BASIC BIBLE SEMINAR Module 2 Ang ANG BIBLIYA

BASIC BIBLE SEMINAR

Module 2

Ang

ANG BIBLIYA …nahisulat diha sulod sa kasinatian sa katilingbang tinawag sa Dios, ang katilingban sa mga Israelita sa Daang Kasabutan ug sa katilingaban sa mga Tinun-an ni Hesus sa Bag-ong Kasabutan.

1. Kahulugan sa Pulong Bibliya nagikan sa Griyego nga pinulungan “Ta Bibliya“ nga nagpasabot, mga Libro. Atong angayan mahibaw-an nga ang atong Bibliya karon, nga anaa sa atong mga kamot karon naglangkob sa daghan nga mga libro. Usa kini ka library sa mga libro.

Duha ka bahin ang Bibliya: • ang Daang Testamento nga naglangkob og 46 ka mga libro. • ang Bag-ong Testamento nga naglangkob og 27 ka mga libro.

Adunay nahisulat isip (1) Kasaysayan (2) Panultihon o Balaknon (3) mga Salmo o mga Pag-ampo (4) mga Balaod ug Regulasyon ug daghan pang lain-laing mga istilo/paagi sa pagkasulat.

2. Ang Bibliya isip “Scriptura” o “Balaang Kasulatan” Ang Bibliya mahimo usab nga pagatawagon nga “Scriptura” o “Balaang Kasulatan. ” “Scriptura” gikan sa pinulungang latin nga nagkahulugan “kasulatan” o butang nga sinulat.

3. Ang Struktura o Han-ay sa Bibliya • Adunay Duha ka Bahin ang Bibliya: Ang Daang Kasabutan ug ang Bag-ong Kasabutan. • Ang Katoliko nga Bibliya adunay 46 ka mga Libro sa Daang Kasabutan ug 27 ka mga Libro sa Bag-ong Kasabutan.

4. Kinsa man ang nagsulat? • Ang Dei Verbum, usa sa mga dokumento sa Ikaduhang Konselyo Vaticano, nagkanayon, “Ang mga Diyosnon nga Kamatuoran nga anaa mabasa ug gipadayag sa Balaang Kasulatan nahisulat ubos sa giya ug inspirasyon sa Espiritu Santo. “ (DV 11)

5. Nganong tun-an man nato kini? • Unsa man ang atong katuyuan sa atong pagtuon sa Bibliya? Ang Bibliya gisulat sa katuyuan aron atong madawat ang katuyuan sa Dios nga Mapadayag ang Iyang Kaugalingon (Kinsa Siya? ) ug ang Iyang Plano sa Kaluwasan (Unsa ang Iyang Kabubut-on? ). Aron kita makaambit sa Iyang Diosnong Kinaiya ug Kinabuhi diha sa Iyang gugma isip indibedwal ug isip matoohong katilingban.

6. Ang Pulong Testamento o Kasabutan • Ang pulong nga “Testamento, ” gikan sa pinulungang Latin, nga nagkahulugan og “Kasabutan” nga mao gyud ang kinauyukan sa Bibliya. Ang tanang nahisulat sa mga panid sa Bibliya mahimong sumadahon niining pulonga” “Testamento” o “Kasabutan”.