AMABWIRIZA YO GUKORESHA IBYICIRO BYUBUDEHE BIVUGURUYE KU RWEGO
AMABWIRIZA YO GUKORESHA IBYICIRO BY’UBUDEHE BIVUGURUYE KU RWEGO RW’AKARERE LODA, 02/06/2016
Amabwiriza ku byiciro by’ubudehe 2015 Ingingo ya 1: Icyo aya mabwiriza agamije Aya mabwiriza agena imirongo ngenderwaho mu gukoresha ibyiciro by’Ubudehe bivuguruye ku rwego rw’Akarere. Ingingo ya 2: Abarebwa n’aya mabwiriza Aya mabwiriza areba abanyarwanda bose muri rusange, akareba by’umwihariko inzego z’ibanze.
Amabwiriza ku byiciro by’ubudehe 2015 Ingingo ya 3: Amakuru y’Ingenzi Uturere dufite Uko data zoherejwe mu Turere ziteye IDENTIFICATIONGEN PROV_NAME DISTRIT_NAME SECTOR_NAME CELL_NAME VILLAG_NAME Hh. Mmbr. ID HHM NHHM Q_1_3 Q_1_4 Q_1_5_A Q_1_9 CAT Ubusobanuro Numero y’Urugo Intara Akarere Umurenge Akagari Umudugudu Numero z’ababa mu rugo Amazina y’abagize urugo Umubare w’ababa mu rugo Igitsina Igihe yavukiye Imyaka afite Nimero y’indangamuntu Icyiciro cy’ubudehe
Amabwiriza ku byiciro by’ubudehe 2015 Ingingo ya 4: Imikoreshereze y’ibyiciro by’ubudehe Mu rwego rwo gukoresha neza ibyiciro by’Ubudehe buri Karere gafite mu nshingano zako : • Kumenya uko amakuru y’ibyiciro by’ubudehe by’ako Karere abitswe n’uko akoreshwa. • Kumenyesha abaturage ibyiciro by’ubudehe barimo. • Kumenya ko amakuru ku byiciro by’ubudehe bitemewe ko amanikwa ahantu aho ariho hose. • Kumenya ko amakuru ku byiciro by’ubudehe y’Akarere abikwa ku Karere, ariko iyo bibaye ngombwa amakuru y’ubudehe ashobora guhabwa imirenge n’utugari; aba na bo ntibemerewe kuyamanika aho ari ho hose.
Amabwiriza ku byiciro by’ubudehe 2015 Ingingo ya 5: Imitangire y’amakuru ku byiciro bishya by’Ubudehe n’uko akoreshwa Amakuru ku byiciro bishya by’ubudehe ahererekanywa ku buryo bukurikira: • Buri rwego rw’ubuyobozi ruhabwa amakuru ku budehe yarwo gusa. Urugero: Umurenge uhabwa amakuru y’abaturage bawo gusa. • Umuntu ushaka amakuru y’ubudehe, ku rwego rw’Akarere asanga umukozi ushinzwe ibarurishamibare ku Karere cyangwa undi muntu wagenwa n’Akarere ahawe uburenganzira n’Umuyobozi w’Akarere Ushinzwe Imibereho Myiza y’Abaturage. • Umuntu ushaka amakuru y’ubudehe, ku rwego rw’Umurenge/Akagari, ayahabwa n’umukozi w’Umurenge/Akagari ushinzwe icyo gikorwa ahawe uburenganzira n’Umunyamabanga Nshingwabikorwa w’Umurenge/Akagari. • Amakuru y’ibyiciro by’ubudehe asomerwa mu nama z’abaturage binyuze muri komite z’ubudehe ku nzego zose. Icyo gikorwa kigahagararirwa n’urwego rw’Akarere. • Amakuru y’ibyiciro by’Ubudehe azajya atangwa na LODA ku bafatanyabikorwa bo ku rwego rw’Igihugu, naho Akarere abe ariko kayaha abafatanyabikorwa bo ku rwego rw’Akarere. • Ushaka kuyakoresha mu Karere karenze kamwe azajya ayasaba ku rwego rw’Igihugu (kuri LODA). • Uzajya ashaka gukoresha amakuru y’Ubudehe azajya ayasaba mu nyandiko ku rwego bireba agaragaze icyo ashaka kuyakoresha n’aho afite igikorwa cyo kuyakoresha. • Urutonde rw’abagenerwabikorwa ba za gahunda zose rushingiye ku makuru y’ubudehe ruzajya rwemezwa n’Akarere.
