Arte di Palabra 2000 2013 Kompetensia di poesia

Arte di Palabra 2000 - 2013 Kompetensia di poesia, kuenta pa enseñansa avansá i haiku

Meta i partisipashon • Meta: • Promové amor pa kultura di nos idioma papiamentu. • Enrikesé nos idioma ku kreatividat di nos hubentut. • Ken por partisipá: • Alumno di klas 1 te 6 di vsbo, havo, vwo • i sbo klas 1, 2 • Por kompetí riba tereno di: • Poesia eksistente i original • Kuenta kòrtiku eksistente i original

Kompetensia di haiku • haiku, un arte di palabra hapones • Na honor di Elis Juliana, esun ku a popularisá haiku na papiamentu 3 kategoria: • Alumno di klas 1 i 2 • Alumno di klas 3 - 6 i sbo • Tur otro persona

Arte di palabra na ABC • Aruba i Boneiru • Aruba (3 aña) i Boneiru (6 aña) ta tene nan propio kompetensia. Finalistanan di Aruba i Boneiru ta partisipá na final na Kòrsou.

Ganadonan di Korsou 2012

Premio Kada partisipante di Arte di Palabra ta haña un sertifikado di partisipashon i un regalu. E seis ganadónan ta hana un biahe pa Boneiru of Aruba kaminda tin e. o. Interkambio kultural i presentashon na Radio i televishon.

Interkambio kultural na Aruba 2012

Despues di kompetensia… • Ganadónan di Arte di Palabra a haña invitashon pa aktua na diferente okashon e. o. na skolnan, na Boneiru, palasio di gobernador, dia di bandera i hasta durante di bishita real di Willem Alexander i Máxima. • Diferente di nan a sigui skibi i presentá i algun hasta a saka buki di poesia i kuenta.

Pòtpurí Arte di Palabra 2000 -2009 • Na 2009 komishon Arte di palabra a logra publiká un kompilashon di e mihó obranan original di e añanan anterior. . Nos a logra manda 30 ehemplar grátis pa tur skol avansá na Kòrsou i tambe pa Boneiru i Aruba. Tambe por kumpra e bukinan akí den libreria na Kòrsou i Boneiru. • Asina nos a kontribuí na un kategoria di literatura ku no tabata konosí ainda na Antia: literatura di hóben pa hóben.

Spin off • Hobennan ta sigui deklama I krea Arte. • Quinten Brunken a skibi e tumba hubenil ganado 2013. • Gouv. Lauffer vsbo a organisá pa di 7 aña preselekshon dilanti di henter skol.

Tapushi literario homenahe na baluarte • • For di e promé biaha (2000) ta dediká tur aña atenshon na algun persona ku a destaká riba tereno di papiamentu. Meta di esaki ta pa konsientisá hóbennan ku nos mester siña di e grandinan ku a indiká e kaminda. For di aña 2002 e baluartenan ta risibí un Tapushi literario i un sertifikado di mérito. Esaki ta konsistí di un tapushi di maishi chikí, den forma di un pèn. E siguiente personanan a risibí e premio akí: na 2000 Mem Vornis i Maria Diwan; na 2001 Imelda Valerianus, Elis Juliana, Ruth Zefrin na 2002 Gibi Bacilio, Jenny Fraai, Guillermo Rosario, Eddie Pieters Heyliger, Enrique Muller i Bòi Antoin di Boneiru na 2003 Sidney Joubert, Frank Martinus, Nydia Ecury, Papa Baromeo i Linda Coffie-Frans di Boneiru na 2004 sra. Uchi Regina - Frans di Boneiru , Rignald Recordino, Anselmus Bòi Dap, Cedric Ridderplaat i Oswin Chin Behilia.

