Samuel 1 ug 2, nagsaysay sa panghitabo sa Israel sugod sa pagkamugnsa sa gingharian sa Israel. Nagsugod ang libro ni Samuel sa pagtawag sa Dios kang Samuel ug pagpili sa unang hari nga si Saul. Ang unang libro ni Samuel adunay 31 ka mga kapitulo. Ang ikaduhang libro ni Samuel adunay 24 ka mga kapitulo.

4. 1 & 2 Kings Ang una ug ang ikaduhang Hari nagpadayon sa kasaysayan sa mga Israelita ug sa ilang mga hari. Partikular nga gipakita sa libro sa mga Hari ang kasaysayan sa Israel ug sa nasud sa Judah human ang kamatayon ni Hari David. Ang libro sa mga Hari nagsugod sa kamatayon ni Hari David.

Ang libro sa mga Hari nagpakita usab nga kadaghanan sa mga hari sa Israel nagmasupilon sa Dios ug nisimba sa nagkalain-lain mga dios. Ang Unang Hari adunay 22 ka mga kapitulo. Ang Ikaduhang Hari adunay 25 ka mga kapitulo.