Amabwiriza ku byiciro by’ubudehe 2015 Uko amakuru ku byiciro by’ubudehe akoreshwa • Amakuru y’ibyiciro by’ubudehe ntabwo ahita atangira gukoreshwa n’inzego z’abafatanyabikorwa zose uko yakabaye, ahubwo bashobora kuyifashisha mu gutangira gutoranya abagenerwabikorwa babo, kandi bakemerera abaturage kujuririra izo gahunda. • Urwego urwo ari rwose ruhawe data z’ubudehe n’Akarere rugomba gusinyana n’Akarere ko ruzitwaye n’icyo rugiye kuzikoresha kandi rukamenya ko izo data zitazakoreshwa mu buryo bunyuranyije n’icyo ruzitwariye. • Urwego ruhawe amakuru ntirwemerewe kugira ahandi ruyatanga, undi wese uzajya akenera ayo makuru azajya abisabira uburenganzira urwego rubyemerewe (urwego rw’igihugu cyangwa urwego rw’Akarere) babanze basinyane amasezerano anagaragaze icyo agiye kuyakoresha.
Amabwiriza ku byiciro by’ubudehe 2015 Ingingo ya 6: Kubarura ingo zitabaruwe • Iyo urugo rutibonye muri database y’Akarere y’ubudehe, nyir’urugo yandikira ubuyobozi bw’Umurenge atuyemo, amenyesha Umurenge ko urugo rwe rwibuze muri database y’ibyiciro by’ubudehe asaba kubarurwa no guhabwa icyiciro cy’ubudehe yifashishyije ifishi (umugereka wa 3). Iyo yemerewe abarurwa yifashishije ifishi (umugereka wa 1). • Iyo bigaragaye ko hari umuntu umwe cyangwa benshi mu bagize urugo bibuze muri database y’ubudehe kandi nyir’urugo arimo, icyo gihe nyir’urugo yandikira Ubuyobozi bw’Umurenge asaba kubarurirwa abibuze agaragaza impamvu n’isano bafitanye n’utibonye cyangwa se abatibonye yifashishije ifishi (umugereka wa 3). Iyo yemerewe abarurwa hifashishijwe (Umugereka wa 2). Kuri iyo fishi (umugereka wa 2) yandikayo gusa nyir’urugo n’abantu bibuze n’andi makuru ajyanye nabo. • Iyo Umurenge umaze kubona urutonde rw’abafite ibibazo byavuzwe haruguru, wandikira Akagari ugasaba gukora no gukurikirana icyo gikorwa. Icyo gikorwa kigakorerwa ku rwego rw’Umudugudu. • Igikorwa cyo gushyira abaturage mu byiciro by’ubudehe batibonye muri database gikorwa na komite z’ubudehe kuri buri rwego.
Amabwiriza ku byiciro by’ubudehe 2015 Ingingo ya 6: Kubarura ingo zitabaruwe (cont’d) • Igikorwa cyo kwibaruza cyangwa se gukosoza amakuru y’urugo y’icyiciro cy’ubudehe gikorwa n’umukuru w’umuryango gusa (niwe ubisaba). Aho atakiriho bikorwa n’umuzungura we byemewe n’amategeko. Ku bana barasizwe n’ababyeyi bikorwa n’umukuru muri bo cyangwa se undi watoranyijwe n’abavandimwe ngo ahagararire umuryango. • Mu rwego rwo kwihutisha serivisi zifashisha amakuru y’ubudehe igikorwa cyo kubarura abatarabaruwe cyangwa gukosora amakuru atariyo ntikigomba kurenza icyumweru kimwe. Ni ukuvuga iminsi 7 uhereye igihe umuturage yandikiye abisaba.
