BASIC BIBLE SEMINAR Module 10 ANG NAZARET GALELIA

BASIC BIBLE SEMINAR

Module 10

ANG NAZARET, GALELIA UG JERUSALEM Module 10

�Atong pamalundangan karon og subayon kung unsa man ang nahitabo kang Hesus sa Nazareth, sa Galilea ug sa Jerusalem.

NAZARETH

A. Nazareth �Nanimuyo sila sa lungsod nga gitawag og Nazaret. Sa ingon, ang gisulti sa mga propeta natuman: Tawgon siyag Nazareno. (Mt. 2, 23) �“Kinsay inyong gipangita? ” Mitubag sila: “Si Hesus nga taga Nazaret. ” (Jn. 18, 5)

Ang Nazaret mao ang dapit diin si Hesus nagpuyo sa iyang tinago nga kinabuhu. Kini mao ang dapit diin si Hesus nagpuyo sa wala pa niya gisugdan ang iyang ministeryo. Kini ang dapit diin si Hesus nagpuyo sulod sa 30 ka tuig.

GALILEA

B. Galilea �Mao ni ang unang milagro ni Hesus sa Cana sa Galilea. Gipadayag niya ining paagiha ang iyang himaya, ug mitoo niya ang iyang mga tinun-an. (Jn. 2, 11) �Sa pagkadungog ni Hesus nga gidakop si Juan, miadto siya sa Galilee. Mibiya sa Nazaret ug mipuyo sa Cafernaum, ang lungsod daplin sa lanaw

Ang Galilea mao ang dapit diin gisugdan ni Hesus ang iyang pagsangyaw sa Maayong Balita sa kaluwasan. Mao kini ang dapit diin hinay-hinay nga gipadayag ni Hesus ang iyang pagka-Diyos ug ang dakung gugma sa Diyos alang sa iyang katawhan.

JERUSALEM

C. Jerusalem �Natawo si Hesus sa Bethlehem sa Judas a panahon ni Hari Herodes. Nangabot sa Jerusalem ang mga maalamon gikan sa sidlakan nga nangutana: “Hain man ang bag -ong natawo nga hari sa mga Judio? (Mt. 2, 1 -2)

Sa Jerusalem nasinati ni Hesus ang mga pagsupak sa mga kadagkoan. Didto niya nahimamat ang mga paglutos ilabi na gayod ang iyang pagpasakit ug kamatayon sa Krus: “Kay gibati man niya ang kabug-at sa kamatayon, hugot kaayo ang iyang pag-ampo; ug gisingot siyag daw dagkong tulo sa dugo nga nahulog sa yuta. ” (Lukas 22, 44)

Kini ang dapit diin niya giatubang iyang kasakit ug kamatayon sa Krus apan hulip usab niini mao ang iyang kadaogan sa Pagkabanhaw. Ang Jerusalem mao ang kapungkayan sa gugma ni Hesus alang sa Amahan ug sa iyang katawhan. Ang Jerusalem mao ang dapit diin maisugon niyang gidawat ang tahas nga gisanong kaniya sa iyang Amahan. Bisan tuod iya nang nalantaw ang kasakit nga iyang again, gidawat gihapon kini ni Hesus sa tumang pagkamapaubsanon.

Atong nakita karong adlawa ang tipik sa kinabuhi sa atong manunubos. Atong nahimamat ang mga tao nga iya usab nahimamat. Atong nabalikan ang mga dapit diin si Hesus nakasinati sa tawhanong pagbati sa kalipay, kasakit, panagdait, ug panaghigalaay.

Ang hagit nato karon mao nga sa matag basa nato sa Ebanghelyo, ato untang maiiniton nga balikan ang kasinatian ni Hesus nga mao ra og kita nagpanaw uban kaniya. Sa ingon nga paagi mas buhi ang atong paghimamat kaniya diha sa mga pagbasa sa Ebanghelyo.