Baluartenan 2010

Baluarte 2005 - 2010 • Na 2005 sra. Veronica Mersera di Boneiru , di Kòrsou: sra Enid Hollander-Merkies, sra Ruthie Pantophlet, sr. Richard Hooi, (Yerba Seku) i sr. Alvin Inecia (tio Ali). • Na 2006 Sr. Gabriël Mercera di Boneiru i di Kòrsou sra. Sonia Garmers, sra. Elia Isenia, sra. Lucille Berry-Haseth • Na 2007 sr. Marco Marchena di Boneiru i di Kòrsou, Eligio Melfor, Anthony Jamanica, Juni Aniceto i Pachi Damon, • Na 2008: Cecilia Evertsz Boneiru, Rina Penso, Bunchi Römer, Wilfrido Ortega i Zehi Metry. • Na 2009: Hermanito Narvaez, Orlando Cuales, Valesca Diaz, Leo Floridas, Boeboei (Carmo) Cicilia (Boneiru), Desiree Correa (Aruba) • Na 2010: Kòrsou: Violet Ravenstein, Thelma Antonia, Eric la Croes Boneiru: Crispina Cicilia-Janga i Benita Balentien-Janga Aruba: sra. Munye Oduber

Premio nashonal Idioma Materno UNESCO 2005 I 2011 • Na 2005 I 2011 Arte di Palabra a gana e premio nashonal di Idioma Materno otorga pa UNESCO. • Arte di Palabra ta prome grupo konsistiendo di boluntario ku a gana e premio aki.

Prensa i publisidat • Medionan di prensa Kòrsou i Boneiru • For di e promé aña Z 86 (for di 2009 Rock 88) a transmití tur aña un gran parti di e programa final bibu. • E echo ku despues di kada kompetensia Hermanito ta transmití e programa na kanal 80 a pone ku un públiko grandi a tuma nota di e evento. Den kurso di aña Hermanito ta keda pasa e kompetensianan di diferente aña anterior. • Fid. E ta duna atenshon na e kompetensia den su programa Mira i Skucha • Pidi Boka: Kas di Kultura tambe ta pasa e kompetensia den su programa Pidi Boka. • Sinku ana sigui tante Linda a dedika su programa di djasabra mainta na Bos di Boneiru na Arte di palabra. • Bon FM di Boneiru a transmití diferente bes programanan na Kòrsou i interkambio kultural na Boneiru. • Dos biaha e ganadonan di Ad. P tabata di bishita den e programa di Pamchito’s club. Di Flamingo TV. Boneiru.

Rashid, ken ta yu di tera? • Rashid, presentando na Boneiru den programa di Panchito Club

Stanley Lamp Award 2009

Yu di tera Ken ta yu di tera? Ken realmente ta e yu’i di tera? Esun ku ta susha nos suela? Òf esun ku ta karga nos bandera? Yu’i Kòrsou, yu’i Kòrsou! Ami, abo, e, nos ta karga e honor di ta un yu’i Kòrsou. Pero ken realmente ta e yu di tera? Yu di tera ta: Esun ku ta konservá rikesa di su herensia. Esun ku ta rekonosé su lenga ku ekselensia. Esun ku ta lucha pa igualdat en realidat. Esun ku ta traha humildemente ku sodó di su frenta, pa asina kultivá un komunidat ku prosperidat! Biba patriotismo! Awe nos por konmemorá ku positivismo. Nos héroenan históriko Tula, Luis Mercie I Bazjan Karpata. Símbolo di lucha, entrega i libertat di nos pueblo. Si libertat. . . libertat! Pero ken realmente ta e yu di tera? Yu di tera ta: Esun ku ta legumai desunion i guera. Esun ku ta kana kara na laira sin flohera. Esun ku ta kere firmemente ku e tin kapasidat. Esun ku ora e trompeká, ta lanta i sigui bai pa asina laga e fortalesa di e baranka akí sigui drai. P’esei awe, mi ta bisa ku: Yu’i Kòrsou mi ta! Profundamente, mi ta enfatisá. Yu’i Kòrsou mi ta! Hamas i nunka lo mi ninga. Yu’i Kòrsou mi ta! Ta akí, mi lombrishi ta derá. I ku mas fervor, mi ta sigui alsa mi bos i hura: Ku mi ta i mi ta keda orguyoso di ta un yu’i Kòrsou! Outor: Rashid Felida Klas 3 vsbo St. Jozef

Masha danki pa e atenshon!

Un danki di Komishon Arte di palabra