Amabwiriza ku byiciro by’ubudehe 2015 Ingingo ya 7: Kuzuza amakuru atuzuye cyangwa gukosora amakuru y’ibyiciro by’ubudehe Umuntu ushaka gukosoza amakuru ayo ariyo yose ku byiciro by’ubudehe, abanza kwandikira urwego rw’ubuyobozi bw’Umurenge agaragaza impamvu ashaka gukosora n’amakuru ashaka gukosora, yifashishije ifishi (umugereka wa 3).
Amabwiriza ku byiciro by’ubudehe 2015 Ingingo ya 9: Imikorere n’imikoranire ya Komite z’ubudehe mu nzego z’ibanze muri iki gikorwa Komite z’ubudehe mu nzego z’ibanze zikora kandi zuzuzanya ku buryo bukurikira: • Ibibazo by’abaturage ku makuru y’ubudehe byose byandikirwa umunyamabanga nshingwabikorwa w’umurenge. • Komite y’Ubudehe ku rwego rw’Umurenge ifata umwanzuro ku busabe bwose, bigakorerwa raporo bikoherezwa ku rwego rw’Akagari. • Komite y’Ubudehe ku Kagari nayo ifata umwanzuro ku busabe bwayohererejwe, igashyira mu bikorwa umwanzuro yafashe kandi igakurikirana icyo gikorwa ku Midugudu. • Komite y’Ubudehe ku rwego Mudugudu, ikora ibyo yasabwe na Komite ku rwego rw’Akagari, barangiza bagaha raporo Umunyamabanga Nshingwabikorwa w’Akagari. • Imyanzuro ya komite y’Umudugudu ishyikirizwa komite y’Akagari ibyemezo byafatiwe mu Mudugudu, Komite y’Akagari igafata umwanzuro nyuma y’isurwa. • Raporo ya Komite y’Ubudehe ku Kagari ishyikiriza Komite y’Ubudehe k’Umurenge, urwo rwego rugafata umwanzuro nyuma y’isurwa. • Raporo ikohererezwa Akarere, amakuru ahindutse akemezwa na Vice Mayor ushinzwe Imibereho Myiza y’Abaturage nyuma y’isurwa. Agasinya ku ifishi y’amakuru yahindutse. Raporo yanditse igashyikirizwa LODA/MINALOC.
Amabwiriza ku byiciro by’ubudehe 2015 Ingingo ya 10: Imikoreshereze y’amakuru mashya • Icyiciro gishya gihabwa gusa ingo zibuze cyangwa zitabaruwe kandi bigara ko bikenewe byihutirwa. • Ayo makuru mashya yahindutse kandi yemejwe n’Akarere atangira gukoreshwa n’Akarere nk’ayandi basanganywe. • Amakuru yahindutse yinjizwa muri mudasobwa n’umukozi ushinzwe ibarurishamibare ku Karere kandi ntayavanga n’ayandi yari asanganywe ayashyira muri folder ukwayo akayohereza kuri LODA (softcopy). Abazakora data entry bazakoresha format ya Excel basanganywe ifite amakuru yose ari kuri questionnaire y’ubudehe. • Urugo rwibaruje bushya (rutari rusanzwe muri database y’ubudehe) ruhabwa code nshya idasanzwe muri database y’ubudehe uhereye ku yanyuma yari iri mu Mudugudu yanditsemo. • Abantu bibaruje baribuze ariko imiryango yabo isanzwe muri database y’ubudehe bahabwa code za nyir’urugo yibarurizamo, we agahabwa ikurikira uwanyuma muri uwo muryango.
Amabwiriza ku byiciro by’ubudehe 2015 Ingingo ya 11: ingingo z’inzibacyuho n’izisoza • Ibitavuzwe muri aya mabwiriza, Akarere gafite uburenganzira busesuye bwo kubyigaho no kubifataho umwanzuro uboneye. • Ingingo zose z’amabwiriza abanziriza aya kandi zinyuranye na yo zivanyweho • Aya mabwiriza atangira gushyirwa mu bikorwa ku munsi yashyizweho umukono agashyikirizwa inzego z’imitegekere y’igihugu zegerejwe abaturage.
Murakoze
- Slides: 13